ഇരുൾ മൂടിയ മുക്കടവ് അപകടഭീഷണിയായി
text_fieldsവഴിവിളക്കുകൾ കത്താത്ത മുക്കടവ്
പുനലൂർ: വഴിവിളക്കുകൾ ഇല്ലാതായതോടെ മുക്കടവ് ഇരുൾമൂടി അപകട ഭീഷണി ഉയർത്തുന്നു. പുനലൂർ- മൂവാറ്റുപുഴ സംസ്ഥാന ഹൈവേയിൽ ഏറ്റവും അപകടകരമായ പ്രദേശമാണ് മുക്കടവ്. കൊടുംവളവുകളും വലിയ കുന്നുകളും രണ്ട് പാലവും ചേരുന്ന ഒറ്റപ്പെട്ട പ്രദേശമാണിവിടം. രാത്രിയിൽ വഴിവിളക്കുകൾ ഒന്നും തന്നെ പ്രകാശിക്കുന്നില്ല.
കുളിക്കടവുകൾ ഉള്ളതിനാൽ രാത്രിയിലും ഈ ഭാഗത്ത് വണ്ടിക്കാരുടെ തിരക്കാണ്. പാതനവീകരണ ഭാഗമായി കെ.എസ്.ടി.പി ഇവിടെ സ്ഥാപിച്ച വഴിവിളക്കുകളിൽ മിക്കതും വാഹനങ്ങൾ ഇടിച്ച് തകർന്നു. ശേഷിക്കുന്ന ചിലത് അടുത്തിടയായി കത്തുന്നില്ല. ഇതിനാൽ സന്ധ്യ മയങ്ങുന്നതോടെ ഈ ഭാഗം വലിയ ഇരുട്ടായിത്തീരും.
ഒറ്റപ്പെട്ട പ്രദേശമായതിനാൽ ചെറിയ വാഹനങ്ങൾക്കും വഴിവിളക്കില്ലാത്തതുകാരണം ഇവിടെ വരുമ്പോൾ ബുദ്ധിമുട്ട് നേരിടുന്നു.
ഇരുളിന്റെ മറവിൽ മേഖലയിൽ മാലിന്യംതള്ളലും പതിവാണ്. രാത്രിയിൽ ഇഴജന്തുക്കളും കാട്ടുപന്നികളും ഇവിടെ ഇറങ്ങാറുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.