വന്യമൃഗശല്യം: തെങ്ങുകള്‍ മുറിച്ചുമാറ്റി തെന്മലക്കാര്‍

പു​ന​ലൂ​ര്‍: രാ​പ​ക​ല്‍ വ്യ​ത്യാ​സ​മി​ല്ലാ​തെ കു​ര​ങ്ങി​ന്‍റെ​യും മ​ല​യ​ണ്ണാ​ന്‍റെ​യും ശ​ല്യം കാ​ര​ണം ഏ​റെ ദു​രി​ത​ത്തി​ലാ​യ തെ​ന്മ​ല ഗ്രാ​മ​പ​ഞ്ചാ​യ​ത്ത് നി​വാ​സി​ക​ള്‍ തെ​ങ്ങു​ക​ൾ മു​റി​ച്ചു​ക​ള​യാ​ന്‍ നി​ര്‍ബ​ന്ധി​ത​രാ​കു​ന്നു. ക​ഴി​ഞ്ഞ​ദി​വ​സം തെ​ന്മ​ല​യി​ൽ നി​ര​വ​ധി വീ​ട്ടു​കാ​ര്‍ വീ​ടി​നോ​ട് ചേ​ർ​ന്നു​ള്ള കാ​യ്​​ഫ​ല​മു​ള്ള തെ​ങ്ങു​ക​ള്‍ മു​റി​ച്ചു​മാ​റ്റി. മേ​ഖ​ല​യി​ലെ അ​ധി​ക​വീ​ടു​ക​ള്‍ക്കും അ​സ്ബ​റ്റോ​സ് ഷീ​റ്റി​ന്റെ മേ​ല്‍ക്കൂ​ര​യാ​ണ്. കു​ര​ങ്ങു​ക​ൾ നാ​ളി​കേ​രം അ​ട​ർ​ത്തി​യെ​ടു​ത്ത്​ ഷീ​റ്റു​ക​ൾ​ക്കും വാ​ട്ട​ര്‍ ടാ​ങ്കു​ക​ള്‍ക്ക് മു​ക​ളി​ലേ​ക്കും വ​ലി​ച്ചെ​റി​യു​ന്ന​തി​നാ​ൽ വീ​ടു​ക​ള്‍ക്ക് ഏ​റെ നാ​ശ​ന​ഷ്ടം ഉ​ണ്ടാ​കു​ന്നു.

പ​ല​പ്പോ​ഴും പാ​ക​മാ​കു​ന്ന​തി​നു​മു​മ്പു​ത​ന്നെ നാ​ളി​കേ​രം പൂ​ർ​ണ​മാ​യും കു​ര​ങ്ങു​ക​ൾ ന​ശി​പ്പി​ക്കും. ഇ​വ​യു​ടെ ശ​ല്യ​ത്തി​ൽ​നി​ന്ന്​ ര​ക്ഷ നേ​ടാ​ൻ തെ​ങ്ങി​ന്‍റെ മ​ധ്യ​ഭാ​ഗ​ത്താ​യി ത​ക​ര ഷീ​റ്റു​ക​ൾ വെ​ച്ചു​കെ​ട്ടി​യി​ട്ടു​ണ്ട്. തെ​ങ്ങു​ക​യ​റ്റ തൊ​ഴി​ലാ​ളി​ക്ക്​ നൂ​റു​രൂ​പ​യാ​ണ് കൂ​ലി. ഈ ​ത​ക​ര​ഷീ​റ്റു​ക​ള്‍ നീ​ക്കി തെ​ങ്ങി​ൽ ക​യ​റ​ണ​മെ​ങ്കി​ല്‍ 200 രൂ​പ ന​ൽ​കേ​ണ്ടി വ​രും. ഇ​തും എ​റെ ന​ഷ്ട​മാ​ണ് നാ​ട്ടു​കാ​ര്‍ക്ക് ഉ​ണ്ടാ​ക്കു​ന്ന​ത്. ഇ​തി​നെ തു​ട​ര്‍ന്നാ​ണ് തെ​ങ്ങു​ക​ള്‍ നീ​ക്കം ചെ​യ്യാ​ന്‍ ഇ​വ​ര്‍ നി​ര്‍ബ​ന്ധി​ത​രാ​കു​ന്ന​ത്. ശ​ല്യ​ക്കാ​രാ​യ വ​ന്യ​മൃ​ഗ​ങ്ങ​ളെ പ്ര​തി​രോ​ധി​ക്കാ​ന്‍ ശാ​ശ്വ​ത മാ​ര്‍ഗ​മി​ല്ലാ​ത്ത അ​വ​സ്ഥ​യാ​ണെ​ന്ന് പ​ഞ്ചാ​യ​ത്ത് അ​ധി​കൃ​ത​ര്‍ പ​റ​യു​ന്നു.