ആ ​ഓ​മ​ന കി​ടാ​വി​നെ ക​ണ്ട​വ​രു​ണ്ടോ...?

ശാ​സ്താം​കോ​ട്ട: ഒ​രു കു​ടും​ബം ഒ​ന്നാ​കെ സ്നേ​ഹം വാ​രി​ക്കോ​രി​ന​ൽ​കി വ​ള​ർ​ത്തി​യ ആ ​കി​ടാ​വി​നെ ക​ണ്ട​വ​രു​ണ്ടോ...?. കാ​പ്പി​പ്പൊ​ടി നി​റ​മു​ള്ള, ഇ​ട​തു​വ​ശ​ത്തെ കാ​തി​ൽ ക​മ്മ​ലി​ട്ട​പ്പോ​ൾ ഉ​ണ്ടാ​യ മു​റി​വ് ക​രി​ഞ്ഞു​ണ​ങ്ങി​യ പാ​ടു​ള്ള, ആ​രെ​യും ഉ​പ​ദ്ര​വി​ക്കാ​ത്ത,ന​ല്ല ഇ​ണ​ക്ക​മു​ള്ള കി​ടാ​വി​നെ...​ഒ​രു പ​ക്ഷേ, അ​വ​ൾ ഇ​പ്പോ​ൾ ഒ​രു പ​ശു​വാ​യി മാ​റി​യി​രി​ക്കാം. എ​ങ്കി​ലും ഒ​രു കു​ടും​ബം ഒ​ന്നാ​കെ അ​വ​ളെ കാ​ത്തി​രി​ക്കു​ന്നു.

ക​ണ്ടു​കി​ട്ടി​യാ​ൽ, തി​രി​കെ കൊ​ടു​ക്കാ​ൻ ത​യാ​റാ​യാ​ൽ, മോ​ഹ​വി​ല കൊ​ടു​ത്തും അ​വ​ർ അ​തി​നെ വാ​ങ്ങും. കാ​ര​ണം അ​വ​രു​ടെ കു​ടും​ബ​ത്തി​ന്റെ സ​ന്തോ​ഷം തി​രി​കെ​ക്കി​ട്ടാ​ൻ ഈ ​കി​ടാ​രി (പ​ശു)​വ​ള​രെ അ​ത്യാ​വ​ശ്യ​മാ​ണ്. ഒ​മ്പ​ത്​ മാ​സ​ത്തി​ന് മു​മ്പാ​ണ് സം​ഭ​വ​ത്തി​ന് തു​ട​ക്കം.

അ​തി​നും ഒ​ന്ന​ര​വ​ർ​ഷം മു​മ്പ് കി​ടാ​രി വ​ള​ർ​ത്ത​ൽ പ​ദ്ധ​തി​പ്ര​കാ​രം നെ​ടു​വ​ത്തൂ​ർ ഗ്രാ​മ​പ​ഞ്ചാ​യ​ത്തി​ലെ ഒ​രു കു​ടും​ബ​ത്തി​ന് അ​ഞ്ച്-​ആ​റ് മാ​സം പ്രാ​യ​മു​ള്ള ഒ​രു കി​ടാ​രി​യെ ന​ൽ​കി. അ​ച്ഛ​നും അ​മ്മ​യും സ​ഹോ​ദ​ര​നും സ​ഹോ​ദ​രി​യും അ​ട​ങ്ങു​ന്ന​താ​യി​രു​ന്നു ഈ ​കൊ​ച്ചു​കു​ടും​ബം.

പ​ശു​വി​നെ വ​ള​ർ​ത്തി മു​ൻ​പ​രി​ച​യം ഒ​ന്നും ഇ​ല്ലാ​ത്ത ഈ ​കു​ടും​ബം കി​ടാ​രി​യെ വ​ള​ർ​ത്തി വ​ലു​താ​ക്കി. മാ​ളു എ​ന്ന് പേ​രും ഇ​ട്ടു. വി​ട്ടി​ലെ പെ​ൺ​കു​ട്ടി​യാ​യി​രു​ന്നു കി​ടാ​രി​യെ നോ​ക്കാ​ൻ മു​മ്പ​ന്തി​യി​ൽ നി​ന്ന​ത്. ഒ​ന്ന​ര വ​ർ​ഷ​ത്തി​നു​ശേ​ഷം കി​ടാ​വി​നെ കു​ത്തി​വെ​പ്പി​ച്ചു. അ​ച്ച​നും അ​മ്മ​യും സ​ഹോ​ദ​ര​നും ഇ​വ​രു​ടെ ചെ​റി​യ തൊ​ഴി​ൽ തേ​ടി പോ​കേ​ണ്ട​തി​നാ​ലും പെ​ൺ​കു​ട്ടി​ക്ക് പ​ഠി​ക്കാ​ൻ പോ​കേ​ണ്ട​തി​നാ​ലും കി​ടാ​വി​നെ നോ​ക്കു​ന്ന​ത് ബു​ദ്ധി​മു​ട്ടാ​യി.

