അംഗൻവാടി മുറ്റത്തേക്ക് മരം വീണു; തലനാരിഴക്ക് അപകടം ഒഴിവായി
text_fieldsപുനലൂർ: തെന്മല പഞ്ചായത്തിലെ നാഗമല വാർഡിൽപ്പെട്ട നാഗമല 42ാം നമ്പർ അംഗൻവാടിയുടെ മുൻവശത്ത് നിന്നിരുന്ന മരം പിഴുതുവീണു. തലനാരിഴക്ക് വലിയ അപകടം ഒഴിവായി. തിങ്കളാഴ്ച ഉച്ചക്ക് രണ്ടോടെയായിരുന്നു 30 വർഷത്തോളം പഴക്കമുള്ള മരം വീണത്. ഈ സമയത്ത് അങ്കണവാടിയിൽ രണ്ടു കുട്ടികളും വർക്കർ ഷീജ ബേബിയും ഹെൽപ്പർ അരുണ പുഷ്പവും ഉണ്ടായിരുന്നു. കെട്ടിടത്തിന് ചെറിയതോതിൽ കേടുപാടുകൾ സംഭവിച്ചു.
അടിയന്തരമായി അംഗൻവാടിയുടെ പരിസരത്ത് നിൽക്കുന്ന മരങ്ങൾ മുറിച്ചുമാറ്റുന്നതിനും കെട്ടിടത്തിന് കേടുപാടുകൾ സംഭവിച്ചത് ഉടൻ അറ്റകുറ്റപ്പണി ചെയ്യുന്നതിനും പഞ്ചായത്ത് നടപടി സ്വീകരിക്കണമെന്ന് വാർഡ് അംഗം സിബിൽ ബാബു ആവശ്യപ്പെട്ടു. ചുറ്റിനും അപകടമായി 12 മരങ്ങളുണ്ട്. മരങ്ങൾ മുറിച്ചുമാറ്റാതെ അംഗൻവാടിയിൽ കുട്ടികളെ വിടില്ലെന്ന് രക്ഷാകർത്താക്കൾ അറിയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.