തെന്മലയിൽ കമ്യൂണിറ്റി ഹാൾ നടപ്പായില്ല; ഷെഡ് നശിക്കുന്നു

പു​ന​ലൂ​ർ: തെ​ന്മ​ല ജ​ങ്ഷ​നി​ലു​ള്ള വ​നം​വ​കു​പ്പി​ന്റെ ഷെ​ഡ് ന​വീ​ക​രി​ച്ച് ക​മ്യൂ​ണി​റ്റി ഹാ​ളാ​ക്കാ​നു​ള്ള തീ​രു​മാ​നം യാ​ഥാ​ർ​ഥ്യ​മാ​യി​ല്ല. വ​നം​വ​കു​പ്പി​ന്റെ ത​ടി ഡി​പ്പോ​യി​ലു​ള്ള ര​ണ്ട് ഷെ​ഡു​ക​ളി​ൽ ഒ​രെ​ണ്ണ​മാ​ണ് ജ​ന​ങ്ങ​ൾ​ക്ക് ഉ​പ​കാ​ര​പ്ര​ദ​മാ​കു​ന്ന നി​ല​യി​ൽ ക​മ്യൂ​ണി​റ്റി ഹാ​ളാ​ക്കാ​ൻ ന​ട​പ​ടി തു​ട​ങ്ങി​യ​ത്. ക​ഴി​ഞ്ഞ സ​ർ​ക്കാ​റി​ന്റെ കാ​ല​ത്ത് വ​നം മ​ന്ത്രി​യാ​യി​രു​ന്ന കെ. ​രാ​ജു​വാ​ണ് ഇ​തു​സം​ബ​ന്ധി​ച്ച് ജ​ന​ങ്ങ​ൾ​ക്ക് ഉ​റ​പ്പ് ന​ൽ​കി​യ​ത്.

പ​ഞ്ചാ​യ​ത്ത് ഏ​റ്റെ​ടു​ക്കാ​ൻ ത​യാ​റാ​യാ​ൽ വി​ട്ടു​കൊ​ടു​ക്കാ​നും അ​ല്ലെ​ങ്കി​ൽ വ​നം​വ​കു​പ്പ് ഇ​തി​നു​ള്ള ന​ട​പ​ടി സ്വീ​ക​രി​ക്കു​മെ​ന്നാ​യി​രു​ന്നു അ​റി​യി​ച്ചി​രു​ന്ന​ത്. വി​വ​രം തെ​ന്മ​ല പ​ഞ്ചാ​യ​ത്ത് അ​ധി​കൃ​ത​രെ അ​റി​യി​ച്ചെ​ങ്കി​ലും ഷെഡ്​ ന​വീ​ക​രി​ച്ച് ഹാ​ളാ​ക്കാ​നു​ള്ള ഫ​ണ്ടി​ല്ലാ​ത്ത​തി​നാ​ൽ ഇ​വ​ർ ത​യാ​റാ​യി​ല്ല. വ​നം വ​കു​പ്പും ഇ​തി​ന് താ​ൽ​പ​ര്യം കാ​ട്ടി​യി​ല്ല.

വി​ല​കൂ​ടി​യ ത​ടി​ക​ൾ സൂ​ക്ഷി​ക്കാ​നാ​യി വ​ർ​ഷ​ങ്ങ​ൾ​ക്കു മു​മ്പ് വ​നം വ​കു​പ്പ് നി​ർ​മി​ച്ച​താ​ണ് ഷീ​റ്റ് മേ​ഞ്ഞ ഈ ​ഷെ​ഡു​ക​ൾ. ഇ​തി​ൽ ഒ​രെ​ണ്ണം ഉ​പ​യോ​ഗ​പ്ര​ദ​മ​ല്ലെ​ങ്കി​ലും മ​റ്റൊ​ന്ന് ന​വീ​ക​രി​ച്ച് പൊ​തു​പ​രി​പാ​ടി​ക​ൾ​ക്കും മ​റ്റും ഉ​പ​യോ​ഗി​ക്കാ​വു​ന്ന​താ​ണ്. 100 മീ​റ്റ​റോ​ളം നീ​ള​വും അ​തി​ന​നു​സൃ​ത​മാ​യി വീ​തി​യു​ള്ള​താ​ണ്. ഇ​തി​ന്‍റെ വ​ശ​ങ്ങ​ൾ മ​റ​ച്ച് മ​റ്റ് സൗ​ക​ര്യ​ങ്ങ​ൾ ഒ​രു​ക്കി​യാ​ൽ വി​വാ​ഹ​ങ്ങ​ൾ, പൊ​തു​യോ​ഗം തു​ട​ങ്ങി​യ​വ ന​ട​ത്തു​ന്ന​തി​ന് ക​ഴി​യും. മ​തി​യാ​യ ഹാ​ളു​ക​ൾ തെ​ന്മ​ല​യി​ൽ ഇ​ല്ലാ​ത്ത കാ​ര​ണം ക​ല്യാ​ണം മ​റ്റും വ​ള​രെ ദൂ​രെ​യെ​ത്തി വ​ലി​യ വാ​ട​ക​ക്ക് എ​ടു​ക്കേ​ണ്ടി വ​രു​ന്നു.

തോ​ട്ടം തൊ​ഴി​ലാ​ളി​ക​ളും മ​റ്റ് സാ​ധാ​ര​ണ​ക്കാ​രും കൂ​ടു​ത​ലാ​യു​ള്ള പ​ഞ്ചാ​യ​ത്തി​ൽ വ​ള​രെ ഉ​പ​കാ​ര​മാ​യി​രു​ന്നു. കൂ​ടാ​തെ പൊ​തു​പ​രി​പാ​ടി​ക​ൾ ന​ട​ത്തു​ന്ന​തി​നും മ​തി​യാ​യ സൗ​ക​ര്യം ഇ​വി​ടി​ല്ല. പ​ഞ്ചാ​യ​ത്തി​ന് ആ​വ​ശ്യ​മാ​യ ഫ​ണ്ട് ഇ​ല്ലാ​ത്ത​താ​ണ് ഏ​റ്റെ​ടു​ക്കാ​ൻ ത​യാ​റാ​കാ​തി​രു​ന്ന​തെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്. ഷെ​ഡ് ആ​ക​ട്ടെ ക​ന്നു​കാ​ലി​ക​ളും നാ​യ്ക​ളും താ​വ​ള​മാ​ക്കി​യ​തോ​ടെ നാ​ശ​ത്തി​ലാ​ണ്.