കരുതൽ മേഖല; ഉത്​കണ്ഠയോടെ ശെന്തുരുണിയിലെ ഗ്രാമങ്ങൾ

കൊ​ല്ലം: ക​രു​ത​ൽ മേ​ഖ​ല സം​ബ​ന്ധി​ച്ച ഭൂ​പ​ടം പു​റ​ത്തു​വ​ന്ന​തോ​ടെ അ​പൂ​ർ​വ സ​സ്യ-​ജീ​വി​ജാ​ല​ങ്ങ​ൾ നി​റ​ഞ്ഞ ശെ​ന്തു​രു​ണി വ​ന്യ​ജീ​വി സ​​ങ്കേ​ത​ത്തി​ന്‍റെ പ​രി​ധി​യി​ൽ​വ​രു​ന്ന ആ​ര്യ​ങ്കാ​വ്, തെ​ന്മ​ല, കു​ള​ത്തൂ​പ്പു​ഴ മേ​ഖ​ല​യി​ലെ മൂ​ന്ന്​ ഗ്രാ​മ​ങ്ങ​ളി​ലു​ള്ള​വ​ർ ആ​ശ​ങ്ക​യി​ൽ.

ജ​ന​വാ​സ​മേ​ഖ​ല​കളെ ഉ​ൾ​പ്പെ​ടു​ത്തി​ല്ലെ​ന്ന്​ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഉ​റ​പ്പു​പ​റ​യു​മ്പോ​ഴും ഇ​വി​ട​ങ്ങ​ളി​ൽ ഏ​തൊ​ക്കെ പ്ര​ദേ​ശ​ങ്ങ​ളെ ബാ​ധി​ക്കു​മെ​ന്ന്​ ജ​ന​പ്ര​തി​നി​ധി​ക​ൾ​ക്കും വ​നം-​റ​വ​ന്യൂ ഉ​ദ്യോ​ഗ​സ്ഥ​ർ​ക്കും​ വ്യ​ക്ത​ത​യി​ല്ല. മൂ​ന്നു പ​ഞ്ചാ​യ​ത്തു​ക​ളി​ലാ​യി 11ഓ​ളം വാ​ർ​ഡു​ക​ളി​ലെ 1500ഓ​ളം കെ​ട്ടി​ട​ങ്ങ​ളെ ബാ​ധി​ക്കു​മെ​ന്ന​ അ​നൗ​ദ്യോ​ഗി​ക വി​വ​ര​മാ​ണ്​ പ്ര​ച​രി​ക്കു​ന്ന​ത്.

ഭൂ​പ​ട​ത്തെ​ക്കുറി​ച്ച പ​രാ​തി​ക​ൾ പ​ഞ്ചാ​യ​ത്തുവ​ഴി സ​മ​ർ​പ്പി​ക്കാ​മെ​ന്ന​താ​ണ്​ നി​ല​വി​ലെ ആ​ശ്വാ​സം. വാ​ർ​ഡുത​ല​ത്തി​ൽ രൂ​പ​വ​ത്​​ക​രി​ക്കു​ന്ന ജ​ന​കീ​യ ക​മ്മി​റ്റി​ക​ളാ​ണ്​ പ​രാ​തി പ​രി​ഗ​ണി​ക്കു​ക. പ​രാ​തി പ​രി​ഗ​ണി​ച്ച്​ ജി​യോ ടാ​ഗി​ങ്​ ചെ​യ്യും. പൊ​തു​ജ​ന​ത്തി​ന്​ സ​ഹാ​യ​മൊ​രു​ക്കാ​ൻ പ​ഞ്ചാ​യ​ത്തു​ക​ളി​ൽ അം​ഗ​ങ്ങ​ളു​ടെ നേ​തൃ​ത്വ​ത്തി​ൽ ഹെ​ൽ​പ്​ ഡെ​സ്കു​ക​ളും പ്ര​വ​ർ​ത്ത​ന​ക്ഷ​മ​മാ​യി​ട്ടു​ണ്ട്. ഭൂ​പ​ടം വാ​ർ​ഡി​ൽ പ​രി​ശോ​ധ​ന​ക്ക്​ ല​ഭ്യ​മാ​ണ്.

