വെഞ്ചേമ്പ് പൈപ്പ് പാലം അപകടത്തിൽ

പു​ന​ലൂ​ർ: അ​ശാ​സ്ത്രീ​യ​മാ​യി പൈ​പ്പി​ന് മു​ക​ളി​ൽ നി​ർ​മി​ച്ച വെ​ഞ്ചേ​മ്പ് പാ​ലം അ​പ​ക​ടാ​വ​സ്ഥ​യി​ൽ. പ്ര​ധാ​ന റോ​ഡാ​യ മാ​ത്ര കോ​ക്കാ​ട്- കൊ​ട്ടാ​ര​ക്ക​ര റോ​ഡി​ൽ വെ​ഞ്ചേ​മ്പ് ജ​ങ്ഷ​നി​ലാ​ണ് തോ​ടി​ന് കു​റു​ക​യു​ള്ള പാ​ലം.

പു​ന​ലൂ​ർ - ത​ടി​ക്കാ​ട് , കോ​ക്കാ​ട് - പു​ന​ലൂ​ർ റോ​ഡി​ന്‍റെ സം​ഗ​മ സ്ഥ​ല​വു​മാ​ണ് ഇ​വി​ടം. കി​ഫ്ബി ഫ​ണ്ട് ഉ​പ​യോ​ഗി​ച്ച്‌ നാ​ല് വ​ർ​ഷം മു​മ്പ് അ​ടു​ക്ക​ള​മൂ​ല - ത​ടി​ക്കാ​ട് റോ​ഡ് ന​വീ​ക​രി​ച്ചി​രു​ന്നു. ഇ​തി​ന്‍റെ ഭാ​ഗ​മാ​യാ​ണ് റൂ​ട്ടി​ലെ പ്ര​ധാ​ന പാ​ല​മാ​യ വെ​ഞ്ചേ​മ്പ് പാ​ല​വും പു​ന​ർ​നി​ർ​മി​ച്ച​ത്.

പ​ഴ​യ പാ​ലം പൊ​ളി​ച്ചു പു​തി​യ​ത് പ​ണി​യേ​ണ്ട​തി​ന് പ​ക​രം തോ​ട്ടി​ലെ വെ​ള്ളം പോ​കാ​ൻ മൂ​ന്ന് പൈ​പ്പു​ക​ൾ പാ​കി മു​ക​ളി​ൽ കോ​ൺ​ക്രീ​റ്റ് ചെ​യ്യു​ക​യാ​യി​രു​ന്നു. ഇ​തി​നെ നാ​ട്ടു​കാ​ർ എ​തി​ർ​ത്തെ​ങ്കി​ലും ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രും ക​രാ​റു​കാ​ര​നും അ​വ​ഗ​ണി​ച്ചു. തോ​ട്ടി​ൽ വെ​ള്ളം നി​റ​ഞ്ഞ​തോ​ടെ മ​ണ്ണ് ഒ​ലി​ച്ചു പോ​യി പൈ​പ്പു​ക​ൾ താ​ഴ്ന്നു. റൂ​ട്ടി​ലെ പ്ര​ധാ​ന ജ​ങ്ഷ​നി​ലെ നൂ​റു​ക​ണ​ക്കി​ന് വാ​ഹ​ന​ങ്ങ​ൾ ക​ട​ന്നു പോ​കു​ന്ന പാ​ല​ത്തി​ന്‍റെ ത​ക​ർ​ച്ച ജ​ന​ങ്ങ​ളെ ആ​ശ​ങ്ക​യി​ലാ​ക്കി.

പാ​ലം അ​ടി​യ​ന്തി​ര​മാ​യി പു​ന​ർ​നി​ർ​മി​ക്കാ​നാ​വ​ശ്യ​പ്പെ​ട്ട് നാ​ഷ​ന​ൽ ലീ​ഗ് സം​സ്ഥാ​ന സെ​ക്ര​ട്ട​റി ജ​ലീ​ൽ പു​ന​ലൂ​ർ പൊ​തു​മ​രാ​മ​ത്ത് മ​ന്ത്രി​ക്കും പി.​എ​സ്.​സു​പാ​ൽ എം.​എ​ൽ.​എ​ക്കും വ​കു​പ്പ് മേ​ധാ​വി​ക​ൾ​ക്കും നി​വേ​ദ​നം ന​ൽ​കി.