മ​ഴ: വീടുകൾക്ക്​ നാശനഷ്ടം; ശക്തമായ കാറ്റിന്​ സാധ്യതയെന്ന്​ മുന്നറിയിപ്പ്

കൊ​ല്ലം: മ​ഴ​ക്കെ​ടു​തി​യി​ൽ ജി​ല്ല​യി​ൽ ചൊ​വ്വാ​ഴ്ച മാ​ത്രം ഏ​ഴ് വീ​ടു​ക​ൾ​ക്ക് ഭാ​ഗി​ക​മാ​യി നാ​ശ​ന​ഷ്ട​മു​ണ്ടാ​യി. ആ​ള​പാ​യ​മി​ല്ല. അ​തേ​സ​മ​യം ശ​ക്ത​മാ​യ കാ​റ്റി​ന്​ സാ​ധ്യ​ത​യു​ള്ള​തി​നാ​ൽ ജാ​ഗ്ര​ത പാ​ലി​ക്ക​ണ​മെ​ന്ന്​ അ​ധി​കൃ​ത​ർ അ​റി​യി​ച്ചു.

കാ​റ്റി​നെ നേ​രി​ടാ​നു​ള്ള ജാ​ഗ്ര​താ​നി​ർ​ദേ​ശ​ങ്ങ​ൾ:

കാ​റ്റും മ​ഴ​യും ഉ​ണ്ടാ​കു​മ്പോ​ൾ ഒ​രു കാ​ര​ണ​വ​ശാ​ലും മ​ര​ങ്ങ​ളു​ടെ ചു​വ​ട്ടി​ൽ നി​ൽ​ക്കാ​ൻ പാ​ടി​ല്ല. മ​ര​ച്ചു​വ​ട്ടി​ൽ വാ​ഹ​ന​ങ്ങ​ളും പാ​ർ​ക്ക് ചെ​യ്യ​രു​ത്.

വീ​ട്ടു​വ​ള​പ്പി​ലെ മ​ര​ങ്ങ​ളു​ടെ അ​പ​ക​ട​ക​ര​മാ​യ രീ​തി​യി​ലു​ള്ള ചി​ല്ല​ക​ൾ വെ​ട്ടി​യൊ​തു​ക്ക​ണം. അ​പ​ക​ടാ​വ​സ്ഥ​യി​ലു​ള്ള മ​ര​ങ്ങ​ൾ പൊ​തു​വി​ട​ങ്ങ​ളി​ൽ ശ്ര​ദ്ധ​യി​ൽ​പെ​ട്ടാ​ൽ ബ​ന്ധ​പ്പെ​ട്ട ത​ദ്ദേ​ശ​സ്ഥാ​പ​ന​ങ്ങ​ളെ അ​റി​യി​ക്കു​ക.

-ഉ​റ​പ്പി​ല്ലാ​ത്ത പ​ര​സ്യ​ബോ​ർ​ഡു​ക​ൾ, ഇ​ല​ക്ട്രി​ക് പോ​സ്റ്റു​ക​ൾ, കൊ​ടി​മ​ര​ങ്ങ​ൾ തു​ട​ങ്ങി​യ​വ​യും കാ​റ്റി​ൽ വീ​ഴാ​ൻ സാ​ധ്യ​ത​യു​ള്ള​തി​നാ​ൽ അ​വ ശ​രി​യാ​യി ബ​ല​പ്പെ​ടു​ത്തു​ക​യോ അ​ഴി​ച്ചു​വെ​ക്കു​ക​യോ ചെ​യ്യു​ക. മ​ഴ​യും കാ​റ്റു​മു​ള്ള​പ്പോ​ൾ ഇ​വ​യു​ടെ ചു​വ​ട്ടി​ലും സ​മീ​പ​ത്തും നി​ൽ​ക്കു​ക​യോ വാ​ഹ​ന​ങ്ങ​ൾ പാ​ർ​ക്ക് ചെ​യ്യു​ക​യോ അ​രു​ത്.

