ഭീതിയോടെ ത​ല​യി​ണ​ക്കാ​വ് അടിപ്പാതയിലെ രാത്രിയാത്ര

ശാ​സ്താം​കോ​ട്ട: പ​ടി​ഞ്ഞാ​റേ ക​ല്ല​ട ത​ല​യി​ണ​ക്കാ​വ് അ​ടി​പ്പാ​ത​യി​ലൂ​ടെ​യു​ള്ള രാ​ത്രി​യാ​ത്ര ഭീ​തി​യോ​ടെ. യാ​ത്ര​ക്കാ​ർ ക​ട​ന്നു​പോ​കു​ന്ന ഭാ​ഗ​ങ്ങ​ളി​ൽ ഒ​രി​ട​ത്തും വ​ഴി​വി​ള​ക്കു​ക​ളോ സി.​സി ടി.​വി കാ​മ​റ​ക​ളോ ഇ​ല്ല. ഒ​റ്റ​പ്പെ​ട്ട സ്ഥ​ല​മാ​ണ​വി​ടം. അ​ടു​ത്തെ​ങ്ങും വീ​ടു​ക​ളും സ്ഥാ​പ​ന​ങ്ങ​ളു​മി​ല്ലാ​ത്ത​ത്​ അ​ടി​പ്പാ​ത​യി​ലൂ​ടെ ക​ട​ന്നു​പോ​കു​ന്ന​വ​രി​ൽ ആ​ശ​ങ്ക വ​ർ​ധി​പ്പി​ക്കു​ന്നു.

ത​ല​യി​ണ​ക്കാ​വ് റെ​യി​ൽ​വേ ഗേ​റ്റ് മൂ​ല​മു​ള്ള ബു​ദ്ധി​മു​ട്ട് ഒ​ഴി​വാ​ക്കാ​ൻ സ​മീ​പ​ത്ത് അ​ടി​പ്പാ​ത നി​ർ​മി​ക്ക​ണ​മെ​ന്ന നി​ര​ന്ത​ര ആ​വ​ശ്യ​ത്തെ തു​ട​ർ​ന്നാ​ണ് റെ​യി​ൽ​വേ പാ​ത പൂ​ർ​ത്തി​യാ​ക്കി​യ​ത്. കൊ​ടി​ക്കു​ന്നി​ൽ സു​രേ​ഷ് എം.​പി​യു​ടെ പ​രി​ശ്ര​മ​വും ഉ​ണ്ടാ​യി​രു​ന്നു. ര​ണ്ട​ര കോ​ടി രൂ​പ ചെ​ല​വ​ഴി​ച്ചാ​ണ് നി​ർ​മാ​ണം പൂ​ർ​ത്തീ​ക​രി​ച്ച​ത്. ഇ​തോ​ടെ ത​ല​യി​ണ​ക്കാ​വ് റെ​യി​ൽ​വേ ഗേ​റ്റ് സ്ഥി​ര​മാ​യി റെ​യി​ൽ​വേ അ​ട​ച്ചു​പൂ​ട്ടി.

എ​ല്ലാ വാ​ഹ​ന​ങ്ങ​ളും ഇ​പ്പോ​ൾ അ​ടി​പ്പാ​ത വ​ഴി​യാ​ണ് ക​ട​ന്നു​പോ​കു​ന്ന​ത്. അ​ടി​പ്പാ​ത യാ​ത്ര​ക്ക് തു​റ​ന്നു​കൊ​ടു​ക്കു​ന്ന സ​മ​യ​ത്തു​ത​ന്നെ വ​ഴി​വി​ള​ക്ക് ഇ​ല്ലാ​ത്ത​തും സി.​സി ടി.​വി അ​ട​ക്ക​മു​ള്ള സു​ര​ക്ഷ മു​ൻ​ക​രു​ത​ൽ ഇ​ല്ലാ​ത്ത​തും ചൂ​ണ്ടി​ക്കാ​ണി​ക്ക​പ്പെ​ട്ടി​രു​ന്നു. ഇ​ക്കാ​ര്യ​ത്തി​ൽ ആ​വ​ശ്യ​മാ​യ ന​ട​പ​ടി സ്വീ​ക​രി​ക്കാ​മെ​ന്ന് പ​ഞ്ചാ​യ​ത്ത് അ​ധി​കൃ​ത​ർ ഉ​റ​പ്പു​ന​ൽ​കി​യി​രു​ന്നെ​ങ്കി​ലും ഇ​നി​യും ന​ട​പ​ടി ഒ​ന്നും ഉ​ണ്ടാ​യി​ട്ടി​ല്ല.