പുനലൂർ താലൂക്കാശുപത്രി; സ്വകാര്യ ആംബുലൻസ് സേവനം നാളെ മുതൽ പൊലീസ് എയ്ഡ് പോസ്റ്റിലൂടെ

പു​ന​ലൂ​ർ: പു​ന​ലൂ​ർ താ​ലൂ​ക്കാ​ശു​പ​ത്രി​യി​ൽ ചി​കി​ത്സ​യി​ലു​ള്ള രോ​ഗി​ക​ൾ​ക്കും മ​റ്റും സ്വ​കാ​ര്യ ആം​ബു​ല​ൻ​സു​ക​ളു​ടെ സേ​വ​നം ല​ഭ്യ​മാ​ക്കു​ന്ന​തി​ന് നി​യ​ന്ത്ര​ണം ഏ​ർ​പ്പെ​ടു​ത്തി. ആ​ശു​പ​ത്രി​യി​ൽ ക​ഴി​യു​ന്ന രോ​ഗി​ക​ൾ​ക്ക​ട​ക്കം സ്വ​കാ​ര്യ ആം​ബു​ൻ​സ് വി​ളി​ക്ക​ണ​മെ​ങ്കി​ൽ ആ​ശു​പ​ത്രി​വ​ള​പ്പി​ലു​ള്ള പൊ​ലീ​സ് എ​യ്ഡ് പോ​സ്റ്റ മു​ഖേ​ന​യേ ക​ഴി​യൂ.

ആ​ശു​പ​ത്രി സൂ​പ്ര​ണ്ട് ഡോ. ​സു​നി​ൽ കു​മാ​റി​ന്‍റെ അ​ധ്യ​ക്ഷ​ത​യി​ൽ പൊ​ലീ​സ്, മോ​ട്ടോ​ർ വെ​ഹി​ക്കി​ൾ, സ്വ​കാ​ര്യ ആം​ബു​ല​ൻ​സ് പ്ര​തി​നി​ധി​ക​ൾ എ​ന്നി​വ​രു​ടെ യോ​ഗ​ത്തി​ലാ​ണ് തീ​രു​മാ​നം. ഇ​ത്​ തി​ങ്ക​ളാ​ഴ്ച മു​ത​ൽ പ്രാ​ബ​ല്യ​ത്തി​ലാ​കും. ഇ​വി​ടെ നി​ന്ന്​ ജി​ല്ല ആ​ശു​പ​ത്രി, പാ​രി​പ്പ​ള്ളി മെ​ഡി​ക്ക​ൽ കോ​ള​ജ്, തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് എ​ന്നി​വി​ട​ങ്ങ​ളി​ലേ​ക്കും 20 കി​ലോ​മീ​റ്റ​ർ വ​രെ​യു​ള്ള ദൂ​ര​ത്തി​ൽ വി​വി​ധ ത​രം ആം​ബു​ല​ൻ​സു​ക​ളു​ടെ നി​ര​ക്കും തീ​രു​മാ​നി​ച്ചു.

താ​ലു​ക്കാ​ശു​പ​ത്രി കേ​ന്ദ്രീ​ക​രി​ച്ചു​ള്ള സ്വ​കാ​ര്യ ആം​ബു​ല​ൻ​ക​ളു​ടെ സ​ർ​വി​സി​നെ​ക്കു​റി​ച്ച് നി​ര​വ​ധി ആ​ക്ഷേ​പ​ങ്ങ​ളു​യ​ർ​ന്ന സാ​ഹ​ച​ര്യ​ത്തി​ലാ​ണ് നി​യ​ന്ത്ര​ണ​ത്തി​ന്​ അ​ധി​കൃ​ത​ർ നി​ർ​ബ​ന്ധി​ത​രാ​യ​ത്. ആ​ശു​പ​ത്രി​യി​ലെ ചി​ല ജീ​വ​ന​ക്കാ​രും ആം​ബു​ല​ൻ​സ് ഡ്രൈ​വ​ർ​മാ​രും ത​മ്മി​ലു​ള്ള അ​വി​ഹി​ത ഇ​ട​പെ​ട​ലി​ൽ ഒ​ട്ടേ​റെ പ​രാ​തി​ക​ളു​ണ്ട്.