ചു​മ​രി​ലോ മ​റ്റോ ചാ​രിെ​വ​ച്ചി​ട്ടു​ള്ള കോ​ണി പോ​ലെ​യു​ള്ള കാ​റ്റി​ൽ വീ​ണു​പോ​കാ​ൻ സാ​ധ്യ​ത​യു​ള്ള ഉ​പ​ക​ര​ണ​ങ്ങ​ളും മ​റ്റ് വ​സ്തു​ക്ക​ളും ക​യ​റു​പ​യോ​ഗി​ച്ച് കെ​ട്ടി വെ​ക്കേ​ണ്ട​താ​ണ്.

കാ​റ്റ് വീ​ശി​ത്തു​ട​ങ്ങു​മ്പോ​ൾ​ത​ന്നെ വീ​ടു​ക​ളി​ലെ ജ​ന​ലു​ക​ളും വാ​തി​ലു​ക​ളും അ​ട​ച്ചി​ടേ​ണ്ട​താ​ണ്. ജ​ന​ലു​ക​ളു​ടെ​യും വാ​തി​ലു​ക​ളു​ടെ​യും സ​മീ​പ​ത്ത് നി​ൽ​ക്കാ​തി​രി​ക്കു​ക. വീ​ടി​ന്‍റെ ടെ​റ​സി​ലും നി​ൽ​ക്ക​രു​ത്.

ഓ​ല മേ​ഞ്ഞ​തോ ഷീ​റ്റ് പാ​കി​യ​തോ അ​ട​ച്ചു​റ​പ്പി​ല്ലാ​ത്ത​തോ ആ​യ വീ​ടു​ക​ളി​ൽ താ​മ​സി​ക്കു​ന്ന​വ​ർ മു​ന്ന​റി​യി​പ്പ് ഘ​ട്ട​ങ്ങ​ളി​ൽ അ​ധി​കൃ​ത​ർ ആ​വ​ശ്യ​പ്പെ​ടു​ന്ന​മു​റ​ക്ക് സു​ര​ക്ഷി​ത​മാ​യ കെ​ട്ടി​ട​ങ്ങ​ളി​ലേ​ക്ക്​ മാ​റി​ത്താ​മ​സി​ക്ക​ണം.

ത​ദ്ദേ​ശ​സ്ഥാ​പ​ന​ത​ല ദു​ര​ന്ത​ല​ഘൂ​ക​ര​ണ പ​ദ്ധ​തി പ്ര​കാ​രം ക​ണ്ടെ​ത്തി​യി​ട്ടു​ള്ള ഇ​ത്ത​രം ആ​ളു​ക​ളെ റി​ലീ​ഫ് ക്യാ​മ്പു​ക​ളി​ലേ​ക്ക് ആ​വ​ശ്യ​മു​ള്ള ഘ​ട്ട​ങ്ങ​ളി​ൽ മാ​റ്റാ​ൻ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളും റ​വ​ന്യൂ ഉ​ദ്യോ​ഗ​സ്ഥ​രും ജ​ന​പ്ര​തി​നി​ധി​ക​ളും മു​ൻ​കൈ​യെ​ടു​ക്ക​ണം.

കാ​റ്റും മ​ഴ​യും ശ​ക്ത​മാ​കു​മ്പോ​ൾ വൈ​ദ്യു​തി ക​മ്പി​ക​ളും പോ​സ്റ്റു​ക​ളും പൊ​ട്ടി​വീ​ഴാ​ൻ സാ​ധ്യ​ത കൂ​ടു​ത​ലാ​ണ്. ഇ​ത്ത​ര​ത്തി​ൽ ഏ​തെ​ങ്കി​ലും അ​പ​ക​ടം ശ്ര​ദ്ധ​യി​ൽ​പെ​ട്ടാ​ൽ ഉ​ട​നെ​ത​ന്നെ കെ.​എ​സ്.​ഇ.​ബി​യു​ടെ 1912 എ​ന്ന ക​ൺ​ട്രോ​ൾ റൂം ​ന​മ്പ​റി​ലോ 1077 എ​ന്ന ന​മ്പ​റി​ൽ ജി​ല്ല ദു​ര​ന്ത​നി​വാ​ര​ണ അ​തോ​റി​റ്റി​യു​ടെ ക​ൺ​ട്രോ​ൾ റൂ​മി​ലോ വി​വ​രം അ​റി​യി​ക്ക​ണം.