ഉ​റ​ക്കം ന​ഷ്ട​പ്പെ​ട്ട്​ മ​ല​യോ​ര​വാ​സി​ക​ൾ

പു​ന​ലൂ​ർ: ശെ​ന്തു​രു​ണി വ​ന്യ​ജീ​വി സ​ങ്കേ​ത​ത്തി​ന്റെ ക​രു​ത​ൽ മേ​ഖ​ല​യി​ൽ കൂ​ടു​ത​ൽ സ്ഥ​ല​ങ്ങ​ൾ ഉ​ൾ​പ്പെ​ടു​ത്തി​യ​തോ​ടെ കി​ഴ​ക്ക​ൻ മ​ല​യോ​ര​ത്തെ പ്ര​ധാ​ന ജ​ന​വാ​സമേ​ഖ​ല​യി​ലെ കു​ടും​ബ​ങ്ങ​ൾ ആ​ശ​ങ്ക​യി​ൽ.

ക​രു​ത​ൽ മേ​ഖ​ല സം​ബ​ന്ധി​ച്ച ഉ​പ​ഗ്ര​ഹ സ​ർ​വേ മു​ഖാ​ന്തരം പു​റ​ത്തു​വി​ട്ട അ​തി​ര​ട​യാ​ള​ങ്ങ​ൾ പ്ര​കാ​രം ശെ​ന്തു​രു​ണി​യു​ടെ ഇ​ക്കോ സെ​ൻ​സി​റ്റീ​വ് ഏ​രി​യ​യാ​യി (ഇ.​എ​സ്.​ഇ​സ​ഡ്) കൂ​ടു​ത​ൽ സ്ഥ​ല​ങ്ങ​ൾ ഉ​ൾ​പ്പെ​ടു​ത്തി​യ​തോ​ടെ തെ​ന്മ​ല ടൗ​ൺ പൂ​ർ​ണ​മാ​യും ആ​ര്യ​ങ്കാ​വ് ഭാ​ഗി​ക​മാ​യും ക​രു​ത​ൽ മേ​ഖ​ല​യി​ൽ ഉ​ൾ​പ്പെ​ടും.

ഇ​തു​സം​ബ​ന്ധി​ച്ച സം​ശ​യ​ങ്ങ​ൾ​ക്ക് വ്യ​ക്ത​മാ​യി ഉ​ത്ത​രം ന​ൽ​കാ​ൻ ശെ​ന്തു​രു​ണി വ​ന്യ​ജീ​വി സ​ങ്കേ​തം അ​ധി​കൃ​ത​ര​ട​ക്കം വ​ന​പാ​ല​ക​ർ​ക്ക് ക​ഴി​യു​ന്നി​ല്ല. റ​വ​ന്യൂ, പ​ഞ്ചാ​യ​ത്ത് അ​ധി​കൃ​ത​ർ​ക്കും വ്യ​ക്ത​മാ​യ ധാ​ര​ണ​യി​ല്ല. ഈ ​സാ​ഹ​ച​ര്യ​ത്തി​ൽ പ​ഞ്ചാ​യ​ത്തുത​ല​ത്തി​ൽ പ്ര​തി​ഷേ​ധം ശ​ക്ത​മാ​കു​ന്നു​ണ്ട്.