രോ​ഗി​ക​ളു​ടെ​യും പോ​സ്റ്റ്​​മോ​ർ​ട്ട​ത്തി​ന് എ​ത്തി​ക്കു​ന്ന മൃ​ത​ദേ​ഹ​ങ്ങ​ളു​ടെ​യും​മേ​ൽ ബ​ന്ധു​ക്ക​ൾ​പോ​ലും അ​റി​യാ​തെ സ്വ​കാ​ര്യ ആം​ബു​ല​ൻ​സു​കാ​രു​ടെ കൈ​ക​ട​ത്ത​ലും അ​മി​ത ചാ​ർ​ജ് ഇൗ​ടാ​ക്ക​ലു​മു​ൾ​പ്പെ​ടെ​യാ​ണ്​ പ​രാ​തി​ക​ൾ. ചി​ല ജീ​വ​ന​ക്കാ​രും ഇ​തി​നു​പി​ന്നി​ലു​ള്ള​ത് ആ​ശു​പ​ത്രി അ​ധി​കൃ​ത​ർ​ക്കും ത​ല​വേ​ദ​യാ​കു​ന്നു. ഓ​ട്ടം പോ​കു​ന്ന​ത് സം​ബ​ന്ധി​ച്ച് ആ​ശു​പ​ത്രി​വ​ള​പ്പി​ൽ ആം​ബു​ല​ൻ​സ് ഡ്രൈ​വ​ർ​മാ​ർ ത​മ്മി​ൽ പ്ര​ശ്ന​മു​ണ്ടാ​കു​ന്ന​തും പ​തി​വാ​ണ്.

സ്വ​കാ​ര്യ ആം​ബു​ൻ​സു​ക​ളു​ടെ ക​ട​ന്നു​ക‍യ​റ്റ​ത്തി​ൽ ന്യാ​യ​മാ​യ നി​ര​ക്കി​ൽ ഓ​ടു​ന്ന താ​ലൂ​ക്കാ​ശു​പ​ത്രി​യി​ലെ ആം​ബു​ല​ൻ​സു​ക​ൾ​ക്ക് ഓ​ട്ടം ല​ഭി​ക്കു​ന്നു​മി​ല്ല.

ആ​ശു​പ​ത്രി വാ​ർ​ഡ്, മോ​ർ​ച്ച​റി, റി​സ​പ്ഷ​ൻ, അ​ത്യാ​ഹി​ത​വി​ഭാ​ഗം എ​ന്നി​വി​ട​ങ്ങ​ളി​ലു​ള്ള​വ​ർ​ക്ക് ഇ​നി മു​ത​ൽ സ്വ​കാ​ര്യ ആം​ബു​ല​ൻ​സ് വി​ളി​ക്ക​ണ​മെ​ങ്കി​ൽ പൊ​ലീ​സ് എ​യ്ഡ്പോ​സ്റ്റി​ൽ അ​റി​യി​ക്ക​ണം. എ​യ്ഡ് പോ​സ്റ്റി​ൽ നി​ന്ന്​ അ​റി​യി​പ്പ് ല​ഭി​ക്കു​ന്ന ഡ്രൈ​വ​ർ​മാ​ർ എ​യ്ഡ് പോ​സ്റ്റി​ലു​ള്ള​ള്ള ആം​ബു​ല​ൻ​സ് ര​ജി​സ്റ്റ​റി​ൽ ഒ​പ്പി​ട്ടി​ട്ട് വേ​ണം രോ​ഗി​ക​ളെ​യും കൊ​ണ്ടു​പോ​കാ​ൻ.