ഇ​തോ​ടെ വി​ൽ​ക്കാ​ൻ എ​ല്ലാ​വ​രും കൂ​ടി തീ​രു​മാ​നി​ച്ചു. വി​വ​രം ഒ​ന്നു​ര​ണ്ട് പേ​രോ​ട് പ​റ​ഞ്ഞ​തോ​ടെ വീ​ട്ടി​ൽ​നി​ന്ന് കു​റെ അ​ക​ലെ​യു​ള്ള ഒ​രു ക​ച്ച​വ​ട​ക്കാ​ര​ൻ പാ​ഞ്ഞെ​ത്തി. ക​ച്ച​വ​ട​ക്കാ​ർ​ക്ക് കൊ​ടു​ക്കി​ല്ലെ​ന്നും വീ​ടി​ന് സ​മീ​പം ഉ​ള്ള​വ​രും വ​ള​ർ​ത്തു​ന്ന വ​രു​മാ​യ​വ​ർ​ക്കേ കി​ടാ​വി​നെ ന​ൽ​കൂ എ​ന്ന് കു​ടും​ബം പ​റ​ഞ്ഞെ​ങ്കി​ലും ഇ​തി​നെ താ​ൻ വ​ള​ർ​ത്തി​ക്കൊ​ള്ളാം എ​ന്ന് നൂ​റു​ശ​ത​മാ​നം ഉ​റ​പ്പ് ന​ൽ​കി​യ​തോ​ടെ മ​ന​സ്സി​ല്ലാ​മ​ന​സ്സോ​ടെ ഇ​വ​ർ ന​ൽ​കി.

ഒ​രാ​ഴ്ച ക​ഴി​ഞ്ഞ​പ്പോ​ഴേ​ക്കും ക​ച്ച​വ​ട​ക്കാ​ര​ൻ കി​ടാ​വി​നെ വി​റ്റു. ഒ​രു പ​ക്ഷേ ക​ശാ​പ്പു​കാ​ർ​ക്ക് കൊ​ടു​ത്ത​താ​യി​രി​ക്കും എ​ന്ന് പെ​ൺ​കു​ട്ടി അ​റി​ഞ്ഞ​തോ​ടെ അ​വ​ൾ ക​ടു​ത്ത മാ​ന​സി​ക വി​ഷ​മ​ത്തി​ലാ​യി. ഇ​തോ​ടെ വീ​ട്ടു​കാ​ർ ക​ച്ച​വ​ട​ക്കാ​ര​നെ തേ​ടി​യെ​ത്തി. ആ​ദ്യ​മൊ​ന്നും പ​റ​യാ​ൻ ത​യാ​റാ​കാ​തി​രി​രു​ന്ന ക​ച്ച​വ​ട​ക്കാ​ര​ൻ പി​ന്നീ​ട് കി​ടാ​വി​നെ ശൂ​ര​നാ​ട് വ​യ്യാ​ങ്ക​ര ച​ന്ത​യി​ലാ​ണ് വി​റ്റ​തെ​ന്ന് പ​റ​ഞ്ഞു.

ശാ​സ്താം​കോ​ട്ട ഭാ​ഗ​ത്തു​ള്ള​വ​രാ​ണ് വാ​ങ്ങി​ക്കൊ​ണ്ടു​പോ​യ​തെ​ന്ന അ​റി​വ് ല​ഭി​ച്ച​തോ​ടെ അ​ന്വ​ഷ​ണം ആ ​ഭാ​ഗ​ത്തേ​ക്ക് വ്യാ​പി​പ്പി​ച്ചു. ഓ​രോ സ്ഥ​ല​ത്തെ​യും ക്ഷീ​ര​ക​ർ​ഷ​ക​രെ​യും ക്ഷീ​ര​സം​ഘ​ങ്ങ​ളും കേ​ന്ദ്രീ​ക​രി​ച്ച് അ​ന്വേ​ഷി​ക്കു​മ്പോ​ൾ പു​തി​യ അ​റി​വ് ല​ഭി​ക്കും. പി​ന്നീ​ട് അ​ന്വേ​ഷ​ണം അ​ങ്ങോ​ട്ടേ​ക്ക് മാ​റ്റും.

ക​ഴി​ഞ്ഞ ഒ​മ്പ​ത്​ മാ​സ​മാ​യി അ​ന്വേ​ഷി​ച്ചി​ട്ടും കി​ടാ​വി​നെ ക​ണ്ടെ​ത്താ​ൻ ക​ഴി​ഞ്ഞി​ല്ല. ഇ​തി​നി​ട​യി​ൽ പെ​ൺ​കു​ട്ടി​യു​ടെ അ​വ​സ്ഥ വ​ള​രെ മോ​ശ​മാ​യി. സ​മാ​ന രീ​തി​യി​ലു​ള്ള മ​റ്റൊ​രു കി​ടാ​വി​നെ കൊ​ണ്ടു​വ​ന്ന് കാ​ണി​ച്ചി​ട്ടും പെ​ൺ​കു​ട്ടി തി​രി​ച്ച​റി​ഞ്ഞു.

ഇ​നി എ​ന്ത് ചെ​യ്യു​മെ​ന്ന് അ​റി​യാ​തെ ഉ​ഴ​ലു​ക​യാ​ണ് കു​ടും​ബം. തി​രി​കെ കി​ട്ടി​യി​ല്ലെ​ങ്കി​ലും ഒ​ന്ന് കാ​ണി​ച്ചു​കൊ​ടു​ക്കാ​നെ​ങ്കി​ലും ക​ഴി​ഞ്ഞി​രു​ന്നെ​ങ്കി​ലെ​ന്ന് കു​ടും​ബം ഇ​പ്പോ​ൾ അ​തി​യാ​യി ആ​ഗ്ര​ഹി​ക്കു​ന്ന​ത്. അ​തി​ന് വേ​ണ്ടി, ഒ​രു ഫോ​ൺ​കോ​ൾ കാ​ത്തി​രി​ക്കു​ക​യാ​ണ് കു​ടും​ബം. ക​ണ്ടു​കി​ട്ടു​ന്ന​വ​ർ ഫോ​ൺ: 9207311299.