പുനലൂർ തൂക്കുപാലം വീണ്ടും ‘പച്ച’ പിടിച്ചു

പു​ന​ലൂ​ർ: കാ​ഴ്ച​ക്കാ​രി​ൽ വി​സ്മ​യം തീ​ർ​ക്കു​ന്ന ച​രി​ത്ര സം​ര​ക്ഷി​ത സ്മാ​ര​ക​മാ​യ പു​ന​ലൂ​ർ തൂ​ക്കു​പാ​ലം വീ​ണ്ടും ആ​ക​ർ​ഷ​ണീ​യ​മാ​യി. നീ​ണ്ട​കാ​ല​ത്തെ അ​വ​ഗ​ണ​ന​ക്ക് ശേ​ഷം അ​ത്യാ​വ​ശ്യ ന​വീ​ക​ര​ണ​ങ്ങ​ൾ പൂ​ർ​ത്തി​യാ​കു​ന്ന​തോ​ടെ താ​മ​സി​യാ​തെ സ​ഞ്ചാ​രി​ക​ൾ​ക്ക് വീ​ണ്ടും പാ​ലം തു​റ​ന്നു കൊ​ടു​ക്കും.

ന​വീ​ക​ര​ണം കാ​ര​ണം ക​ഴി​ഞ്ഞ ര​ണ്ടു​മാ​സ​മാ​യി അ​ട​ച്ചി​ട്ടി​രി​ക്കു​ന്ന​തി​നാ​ൽ ഇ​പ്പോ​ൾ പാ​ലം കാ​ണാ​നെ​ത്തു​ന്ന​വ​ർ പു​റ​ത്തു​നി​ന്ന് ക​ണ്ട് മ​ട​ങ്ങു​ക​യാ​ണ്. വി​ദ്യാ​ല​യ​ങ്ങ​ളി​ലെ വി​നോ​ദ സ​ഞ്ചാ​ര സീ​സ​ണാ​യ​തി​നാ​ൽ ഇ​പ്പോ​ൾ ത​മി​ഴ്നാ​ട്ടി​ൽ നി​ന്ന​ട​ക്കം ദി​വ​സ​വും നി​ര​വ​ധി കു​ട്ടി​ക​ളും മു​തി​ർ​ന്ന​വ​രും പാ​ലം കാ​ണാ​ൻ എ​ത്തു​ന്നു​ണ്ട്.

സം​സ്ഥാ​ന പു​രാ​വ​സ്തു വ​കു​പ്പി​ന്‍റെ ചു​മ​ത​ല​യി​ലു​ള്ള തൂ​ക്കു​പാ​ലം വ​കു​പ്പി​ന്‍റെ പ​ദ്ധ​തി വി​ഹി​ത​ത്തി​ൽനി​ന്ന്​ 26.88 ല​ക്ഷം രൂ​പ അ​നു​വ​ദി​ച്ചാ​ണ് അ​റ്റ​കു​റ്റ​പ്പ​ണി ന​ട​ത്തു​ന്ന​ത്. പാ​ല​ത്തി​ന്‍റെ ക​രി​ങ്ക​ൽ ആ​ർ​ച്ചു​ക​ൾ​ക്ക് എ​ന്നും ശാ​പ​മാ​കു​ന്ന ആ​ൽ​മ​ര​ങ്ങ​ള​ട​ക്കം നീ​ക്കം ചെ​യ്ത് ബ​ല​പ്പെ​ടു​ത്തു​ക​യും ആ​ക​ർ​ഷ​ണീ​യ​മാ​ക്ക​ലു​മാ​ണ് ന​വീ​ക​ര​ണം.

ഇ​തി​​ന്‍റെ ഭാ​ഗ​മാ‍യി ആ​ർ​ച്ചു​ക​ളി​ലെ​യ​ട​ക്കം തു​രു​മ്പ് നീ​ക്കി പ​ച്ച​ച്ചാ​യം പൂ​ശി. തു​രു​മ്പെ​ടു​ത്ത് ദ്ര​വി​ച്ച ഗ​ർ​ഡ​റു​ക​ളും സം​ര​ക്ഷി​ത വ​ല​ക​ളും മാ​റ്റി സ്ഥാ​പി​ച്ചു. പാ​ല​ത്തി​ന്‍റെ ഉ​പ​രി​ത​ല​ത്തി​ൽ വി​രി​ച്ചി​രി​ക്കു​ന്ന ക​മ്പ​ക​പ​ല​ക​ക​ൾ അ​ക​വും പു​റ​വും ക​ശു​വ​ണ്ടി​ത്തോ​ടി​ന്‍റെ ഓ​യി​ൽ പൂ​ശി ബ​ല​പ്പെ​ടു​ത്തി.

പാ​ല​ത്തി​ന്​ താ​ങ്ങാ​യ ച​ങ്ങ​ല​ക​ൾ ബ​ന്ധി​ച്ച ഇ​രു​ക​ര​ക​ളി​ലേ​യും കി​ണ​റു​ക​ളും വൃ​ത്തി​യാ​ക്കി. വൈ​ദ്യു​തീ​ക​ര​ണ ജോ​ലി​ക​ൾ ന​വീ​ക​രി​ച്ച് അ​ല​ങ്കാ​ര ബ​ൾ​ബു​ക​ള​ട​ക്കം സ്ഥാ​പി​ക്കേ​ണ്ട​തു​ണ്ട്. അ​തേ​സ​മ​യം, കു​ട്ടി​ക​ൾ​ക്ക് ഉ​ല്ല​സി​ക്കാ​ൻ ഇ​രു​ഭാ​ഗ​ത്തും പാ​ർ​ക്ക് സ്ഥാ​പി​ക്ക​ണ​മെ​ന്ന ആ​വ​ശ്യം ഇ​നി​യും പ​രി​ഗ​ണി​ച്ചി​ട്ടി​ല്ല.