ത​ക​രാ​ര്‍ പ​രി​ഹാ​ര പ്ര​വൃ​ത്തി​ക​ൾ കാ​റ്റു​ള്ള​പ്പോ​ൾ ഒ​ഴി​വാ​ക്കു​ക​യും കാ​റ്റും മ​ഴ​യും അ​വ​സാ​നി​ച്ച ശേ​ഷം മാ​ത്രം തു​ട​രു​ക​യും ചെ​യ്യു​ക. കെ.​എ​സ്.​ഇ.​ബി ജീ​വ​ന​ക്കാ​രു​മാ​യി പൊ​തു​ജ​ന​ങ്ങ​ൾ ക്ഷ​മ​യോ​ടെ സ​ഹ​ക​രി​ക്ക​ണം. പൊ​തു​ജ​ന​ങ്ങ​ൾ നേ​രി​ട്ടി​റ​ങ്ങി ഇ​ത്ത​രം അ​റ്റ​കു​റ്റ​പ്പ​ണി​ക​ൾ ചെ​യ്യാ​തി​രി​ക്കു​ക.

പ​ത്രം-​പാ​ൽ വി​ത​ര​ണ​ക്കാ​ർ പോ​ലെ​യു​ള്ള അ​തി​രാ​വി​ലെ ജോ​ലി​ക്ക് ഇ​റ​ങ്ങു​ന്ന​വ​ർ പ്ര​ത്യേ​ക ജാ​ഗ്ര​ത പാ​ലി​ക്ക​ണം. വ​ഴി​ക​ളി​ലെ വെ​ള്ള​ക്കെ​ട്ടു​ക​ളി​ലും മ​റ്റും വൈ​ദ്യു​തി ലൈ​ൻ പൊ​ട്ടി​വീ​ണി​ട്ടി​ല്ലെ​ന്ന് ഉ​റ​പ്പാ​ക്ക​ണം. അ​പ​ക​ടം സം​ശ​യി​ക്കു​ന്ന​പ​ക്ഷം ക​ൺ​ട്രോ​ൾ റൂ​മി​ൽ അ​റി​യി​ച്ച് അ​പ​ക​ടം ഇ​ല്ലെ​ന്ന് ഉ​റ​പ്പു​വ​രു​ത്തി മാ​ത്രം മു​ന്നോ​ട്ടു​പോ​ക​ണം.

കൃ​ഷി​യി​ട​ങ്ങ​ളി​ൽ കൂ​ടി ക​ട​ന്നു​പോ​കു​ന്ന വൈ​ദ്യു​തി ലൈ​നു​ക​ളും സു​ര​ക്ഷി​ത​മാ​ണെ​ന്ന് പാ​ട​ത്ത് ഇ​റ​ങ്ങും മു​മ്പ്​ ഉ​റ​പ്പ് വ​രു​ത്തു​ക.

നി​ർ​മാ​ണ ജോ​ലി​ക​ളി​ൽ ഏ​ർ​പ്പെ​ടു​ന്ന​വ​ർ കാ​റ്റും മ​ഴ​യും ശ​ക്ത​മാ​കു​മ്പോ​ൾ ജോ​ലി നി​ർ​ത്തി സു​ര​ക്ഷി​ത​മാ​യ ഇ​ട​ത്തേ​ക്ക് മാ​റ​ണം.

മ​ഴ​യും ഇ​ടി​മി​ന്ന​ലും ഉ​ണ്ടാ​കാ​നി​ട​യു​ള്ള ജി​ല്ല​ക​ളു​ടെ പ്ര​വ​ച​നം കേ​ന്ദ്ര കാ​ലാ​വ​സ്ഥ വ​കു​പ്പി​ന്‍റെ http://mausam.imd.gov.in/thiruvananthapuram/ എ​ന്ന വെ​ബ്‌​സൈ​റ്റി​ൽ കൃ​ത്യ​മാ​യ ഇ​ട​വേ​ള​ക​ളി​ൽ അ​പ്‌​ഡേ​റ്റ് ചെ​യ്യു​ന്ന​ത് ശ്ര​ദ്ധി​ക്കു​ക.