ജി​ല്ല​യി​ലെ ശെ​ന്തു​രു​ണി വ​ന്യ​ജീ​വി സ​ങ്കേ​ത​ത്തി​ന്​ 173 ച​തു​ര​ശ്ര കി​ലോ​മീ​റ്റ​ർ ചു​റ്റ​ള​വാ​ണു​ള്ള​ത്. കു​ള​ത്തൂ​പ്പു​ഴ, തെ​ന്മ​ല, ആ​ര്യ​ങ്കാ​വ് പ​ഞ്ചാ​യ​ത്തു​ക​ളി​ൽ ഉ​ൾ​പ്പെ​ടു​ന്നു. തെ​ന്മ​ല ടൗ​ൺ ഉ​ൾ​പ്പെ​ടു​ന്ന മൂ​ന്ന്, നാ​ല് വാ​ർ​ഡു​ക​ൾ പൂ​ർ​ണ​മാ​യി ക​രു​ത​ൽ മേ​ഖ​ല​യി​ലാ​ണ്. പ​ഞ്ചാ​യ​ത്ത് ഓ​ഫി​സ്, പൊ​ലീ​സ് സ്റ്റേ​ഷ​ൻ, വി​ദ്യാ​ഭ്യാ​സ സ്ഥാ​പ​ന​ങ്ങ​ൾ, വ​നം ഡി​വി​ഷ​ൻ ഓ​ഫി​സ്, പി.​എ​ച്ച്.​സി തു​ട​ങ്ങി​യ​വ ഉ​ൾ​പ്പെ​ട്ട​താ​ണ് ടൗ​ൺ. നി​ര​വ​ധി കു​ടും​ബ​ങ്ങ​ളും സ്വ​കാ​ര്യ റ​ബ​ർ എ​സ്റ്റേ​റ്റു​ക​ളു​മു​ണ്ട്. തെ​ന്മ​ല ഇ​ക്കോ ടൂ​റി​സം, ശെ​ന്തു​രു​ണി ഇ​ക്കോ ടൂ​റി​സം എ​ന്നി​വ​യും ഉ​ൾ​ക്കൊ​ള്ളു​ന്നു. ക​രു​ത​ൽ മേ​ഖ​ല​യി​ൽ ഈ ​ഭാ​ഗ​ങ്ങ​ൾ ഉ​ൾ​പ്പെ​ടു​ത്തി​യാ​ൽ ടൂ​റി​സം പ​ദ്ധ​തി​കളെ​ല്ലാം പൂ​ട്ടേ​ണ്ടി​വ​രും.

ആ​ര്യ​ങ്കാ​വി​ൽ 11 സ​ർ​വേ ന​മ്പ​രു​ക​ളാ​ണ് ക​രു​ത​ൽ മേ​ഖ​ല​യി​ൽ ഉ​ൾ​പ്പെ​ടു​ന്ന​ത്. ക​ഴു​തു​രു​ട്ടി​യി​ലെ പ​ഞ്ചാ​യ​ത്ത് ഓ​ഫി​സ്, സ്കൂ​ൾ, പി.​എ​ച്ച്.​സി, മാ​ർ​ക്ക​റ്റ്, ആ​രാ​ധ​നാ​ല​യ​ങ്ങ​ൾ എ​ന്നി​വ ക​രു​ത​ൽ മേ​ഖ​ല​യി​ലാ​ണ്. നൂ​റു​ക​ണ​ക്കി​ന് കു​ടും​ബ​ങ്ങ​ൾ താ​മ​സി​ക്കു​ന്ന ഒ​മ്പ​ത് കോ​ള​നി​ക​ളും ഉ​ൾ​പ്പെ​ടും.

പ്ര​ധാ​ന ജ​ന​വാ​സതകേ​ന്ദ്ര​ങ്ങ​ളാ​യ പാ​ല​രു​വി​യും കു​ള​ത്തൂ​പ്പു​ഴ പ​ഞ്ചാ​യ​ത്തി​ലെ റോ​സ്​​മ​ല​യും ക​രു​ത​ൽ മേ​ഖ​ല​യി​ലാ​ണ്. സ​ർ​വ​ക​ക്ഷി യോ​ഗം ചേ​ർ​ന്ന്​ ക​രു​ത​ൽ മേ​ഖ​ല പു​നഃ​പ​രി​ശോ​ധി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ആ​ര്യ​ങ്കാ​വി​ൽ പ​ഞ്ചാ​യ​ത്ത് രം​ഗ​ത്തു​വ​ന്നു.

