റെയിൽവേ: ചെങ്കോട്ടയിൽനിന്ന്​ പുനലൂർ വരെ വൈദ്യുതി എത്തി

പു​ന​ലൂ​ർ: ചെ​ങ്കോ​ട്ട റെ​യി​ൽ​വേ ട്രാ​ക്​​ഷ​ൻ സ​ബ്സ്റ്റേ​ഷ​നി​ൽ​നി​ന്ന്​ വെ​ള്ളി​യാ​ഴ്ച പു​ന​ലൂ​ർ റെ​യി​ൽ​വേ സ്റ്റേ​ഷ​ന് സ​മീ​പം വ​രെ​യു​ള്ള വൈ​ദ്യു​തി​ലൈ​നി​ലൂ​ടെ വൈ​ദ്യു​തി പ്ര​വ​ഹി​പ്പി​ച്ചു. വൈ​ദ്യു​തീ​ക​ര​ണ ജോ​ലി​ക​ൾ പൂ​ർ​ത്തി​യാ​ക്കി മൂ​ന്നു​മാ​സം മു​മ്പ് പു​ന​ലൂ​ർ-​ചെ​ങ്കോ​ട്ട ലൈ​ൻ ക​മീ​ഷ​ൻ ചെ​യ്തി​രു​ന്നു. എ​ന്നാ​ൽ, വൈ​ദ്യു​തി എ​ത്താ​ത്ത​തി​നാ​ൽ ട്രെ​യി​നു​ക​ൾ ഡീ​സ​ൽ എ​ൻ​ജി​നി​ലാ​ണ് സ​ർ​വി​സ് ന​ട​ത്തു​ന്ന​ത്. പു​ന​ലൂ​ർ വ​രെ വൈ​ദ്യു​തി എ​ത്തി​യ​തി​നാ​ൽ ഇ​നി വൈ​ദ്യു​തി എ​ൻ​ജി​നു​ക​ൾ ഓ​ടി​ക്കു​ന്ന​തി​ന് ത​ട​സ്സ​മി​ല്ല.

എ​ന്നാ​ൽ, ഇ​തു​സം​ബ​ന്ധി​ച്ച് ദ​ക്ഷി​ണ റെ​യി​ൽ​വേ ഇ​തു​വ​രെ തീ​രു​മാ​ന​മെ​ടു​ത്തി​ട്ടി​ല്ല. ഇ​തി​നാ​യി ലോ​ക്കോ പ്ര​ത്യേ​കം പ​രീ​ക്ഷ​ണ ഓ​ട്ടം ന​ട​ത്തു​മെ​ന്ന് അ​റി​യു​ന്നു. പു​ന​ലൂ​ർ കൂ​ടാ​തെ ചെ​ങ്കോ​ട്ട സ​ബ് സ്റ്റേ​ഷ​നി​ൽ നി​ന്ന്​ ചെ​ങ്കോ​ട്ട സ​ബ്സ്റ്റേ​ഷ​ൻ യാ​ർ​ഡി​ലും തി​രു​നെ​ൽ​വേ​ലി, വി​രു​ദ് ന​ഗ​ർ ഭാ​ഗ​ങ്ങ​ളി​ലേ​ക്കും വൈ​ദ്യു​തി എ​ത്തി​ച്ചി​ട്ടു​ണ്ട്.

ഒ​രു​വ​ർ​ഷം കൊ​ണ്ടാ​ണ് ചെ​ങ്കോ​ട്ട റെ​യി​ൽ​വേ സ്റ്റേ​ഷ​ന് സ​മീ​പ​ത്ത് ട്രാ​ക്​​ഷ​ൻ സ​ബ്സ്റ്റേ​ഷ​ൻ നി​ർ​മാ​ണം ആ​രം​ഭി​ച്ച്​ ക​ഴി​ഞ്ഞ​യാ​ഴ്ച ക​മീ​ഷ​ൻ ചെ​യ്ത​ത്.

എ​ന്നാ​ൽ, മൂ​ന്നു​വ​ർ​ഷം മു​മ്പ്​ നി​ർ​മാ​ണം ആ​രം​ഭി​ച്ച പു​ന​ലൂ​ർ സ​ബ് സ്റ്റേ​ഷ​നി​ൽ ഇ​തു​വ​രെ വൈ​ദ്യു​തി എ​ത്തി​യി​ട്ടി​ല്ല. ഇ​തി​നാ​യി റെ​യി​ൽ​വേ 28 കോ​ടി രൂ​പ കെ.​എ​സ്.​ഇ.​ബി​ക്ക് ഒ​ടു​ക്കി​യി​രു​ന്നു. എ​ന്നാ​ൽ, കെ.​എ​സ്.​ഇ.​ബി​യു​ടെ പു​ന​ലൂ​ർ സ​ബ്സ്റ്റേ​ഷ​നി​ൽ​നി​ന്ന്​ 2.7 കി​ലോ​മീ​റ്റ​ർ ഭൂ​ഗ​ർ​ഭ കേ​ബി​ളു​ക​ൾ സ്ഥാ​പി​ച്ച് വൈ​ദ്യു​തി എ​ത്തി​ക്കു​ന്ന​തി​നു​ള്ള ജോ​ലി തു​ട​ങ്ങി​യി​ട്ടേ​യു​ള്ളൂ. കേ​ബി​ൾ സ്ഥാ​പി​ക്കാ​ൻ റോ​ഡ് കു​ഴി​ക്കു​ന്ന​തി​ന് നി​ര​വ​ധി ഡി​പ്പാ​ർ​ട്​​മെൻറു​ക​ളു​ടെ അ​നു​മ​തി​യും ല​ഭി​ക്കാ​നു​ണ്ട്. കെ.​എ​സ്.​ഇ.​ബി​യു​ടെ മെ​ല്ലെ​പ്പോ​ക്ക് കാ​ര​ണ​മാ​ണ് പു​ന​ലൂ​ർ സ​ബ്സ്റ്റേ​ഷ​നി​ലേ​ക്ക് വൈ​ദ്യു​തി എ​ത്താ​തി​രി​ക്കു​ന്ന​തെ​ന്ന് ആ​ക്ഷേ​പം ഉ​യ​ർ​ന്നി​രു​ന്നു.