കളങ്ങര രാഘവൻ കരടികളിയിലെ കലർപ്പില്ലാത്ത കലാകാരൻ

ശാ​സ്താം​കോ​ട്ട : ‘ര​ണ്ടാം ലോ​ക​മ​ഹാ​യു​ദ്ധ​ത്തി​ൻ കാ​ല​ത്ത്-

ഗം​ഭീ​ര​മാ​യൊ​രു വൈ​റ​സ് വ​ന്നു. പ്ലേ​ഗെ​ന്ന പേ​രു​ള്ള വൈ​റ​സ്

നാ​ട്ടി​ൽ പ​ര​ന്ന് ല​ക്ഷ​ങ്ങ​ളെ കൊ​ന്നൊ​ടു​ക്കി....

താ​നി​ന്നെ താ​നി​ന്നെ ത​ന്നാ​നാ​നി തി​നെ

താ​നി​ന്നെ താ​നി​ന്നെ ത​ന്നാ​നേ.....’

ക​ര​ടി​ക​ളി​യെ​യും ക​ര​ടി​പ്പാ​ട്ടി​നെ​യും നെ​ഞ്ചോ​ട് ചേ​ർ​ത്ത ക​ലാ​കാ​ര​ൻ തേ​വ​ല​ക്ക​ര അ​രി​ന​ല്ലൂ​ർ ക​ള​ങ്ങ​ര കി​ഴ​ക്ക​തി​ൽ ക​ള​ങ്ങ​ര രാ​ഘ​വ​ൻ (69) എ​ഴു​തി​യ വ​രി​ക​ളാ​ണി​ത്. ഇ​ത് മാ​ത്ര​മ​ല്ല ഓ​ഖി​ദു​ര​ന്തം, നി​പ വൈ​റ​സ്, കൊ​റോ​ണ, മ​ല​ന​ട​യി​ലെ വെ​ടി​ക്കെ​ട്ട​പ​ക​ടം, ച​വ​റ-​ശാ​സ്താം​കോ​ട്ട റോ​ഡ് നി​ർ​മാ​ണം തു​ട​ങ്ങി​യ സ​മ​കാ​ലി​ക സം​ഭ​വ​ങ്ങ​ളെ​ക്കു​റി​ച്ചും പു​രാ​ണ-​ഇ​തി​ഹാ​സ സം​ഭ​വ​ങ്ങ​ളെ അ​ടി​സ്ഥാ​ന​മാ​ക്കി​യു​മെ​ല്ലാം ഇ​ദ്ദേ​ഹം നി​ര​വ​ധി ക​ര​ടി​പ്പാ​ട്ടു​ക​ൾ എ​ഴു​തി​യി​ട്ടു​ണ്ട്. ഓ​ണാ​ട്ടു​ക​ര​യി​ലെ ത​ന​ത് ക​ലാ​രൂ​പ​മാ​യി​രു​ന്നു ക​ര​ടി​ക​ളി. ഇ​തി​നെ പ​രി​പോ​ഷി​പ്പി​ക്കു​ന്ന​തി​ൽ ഏ​റ്റ​വും വ​ലി​യ പ​ങ്കു​വ​ഹി​ക്കു​ന്ന​യാ​ളാ​ണ് ക​ള​ങ്ങ​ര രാ​ഘ​വ​ൻ.

ജ​ന്മി-​അ​ടി​യാ​ൻ കാ​ല​ഘ​ട്ട​ത്തി​ൽ ജ​ന്മി​യു​ടെ വീ​ട്ടി​ലേ​ക്ക് ക​ട​ന്ന് ചെ​ല്ലാ​നും ആ​ക്ഷേ​പ​ഹാ​സ്യ​ത്തി​ലൂ​ടെ പ​രി​ഹ​സി​ക്കാ​നും വേ​ണ്ടി സൃ​ഷ്ടി​ച്ച​താ​ണ് ക​ര​ടി​ക​ളി​യെ​ന്ന് ഇ​ദ്ദേ​ഹം പ​റ​യു​ന്നു. നി​മി​ഷ ക​വി പാ​ലു​വേ​ലി​ൽ വാ​ധ്യാ​രാ​ണ് ക​ര​ടി​ക​ളി​യു​ടെ ഉ​പ​ജ്ഞാ​താ​വ്. കു​മ്മി, കു​മ്മി​കു​രു​ട്, അ​മ്മാ​ന എ​ന്നീ മൂ​ന്ന് രീ​തി​ക​ളി​ലാ​ണ് ക​ര​ടി പാ​ട്ടെ​ന്നും ഇ​വി​ടെ കു​മ്മി രീ​തി​യി​ലാ​ണ് പാ​ടു​ന്ന​തെ​ന്നും ഇ​ദ്ദേ​ഹം പ​റ​യു​ന്നു.