കുളത്തൂപ്പുഴയിൽ നാല്​ വാർഡുകളിലുൾപ്പെട്ടവർ കരുതൽ മേഖലയിൽ

കു​ള​ത്തൂ​പ്പു​ഴ: കു​ള​ത്തൂ​പ്പു​ഴ​യി​ലെ എ​സ്റ്റേ​റ്റ്, ഇ.​എ​സ്.​എം കോ​ള​നി, അ​മ്പ​തേ​ക്ക​ര്‍, റോ​സ്​മ​ല എ​ന്നീ വാ​ര്‍ഡു​ക​ളി​ല്‍ ഉ​ള്‍പ്പെ​ട്ട ജ​ന​വാ​സ മേ​ഖ​ല​ക​ള്‍ ക​രു​ത​ൽ മേ​ഖ​ല​യി​ല്‍ ഉ​ള്‍പ്പെ​ട്ടി​ട്ടു​ണ്ട്. എ​സ്റ്റേ​റ്റ് വാ​ര്‍ഡി​ലെ പ​ള്ളം​വെ​ട്ടി, പ​തി​ന​ഞ്ചേ​ക്ക​ര്‍ ഭാ​ഗ​ങ്ങ​ളും ഇ.​എ​സ്.​എം കോ​ള​നി​യി​ലെ നെ​ടു​വ​ന്നൂ​ര്‍ക്ക​ട​വ്, ക​ട്ടി​ള​പ്പാ​റ പ്ര​ദേ​ശ​ങ്ങ​ളും അ​മ്പ​തേ​ക്ക​ര്‍ വാ​ര്‍ഡി​ല്‍ ഉ​ള്‍പ്പെ​ട്ട വി​ല്ലു​മ​ല, പേ​രാ​ന്‍കോ​വി​ല്‍, ര​ണ്ടാം​മൈ​ല്‍ ആ​ദി​വാ​സി കോ​ള​നി​ക​ളും റോ​സ്​​മ​ല വാ​ര്‍ഡ് പൂ​ർ​ണ​മാ​യും കരുതൽ മേഖലയിലാ​യാ​ണ് രേ​ഖ​പ്പെ​ടു​ത്തി​യി​ട്ടു​ള്ള​ത്.

ജ​ന​വാ​സ മേ​ഖ​ല​ക​ളെ ഒ​ഴി​വാ​ക്കാ​ൻ പ്ര​ദേ​ശ​വാ​സി​ക​ളു​ടെ പ​രാ​തി​ക​ളും നി​വേ​ദ​ന​ങ്ങ​ളും സ​ര്‍ക്കാ​റിലേ​ക്ക് എ​ത്തി​ക്കു​ന്ന​തി​ന്​ സ​ഹാ​യ കേ​ന്ദ്ര​ങ്ങ​ള്‍ ആ​രം​ഭി​ക്കു​മെ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ് പി. ​അ​നി​ല്‍കു​മാ​ര്‍ പ​റ​ഞ്ഞു.

അ​തേ​സ​മ​യം, റീ ​ബി​ല്‍ഡ് കേ​ര​ള പ​ദ്ധ​തി​യു​മാ​യി ബ​ന്ധ​പ്പെ​ട്ട് റോ​സ്​​മ​ല, ക​ട്ടി​ള​പ്പാ​റ, ഡാ​ലി​ക്ക​രി​ക്കം പ്ര​ദേ​ശ​ങ്ങ​ളി​ല്‍ വ​നം വ​കു​പ്പ് സ്വ​യം​സ​ന്ന​ദ്ധ പു​ന​ര​ധി​വാ​സ പ​ദ്ധ​തി ന​ട​പ്പാ​ക്കി വ​രുക​യാ​ണ്. ഇ​തി​നു​പി​ന്നാ​ലെ​യാ​ണ് ജ​ന​ങ്ങ​ളി​ല്‍ ആ​ശ​ങ്ക പ​ര​ത്തി ക​രു​ത​ൽ മേ​ഖ​ല​യു​മാ​യി ബ​ന്ധ​പ്പെ​ട്ട രേ​ഖാ​ചി​ത്ര​ങ്ങ​ള്‍ പു​റ​ത്തു​വ​ന്ന​ത്.

