പാലരുവിയിൽ സഞ്ചാരികളെ എത്തിക്കാൻ ‘വാടക’ കെ.എസ്.ആർ.ടി.സി

പു​ന​ലൂ​ർ: പാ​ല​രു​വി​യി​ലെ​ത്തു​ന്ന വി​നോ​ദ​സ​ഞ്ചാ​രി​ക​ളു​ടെ യാ​ത്രാ​ക്ലേ​ശം പ​രി​ഹ​രി​ക്കാ​ൻ കെ.​എ​സ്.​ആ​ർ.​ടി.​സി ബ​സ് സ​ർ​വീ​സ്. ഇ​വി​ടെ എ​ത്തു​ന്ന വി​നോ​ദ​സ​ഞ്ചാ​രി​ക​ളെ പാ​ല​രു​വി​യി​ൽ എ​ത്തി​ച്ചു തി​രി​കെ കൊ​ണ്ടു​വ​രാ​ൻ ഒ​രു ചെ​റി​യ ബ​സ് ഉ​ൾ​പ്പെ​ടെ നാ​ല് ബ​സു​ക​ൾ ആ​ണ് ഇ​ക്കോ​ടൂ​റി​സ​ത്തി​ന് ഉ​ണ്ടാ​യി​രു​ന്ന​ത്. ഇ​തി​ൽ ര​ണ്ടെ​ണ്ണം അ​റ്റ​കു​റ്റ​പ്പ​ണി​യെ തു​ട​ർ​ന്ന് ര​ണ്ടു​മാ​സ​മാ​യി കൊ​ല്ല​ത്തെ വ​ർ​ക്ക്ഷോ​പ്പി​ലാ​ണ്. മൂ​ന്നാ​മ​ത്തെ ബ​സ് അ​ടു​ത്തി​ടെ കേ​ടാ​യി. ശേ​ഷി​ക്കു​ന്ന​ത മി​നി ബ​സി​ൽ മു​ഴു​വ​ൻ സ​ഞ്ചാ​രി​ക​ളെ​യും പാ​ല​രു​വി​യി​ൽ എ​ത്തി​ക്കാ​ൻ പ്ര​യാ​സ​മാ​ണ്. ഇ​ത് യാ​ത്ര​ക്കാ​ർ​ക്ക് ബു​ദ്ധി​മു​ട്ടാ​യി. തു​ട​ർ​ന്ന് ആ​ര്യ​ങ്കാ​വ് കെ.​എ​സ്.​ആ​ർ.​ടി.​സി ഡി​പ്പോ​യി​ലെ ഒ​രു ബ​സ് താ​ൽ​കാ​ലി​ക​മാ​യി ഇ​ക്കോ​ടൂ​റി​സം അ​ധി​കൃ​ത​ർ വാ​ട​ക​ക്കെ​ടു​ത്തു. ഒ​രു ട്രി​പ്പി​ന് 1000 രൂ​പ​യാ​ണ് വാ​ട​ക.

വേ​ന​ൽ ക​ടു​ത്ത​തോ​ടെ ത​മി​ഴ്നാ​ട്ടി​ൽ നി​ന്ന​ട​ക്കം നി​ര​വ​ധി സ​ഞ്ചാ​രി​ക​ൾ പാ​ല​രു​വി​യി​ലെ​ത്തു​ന്നു​ണ്ട്. ആ​ര്യ​ങ്കാ​വ് ആ​ർ.​ഒ ജം​ങ്ഷ​ന് സ​മീ​പ​മു​ള്ള ഇ​ക്കോ ടൂ​റി​സം ഓ​ഫി​സി​ൽ നി​ന്ന് വ​ന​ത്തി​ലൂ​ടെ നാ​ല് കി​ലോ​മീ​റ്റ​ർ അ​ക​ലെ​യാ​ണ് പാ​ല​രു​വി. ടി​ക്ക​റ്റ് കൗ​ണ്ട​റി​ൽ നി​ന്ന് വാ​ഹ​ന​ങ്ങ​ളി​ലാ​ണ് യാ​ത്ര​ക്കാ​രെ ഇ​വി​ടെ കൊ​ണ്ടു​വ​രു​ന്ന​ത്. പു​റ​മേ​യു​ള്ള മ​റ്റു വാ​ഹ​ന​ങ്ങ​ൾ പ്ര​വേ​ശി​ക്കാ​ൻ അ​നു​വാ​ദ​മി​ല്ലാ​ത്ത​ത് കാ​ര​ണം അ​ധി​കൃ​ത​ർ ഏ​ർ​പ്പെ​ടു​ത്തു​ന്ന വാ​ഹ​ന​ങ്ങ​ൾ മാ​ത്ര​മേ വെ​ള്ള​ച്ചാ​ട്ട​ത്തി​ൽ എ​ത്താ​ൻ ക​ഴി​യു​ക​യു​ള്ളു.

അ​തേ​സ​മ​യം കു​റ​ഞ്ഞ ദൂ​ര​ത്തി​ൽ ഓ​ടു​ന്ന ബ​സു​ക​ൾ അ​ടി​ക്ക​ടി വ​ലി​യ പ​ണി​ക​ൾ വ​രു​ത്തു​ന്ന​ത് അ​ധി​കൃ​ത​ർ​ക്ക് ത​ല​വേ​ദ​ന​യാ​യി​ട്ടു​ണ്ട്. വാ​ഹ​ന​ങ്ങ​ളു​ടെ പ​ണി​ക്കാ​യി ത​ന്നെ വ​ലി​യ തു​ക​യാ​ണ് എ​ല്ലാ​വ​ർ​ഷ​വും ചെ​ല​വി​ടു​ന്ന​ത്. വ​രു​മാ​ന​ത്തി​ന്റെ ന​ല്ല പ​ങ്കും വാ​ഹ​ന​ങ്ങ​ളു​ടെ ചെ​ല​വി​നാ​യി മാ​റ്റി​വെ​ക്കേ​ണ്ട അ​വ​സ്ഥ​യാ​ണ്.