പോസ്റ്റൽ നിക്ഷേപം; ലക്ഷങ്ങളുടെ വെട്ടിപ്പ്

ശാ​സ്താം​കോ​ട്ട: പോ​സ്റ്റ​ൽ നി​ക്ഷേ​പ​ങ്ങ​ളി​ൽ ല​ക്ഷ​ങ്ങ​ളു​ടെ വെ​ട്ടി​പ്പ് ന​ട​ത്തി​യ​താ​യി പ​രാ​തി. അ​ടൂ​ർ പോ​സ്‌​റ്റ​ൽ ഡി​വി​ഷ​ൻ പ​രി​ധി​യി​ലെ ശൂ​ര​നാ​ട് വ​ട​ക്ക് പാ​റ​ക്ക​ട​വ് പോ​സ്റ്റ‌് ഓ​ഫി​സി​ലാ​ണ് സം​ഭ​വം. മ​ക്ക​ളു​ടെ​യും ചെ​റു​മ​ക്ക​ളു​ടെ​യും ജീ​വി​ത സു​ര​ക്ഷ​ക്കും വി​വാ​ഹ​ത്തി​നും ഉ​ൾ​പ്പെ​ടെ ല​ക്ഷ്യ​മി​ട്ട് വി​വി​ധ സ്കീ​മു​ക​ളി​ൽ പ​ണം അ​ട​ച്ച നി​ക്ഷേ​പ​ക​രാ​ണ് പ​രാ​തി​ക്കാ​ർ. പു​ലി​ക്കു​ളം സ്വ​ദേ​ശി​ക​ൾ​ക്ക് 1.16 ല​ക്ഷ​വും 30,000 രൂ​പ​യും മ​റ്റൊ​രാ​ൾ​ക്ക് 60000 രൂ​പ​യും ന​ഷ്ട​മാ​യി. നി​ക്ഷേ​പ​ക​ർ ന​ൽ​കി​യ പ​രാ​തി​ക​ളു​ടെ അ​ടി​സ്‌​ഥാ​ന​ത്തി​ൽ പൊ​ലീ​സും പോ​സ്റ്റ​ൽ വ​കു​പ്പും പ​രി​ശോ​ധ​ന ന​ട​ത്തി.

പ​ണം ന​ൽ​കി​യ​വ​രു​ടെ പേ​രി​ൽ അ​ക്കൗ​ണ്ട് പോ​ലും തു​റ​ക്കാ​തെ ത​ട്ടി​പ്പ് ന​ട​ത്തി​യെ​ന്നാ​ണ് പ​രാ​തി. മി​ക്ക​വ​ർ​ക്കും ര​ണ്ട് വ​ർ​ഷ​മാ​യി പാ​സ്ബു​ക്കും ര​സീ​തും ന​ൽ​കി​യി​ട്ടി​ല്ല. വ​യോ​ധി​ക​രാ​യ നി​ക്ഷേ​പ​ക​ർ പാ​സ്ബു​ക്ക് ആ​വ​ശ്യ​പ്പെ​ടു​മ്പോ​ൾ ഹെ​ഡ് ഓ​ഫി​സി​ൽ നി​ന്നും വ​രാ​ൻ വൈ​കു​മെ​ന്നും തു​ക മാ​സ​വും മു​ട​ങ്ങാ​തെ അ​ട​ച്ചാ​ൽ മ​തി​യെ​ന്നു​മു​ള്ള മ​റു​പ​ടി​യാ​ണ് കി​ട്ടി​യ​ത്. പാ​സ്ബു​ക്കി​ൽ പ​തി​ച്ച ശേ​ഷ​വും അ​ക്കൗ​ണ്ടി​ൽ അ​ട​ക്കാ​തെ തു​ക വെ​ട്ടി​ച്ച സം​ഭ​വ​ങ്ങ​ളു​മു​ണ്ട്.

സാ​മ്പ​ത്തി​ക ക്ര​മ​ക്കേ​ടു​ക​ൾ ന​ട​ന്ന​തി​നാ​ൽ പാ​റ​ക്ക​ട​വ് പോ​സ്റ്റ് ഓ​ഫി​സി​ൽ അ​ക്കൗ​ണ്ടു​ള്ള എ​ല്ലാ ഇ​ട​പാ​ടു​കാ​രും പാ​സ്ബു​ക്ക് വെ​രി​ഫി​ക്കേ​ഷ​ന് എ​ത്തി​ക്ക​ണ​മെ​ന്ന് ആ​വ​ശ്യ​പ്പെ​ട്ടു​ള്ള അ​ടൂ​ർ സ​ബ് ഡി​വി​ഷ​നി​ൽ നി​ന്നു​ള്ള നോ​ട്ടീ​സ് പോ​സ്റ്റ് ഓ​ഫി​സി​നു മു​ന്നി​ൽ പ​തി​ച്ചു. വ​രും ദി​വ​സ​ങ്ങ​ളി​ൽ കൂ​ടു​ത​ൽ പേ​ർ പ​രാ​തി​യു​മാ​യി എ​ത്തു​മെ​ന്നും സൂ​ച​ന​യു​ണ്ട്.

ന​ട​പ​ടി ആ​വ​ശ്യ​പ്പെ​ട്ട് ഡി.​വൈ.​എ​ഫ്.​ഐ പ്ര​തി​ഷേ​ധ പ്ര​ക​ട​നം ന​ട​ത്തി​യ ശേ​ഷം പൊ​ലീ​സി​ൽ പ​രാ​തി ന​ൽ​കി. പ​രാ​തി സം​ബ​ന്ധി​ച്ച് പോ​സ്റ്റ​ൽ വ​കു​പ്പ് പ​രി​ശോ​ധ​ന തു​ട​രു​ക​യാ​ണെ​ന്നും ന​ട​പ​ടി​ക​ൾ സ്വീ​ക​രി​ക്കു​മെ​ന്നും പൊ​ലീ​സ് പ​റ​ഞ്ഞു.