ഓ​ണ​നാ​ളു​ക​ളി​ലെ ഉ​ത്രാ​ടം-​തി​രു​വോ​ണം ദി​വ​സ​ങ്ങ​ളി​ലാ​ണ് ക​ര​ടി​ക​ളി വീ​ടു​ക​ളി​ലെ​ത്തു​ന്ന​ത്. അ​രി​ന​ല്ലൂ​രി​ൽ കൂ​ട്ടു​കാ​രു​മൊ​ത്ത് വീ​ടു​വീ​ടാ​ന്ത​രം ക​ര​ടി​ക​ളി​യു​മാ​യി ഓ​ടി​ന​ട​ന്ന കു​ട്ടി​ക്കാ​ല​മാ​ണ്​ ക​ള​ങ്ങ​ര രാ​ഘ​വ​നെ ക​ര​ടി​ക​ളി​യെ ഗൗ​ര​വ​മാ​യി സ​മീ​പി​ക്കു​ന്ന​തി​ലേ​ക്ക്​ ന​യി​ച്ച​ത്. 50 വ​ർ​ഷ​ത്തി​ല​ധി​ക​മാ​യി ഈ ​ക​ലാ​രൂ​പ​ത്തെ നി​ല​നി​ർ​ത്തു​ന്ന​തി​നും പ​രി​പോ​ഷി​പ്പി​ക്കു​ന്ന​തി​നും സ​ജീ​വ​മാ​യി രം​ഗ​ത്തു​ണ്ട് ഇ​ദ്ദേ​ഹം. വ​ലി​യ മാ​ട​ത്തി​ൽ വി​ക്ര​മ​ൻ എ​ന്ന കൂ​ട്ടു​കാ​ര​നി​ൽ​നി​ന്നാ​ണ് ക​ര​ടി​പ്പാ​ട്ടു​ക​ൾ ഹൃ​ദ്യ​സ്ഥ​മാ​ക്കി​യ​ത്.2006ൽ ​ഒ​രു​പ​റ്റം ചെ​റു​പ്പ​ക്കാ​ർ അ​രി​ന​ല്ലൂ​ർ ജ​വ​ഹ​ർ ലൈ​ബ്ര​റി​യു​ടെ നേ​തൃ​ത്വ​ത്തി​ൽ ക​ര​ടി​ക​ളി​യെ പു​ന​രു​ജ്ജീ​വി​പ്പി​ക്കു​ക​യെ​ന്ന ല​ക്ഷ്യ​ത്തോ​ടെ രം​ഗ​ത്ത് വ​ന്ന​പ്പോ​ൾ പ്ര​ധാ​ന പ​ങ്കു​വ​ഹി​ച്ച​തും ഇ​ദ്ദേ​ഹ​മാ​ണ്. അ​ന്ന് ക​ര​ടി​പ്പാ​ട്ടു​ക​ൾ മാ​ത്രം ഉ​ൾ​പ്പെ​ടു​ത്തി 500 പു​സ്ത​ക​ങ്ങ​ളും 1000 സി.​ഡി​ക​ളും ജ​വ​ഹ​ർ ലൈ​ബ്ര​റി സൗ​ജ​ന്യ​മാ​യി വി​ത​ര​ണം ചെ​യ്തു.ഓ​ണ​ക്കാ​ല​ത്ത് മ​ത്സ​രാ​ടി​സ്ഥാ​ന​ത്തി​ൽ ഇ​വി​ടെ ക​ര​ടി​ക​ളി സം​ഘ​ടി​പ്പി​ച്ചു വ​രു​ന്നു. തി​രു​വ​ന​ന്ത​പു​ര​ത്തെ സം​സ്ഥാ​ന ഓ​ണം വാ​രാ​ഘോ​ഷ​ത്തി​ല​ട​ക്കം നാ​ടി​ന്‍റെ വി​വി​ധ ഭാ​ഗ​ങ്ങ​ളി​ൽ ഓ​ണ​ക്കാ​ല​ത്ത് ഇ​വ​ർ ക​ര​ടി​ക​ളി അ​വ​ത​രി​പ്പി​ക്കു​ന്നു​ണ്ട്. ഇ​തി​ൽ​നി​ന്ന് പ്ര​ചോ​ദ​നം ഉ​ൾ​ക്കൊ​ണ്ട് പു​തി​യ ക​ര​ടി​ക​ളി സം​ഘ​ങ്ങ​ളും രൂ​പം കൊ​ള്ളു​ന്നു.

പ്രാ​ദേ​ശി​ക​മാ​യി നി​ര​വ​ധി അം​ഗീ​കാ​രം തേ​ടി​യെ​ത്തി​യി​ട്ടു​ണ്ടെ​ങ്കി​ലും സ​ർ​ക്കാ​ർ ത​ല​ത്തി​ൽ​നി​ന്ന് അ​ത്ത​ര​മൊ​രു അം​ഗീ​കാ​രം ഇ​ദ്ദേ​ഹ​ത്തി​ന് ല​ഭി​ച്ചി​ട്ടി​ല്ല. അ​പ്പോ​ഴും മി​ക​ച്ച ക​ർ​ഷ​ക​ൻ​കൂ​ടി​യാ​യ രാ​ഘ​വ​ൻ ക​ര​ടി​ക​ളി​യെ ജ​ന​കീ​യ​മാ​ക്കാ​നു​ള്ള പ​രി​ശ്ര​മ​ങ്ങ​ളു​മാ​യി മു​ന്നോ​ട്ടു പോ​കു​ക​യാ​ണ്.