സ​മീ​പ പ്ര​ദേ​ശ​ങ്ങ​ളി​ലെ ജ​ന​വാ​സ മേ​ഖ​ല​ക​ള്‍ ഒ​ഴി​വാ​ക്കി​യ അ​ധി​കൃ​ത​ര്‍ പ​തി​നഞ്ചേ​ക്ക​ര്‍, മ​ത്സ്യ​വി​ത്തു​ല്‍പാ​ദ​ന കേ​ന്ദ്രം സ്ഥി​തി​ചെ​യ്യു​ന്ന സ്ഥ​ലം അ​ട​ക്കം ക​രു​ത​ൽ മേ​ഖ​ല​യി​ൽ ഉ​ള്‍പ്പെ​ടു​ത്തി​യ​തി​നു പി​ന്നി​ല്‍ വ​നം വ​കു​പ്പ് അ​ധി​കൃ​ത​രു​ടെ ഇ​ട​പെ​ട​ലു​ണ്ടെ​ന്ന്​ ആ​രോ​പ​ണ​മു​ണ്ട്.

നി​ല​വി​ല്‍ വ​ന്യ​ജീ​വി​വ​കു​പ്പി​ന്‍റെ കൈ​വ​ശ​മു​ള്ള ശെ​ന്തു​രു​ണി വ​ന്യ​ജീ​വി സ​ങ്കേ​ത​ത്തി​ന്‍റെ അ​തി​ര്‍ത്തി പ്ര​ദേ​ശ​ങ്ങ​ള്‍ ജ​ന​വാ​സ മേ​ഖ​ല​ക​ളി​ല്‍നി​ന്ന്​ ഏ​റെ അ​ക​ലെ​യാ​ണെ​ന്ന​തും നാ​ട്ടു​കാ​ര്‍ക്കി​ട​യി​ല്‍ സം​ശ​യ​മു​ണ്ടാ​ക്കു​ന്നു.

ജ​ന​വാ​സ മേ​ഖ​ല​ക​ളെ പൂ​ർ​ണ​മാ​യി ഒ​ഴി​വാ​ക്കു​ക എ​ന്ന​താ​ണ് നാ​ടി​ന്‍റെ ആ​വ​ശ്യ​മെ​ന്നും അ​തി​നാ​യി സ​ര്‍ക്കാ​ര്‍ ആ​വ​ശ്യ​പ്പെ​ടു​ന്ന രേ​ഖ​ക​ള​ട​ക്കം സ​മ​ര്‍പ്പി​ച്ച്​ അ​ടി​യ​ന്തര ന​ട​പ​ടി സ്വീ​ക​രി​ക്കേ​ണ്ട​താ​ണെ​ന്നു​മാ​ണ് നാ​ട്ടു​കാ​രു​ടെ ആ​വ​ശ്യം. പ്ര​ദേ​ശ​വാ​സി​ക​ള്‍ക്ക് വാ​ര്‍ഡു​ത​ല​ത്തി​ല്‍ ആ​രം​ഭി​ക്കു​ന്ന സ​ഹാ​യ കേ​ന്ദ്ര​ങ്ങ​ള്‍ വ​ഴി അ​പേ​ക്ഷ​ക​ളും പ​രാ​തി​ക​ളും സ​മ​ര്‍പ്പി​ക്കാ​നു​ള്ള സൗ​ക​ര്യം അ​ടു​ത്ത ദി​വ​സം മു​ത​ല്‍ ഉ​ണ്ടാ​കു​മെ​ന്ന്​ പ​ഞ്ചാ​യ​ത്ത് അ​ധി​കൃ​ത​ര്‍ അ​റി​യി​ച്ചു.