മഴയിൽ വീടുകളും പോസ്റ്റുകളും തകർന്നു

ഏ​ക​ദേ​ശം 40,000 രൂ​പ​യു​ടെ നാ​ശ​ന​ഷ്ടം ക​ണ​ക്കാ​ക്കു​ന്നു

ശാ​സ്താം​കോ​ട്ട: ക​ഴി​ഞ്ഞ​ദി​വ​സ​മു​ണ്ടാ​യ ശ​ക്ത​മാ​യ കാ​റ്റി​ലും മ​ഴ​യി​ലും കു​ന്ന​ത്തൂ​രി​ൽ നി​ര​വ​ധി വീ​ടു​ക​ൾ​ക്ക് നാ​ശ​ന​ഷ്ട​മു​ണ്ടാ​യി. പോ​രു​വ​ഴി അ​മ്പ​ല​ത്തും​ഭാ​ഗം സു​ധീ​ഷ് ഭ​വ​നി​ൽ സു​ധ​യു​ടെ വീ​ടി​ന് മു​ക​ളി​ലേ​ക്ക് മ​രം​വീ​ണ് മേ​ൽ​ക്കൂ​ര ത​ക​ർ​ന്നു.

ശൂ​ര​നാ​ട് വ​ട​ക്ക് വി​ല്ലേ​ജി​ൽ ആ​ലു​മു​ക്ക് 17ാം വാ​ർ​ഡി​ൽ നി​ര​വ​ധി വീ​ടു​ക​ളു​ടെ മു​ക​ളി​ലേ​ക്ക് മ​ര​ങ്ങ​ൾ ക​ട​പു​ഴ​കി​വീ​ണ് നാ​ശ​ന​ഷ്ട​മു​ണ്ടാ​യി. വൈ​ദ്യു​തി പോ​സ്റ്റു​ക​ൾ ത​ക​രു​ക​യും ഗ​താ​ഗ​തം ത​ട​സ്സ​പ്പെ​ടു​ക​യും ചെ​യ്തു. ഫ​യ​ർ​ഫോ​ഴ്സും കെ.​എ​സ്.​ഇ.​ബി അ​ധി​കൃ​ത​രും സ്ഥ​ല​ത്തെ​ത്തി മേ​ൽ​ന​ട​പ​ടി സ്വീ​ക​രി​ച്ചു. ശൂ​ര​നാ​ട് വ​ട​ക്ക് രാ​ഗേ​ഷ് ഭ​വ​ന​ത്തി​ൽ ഹെ​ർ​ബ​റ്റി​ന്‍റെ വീ​ടി​നു​മു​ക​ളി​ലേ​ക്ക് മ​രം​വീ​ണ് മേ​ൽ​ക്കൂ​ര​ക്ക് നാ​ശ​ന​ഷ്ടം സംഭ​വി​ച്ചു. ഏ​ക​ദേ​ശം 40,000 രൂ​പ​യു​ടെ നാ​ശ​ന​ഷ്ടം ക​ണ​ക്കാ​ക്കു​ന്നു. റ​വ​ന്യൂ അ​ധി​കൃ​ത​ർ സ്ഥ​ല​ത്തെ​ത്തി മേ​ൽ​ന​ട​പ​ടി സ്വീ​ക​രി​ച്ചു.

റെയിൽവേ സ്റ്റേഷനുമുന്നിലെ വെള്ളക്കെട്ട് ദുരിതമാകുന്നു

യാ​ത്ര​ക്കാ​ർ ഈ ​വെ​ള്ള​ത്തി​ലൂ​െ​ട​യാ​ണ്​ സ്റ്റേ​ഷ​നി​ലേ​ക്കും പ​രി​സ​ര​ത്തേ​ക്കും പോ​കു​ന്ന​ത്

പു​ന​ലൂ​ർ: റെ​യി​ൽ​വേ സ്റ്റേ​ഷ​ന്​ മു​ന്നി​ലെ കു​ഴി​ക​ളും വെ​ള്ള​ക്കെ​ട്ടും യാ​ത്ര​ക്കാ​രെ അ​ട​ക്കം ദു​രി​ത​ത്തി​ലാ​ക്കു​ന്നു. ദി​വ​സ​വും നൂ​റു​ക​ണ​ക്കി​ന് യാ​ത്ര​ക്കാ​ർ വ​ന്നു​പോ​കു​ന്ന റെ​യി​ൽ​വേ സ്റ്റേ​ഷ​ന്​ മു​ന്നി​ലാ​ണ് പ​ല​യി​ട​ത്താ​യി മ​ലി​ന​ജ​ലം കെ​ട്ടി​നി​ൽ​ക്കു​ന്ന​ത്. സ്റ്റേ​ഷ​ന്​ മു​ന്നി​ലും സ​മീ​പ​ത്തെ പാ​ർ​ക്കി​ങ് ഏ​രി​യ​യി​ലും കു​ഴി​ക​ളി​ൽ വെ​ള്ളം കെ​ട്ടി​നി​ൽ​ക്കു​ക​യാ​ണ്. ചെ​റി​യ മ​ഴ​യി​ൽ പോ​ലും ഇ​താ​ണ​വ​സ്ഥ.

