വൈദ്യുതി വിളക്കുകൾ തെളിയുന്നില്ല; ചക്കുവള്ളി ചിറ സാമൂഹിക വിരുദ്ധരുടെ താവളം

ശാ​സ്താം​കോ​ട്ട: വൈ​ദ്യു​തി വി​ള​ക്കു​ക​ൾ ക​ത്താ​താ​യ​തോ​ടെ രാ​ത്രി ച​ക്കു​വ​ള്ളി ചി​റ​യു​ടെ പ​രി​സ​രം സാ​മൂ​ഹി​ക​വി​രു​ദ്ധ​ർ താ​വ​ള​മാ​ക്കു​ന്നു. കു​ന്ന​ത്തൂ​ർ സ​ബ് ആ​ർ.​ടി ഓ​ഫി​സി​ന്‍റെ ഡ്രൈ​വി​ങ് ടെ​സ്റ്റ് ന​ട​ക്കു​ന്ന മൈ​താ​ന​വും ചി​റ​യു​ടെ ബ​ണ്ടും പ​രി​സ​ര​ങ്ങ​ളു​മാ​ണ് രാ​ത്രി ക​ഞ്ചാ​വ്-​മ​ദ്യ ഉ​പ​യോ​ഗ സം​ഘ​ങ്ങ​ൾ കൈ​യ​ട​ക്കി​യ​ത്.

ല​ഹ​രി സം​ഘ​ങ്ങ​ൾ ത​മ്മി​ലു​ള്ള സം​ഘ​ർ​ഷ​ങ്ങ​ളും പ​തി​വാ​ണ്. അ​ഞ്ച് മാ​സം മു​മ്പ് മൈ​താ​ന​ത്ത് ജോ​സ് കെ. ​മാ​ണി എം.​പി​യു​ടെ ഫ​ണ്ടി​ൽ​നി​ന്ന് ഹൈ​മാ​സ്റ്റ് ലൈ​റ്റ് സ്ഥാ​പി​ച്ചെ​ങ്കി​ലും ര​ണ്ടു​മാ​സ​മാ​യി പ്ര​വ​ർ​ത്തി​ക്കു​ന്നി​ല്ല. ഇ​ത് ത​ക​ർ​ത്ത​ത് സാ​മൂ​ഹി​ക​വി​രു​ദ്ധ സം​ഘ​മാ​ണെ​ന്നും പ​രാ​തി​യു​ണ്ട്.

ചി​റ​യു​ടെ ചു​റ്റും ജി​ല്ല പ​ഞ്ചാ​യ​ത്ത് പ​ദ്ധ​തി​യി​ൽ വോ​ക്-​വേ നി​ർ​മി​ച്ചി​രു​ന്നു. ഇ​തി​നൊ​പ്പം വൈ​ദ്യു​തി​വി​ള​ക്കു​ക​ൾ സ്ഥാ​പി​ച്ചി​രു​ന്നെ​ങ്കി​ലും ഇ​പ്പോ​ൾ ക​ത്തു​ന്നി​ല്ല. ഇ​തോ​ടെ വ്യാ​യാ​മ​ത്തി​നാ​യി എ​ത്തി​യി​രു​ന്ന​വ​രും വ​രാ​തെ​യാ​യി.

പൊ​ലീ​സ്-​എ​ക്സൈ​സ് വ​കു​പ്പു​ക​ൾ പ​രി​ശോ​ധ​ന ക​ർ​ശ​ന​മാ​ക്ക​ണ​മെ​ന്നും വൈ​ദ്യു​തി വി​ള​ക്കു​ക​ളു​ടെ അ​റ്റ​കു​റ്റ​പ്പ​ണി ന​ട​ത്തി വെ​ളി​ച്ചം ഉ​റ​പ്പാ​ക്ക​ണ​മെ​ന്നും പ്ര​ദേ​ശ​വാ​സി​ക​ൾ ആ​വ​ശ്യ​പ്പെ​ടു​ന്നു.