തെന്മല ഡാം റോഡിൽ വീണ്ടും ലോറി മറിഞ്ഞു
text_fieldsതെന്മല ഡാം റോഡിൽ രണ്ടാംവളവിൽ മെറ്റലുമായി വന്ന ലോറി കാട്ടിലേക്ക് മറിഞ്ഞ നിലയിൽ
പുനലൂർ: തെന്മല ഡാം റോഡിൽ എസ് വളവിൽ വീണ്ടും ചരക്ക് ലോറി മറിഞ്ഞു. തമിഴ്നാട്ടിൽനിന്ന് മെറ്റലുമായി വന്ന ലോറി വ്യാഴാഴ്ച ഉച്ചക്ക് 12 ഓടെയാണ് ഡാം റോഡിലെ രണ്ടാം വളവിൽ മറിഞ്ഞത്. ഇറക്കവും വളവും ഇറങ്ങി വന്ന ലോറി നിയന്ത്രണം വീട്ട് കാട്ടിലേക്ക് മറിയുകയായിരുന്നു. ക്ലീനർക്ക് പരിക്കേറ്റു. ഈ റോഡിലുള്ള ഒന്നും രണ്ടും വളവുകളിൽ നിത്യം വാഹനാപകടമുണ്ട്. തമിഴ്നാട്ടിൽനിന്ന് ചരക്കുമായി വരുന്ന വാഹനങ്ങളാണ് കൂടുതലും അപകടത്തിൽ െപടുന്നത്.
പാതയിൽ അപകടകരമായി വശങ്ങൾ ഇടിഞ്ഞിരിക്കുന്നതും ഡ്രൈവർമാരുടെ അശ്രദ്ധയും ഡീസൽ ലാഭിക്കാൻ ന്യൂട്രൽ ഗിയറിൽ വരുന്നതുമാണ് അപകടകാരണം. വലിയ ചരക്ക് വാഹനങ്ങൾക്ക് നിയന്ത്രണം ഉണ്ടെങ്കിലും ദൂരം ലാഭിക്കാനായി ഇതുവഴിയാണ് കടന്നുവരുന്നത്. നിയന്ത്രിക്കാൻ അധികൃതർ തയാറാകാത്തതോടെ ഇതുവഴി ചരക്കുവാഹനങ്ങളുടെ എണ്ണം വർധിച്ചു. ഇതുകാരണം ബസ് യാത്രക്കാരടക്കം ബുദ്ധിമുട്ടുകയാണ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.