യാ​ത്ര​ക്കാ​ർ അ​ട​ക്ക​മു​ള്ള​വ​ർ ഈ ​വെ​ള്ള​ത്തി​ലൂ​ടെ ക​യ​റി​യി​റ​ങ്ങി​യാ​ണ്​ സ്റ്റേ​ഷ​നി​ലേ​ക്കും പ​രി​സ​ര​ത്തേ​ക്കും പോ​കു​ന്ന​ത്. അ​മൃ​ത്​ ഭാ​ര​ത് പ​ദ്ധ​തി​യു​ടെ ഭാ​ഗ​മാ​യി റെ​യി​ൽ​വേ സ്റ്റേ​ഷ​ൻ ന​വീ​ക​ര​ണ​ജോ​ലി​ക​ൾ ന​ട​ന്നു​വ​രു​ന്നു.

ഇ​തു​കാ​ര​ണം മ​ഴ​വെ​ള്ളം ഒ​ഴു​കി​​പ്പോ​കാ​ൻ ഇ​ട​മി​ല്ലാ​ത്ത​ത് വെ​ള്ള​ക്കെ​ട്ടി​ന് കാ​ര​ണ​മാ​കു​ന്നു. മ​റ്റ്​ മാ​ർ​ഗ​ങ്ങ​ളി​ലൂ​ടെ കു​ഴി​ക​ൾ അ​ട​ച്ച്​ വെ​ള്ള​ക്കെ​ട്ട് ഒ​ഴി​വാ​ക്കാ​ൻ റെ​യി​ൽ​വേ അ​ധി​കൃ​ത​ർ ത​യാ​റാ​കു​ന്നി​ല്ല.

സ്റ്റേ​ഷ​ന് മു​ന്നി​ലൂ​ടെ മ​റ്റ്​ ഭാ​ഗ​ങ്ങ​ളി​ലേ​ക്ക് പോ​കു​ന്ന ഓ​ട്ടോ​ക​ൾ അ​ട​ക്കം ചെ​റു വാ​ഹ​ന​ങ്ങ​ൾ​ക്കും ഈ ​വെ​ള്ള​ക്കെ​ട്ട് പ്ര​യാ​സം സൃ​ഷ്​​ടി​ക്കു​ന്നു​ണ്ട്.

മഴയിൽ വീടുകൾ തകർന്നു

കൊ​ട്ടാ​ര​ക്ക​ര: മ​ഴ​യി​ൽ ക​രീ​പ്ര ചൊ​വ്വ​ള്ളൂ​ർ പ്ല​ക്കോ​ട് ഷാ​ജി ഭ​വ​നി​ൽ സൂ​സ​മ്മ കോ​ശി​യു​ടെ വീ​ടി​ന്‍റെ മേ​ൽ​ക്കൂ​ര​യും ഷീ​റ്റും ത​ക​ർ​ന്നു. ക​ഴി​ഞ്ഞ​ദി​വ​സം പു​ല​ർ​ച്ച 3.30 ഓ​ടെ​യാ​യി​രു​ന്നു സം​ഭ​വം. 5000 രൂ​പ​യു​ടെ ന​ഷ്ടം ക​ണ​ക്കാ​ക്കു​ന്നു. നെ​ടു​വ​ത്തൂ​ർ നീ​ലേ​ശ്വ​രം മം​ഗ​ല​ത്ത് മു​ക്കി​ൽ ജ​യ​ഭ​വ​നി​ൽ ശ്രീ​ജ​യു​ടെ വീ​ട് പൂ​ർ​ണ​മാ​യും ത​ക​ർ​ന്നു. 1,30,000 രൂ​പ നാ​ശ​ന​ഷ്ടം ക​ണ​ക്കാ​ക്കു​ന്നു.