വൈദ്യുതി ലഭിച്ചില്ല, വഴിയോര വിശ്രമകേന്ദ്രം തുറക്കൽ വൈകുന്നു

ശാ​സ്താം​കോ​ട്ട: ല​ക്ഷ​ങ്ങ​ൾ ചെ​ല​വ​ഴി​ച്ച് നി​ർ​മി​ച്ച വ​ഴി​യോ​ര വി​ശ്ര​മ​കേ​ന്ദ്രം വൈ​ദ്യു​തി ക​ണ​ക്​​ഷ​ൻ ല​ഭി​ക്കാ​ത്ത​തി​നെ തു​ട​ർ​ന്ന് തു​റ​ന്നു പ്ര​വ​ർ​ത്തി​ക്കാ​ൻ ക​ഴി​യു​ന്നി​ല്ല. മൈ​നാ​ഗ​പ്പ​ള്ളി ഗ്രാ​മ​പ​ഞ്ചാ​യ​ത്ത് ക​രു​നാ​ഗ​പ്പ​ള്ളി - ശാ​സ്​​താം​കോ​ട്ട റോ​ഡി​ൽ മൈ​നാ​ഗ​പ്പ​ള്ളി റെ​യി​ൽ​വേ ഗേ​റ്റി​നു സ​മീ​പം നി​ർ​മി​ച്ച വ​ഴി​യോ​ര വി​ശ്ര​മ​കേ​ന്ദ്ര​ത്തി​നാ​ണ് ഈ ​സ്ഥി​തി. ശു​ചി​ത്വ​മി​ഷ​ന്‍റെ പ​ദ്ധ​തി​യി​ൽ​പെ​ടു​ത്തി 18 ല​ക്ഷം രൂ​പ​യി​ല​ധി​കം ചെ​ല​വ​ഴി​ച്ചാ​ണ് പ​ഞ്ചാ​യ​ത്ത് വ​ഴി​യോ​ര വി​ശ്ര​മ കേ​ന്ദ്രം നി​ർ​മി​ച്ച​ത്.

നാ​ലു​മാ​സം മു​മ്പ് ത​ന്നെ മു​ഴു​വ​ൻ പ​ണി​ക​ളും പൂ​ർ​ത്തി​യാ​കു​ക​യും പ​ഞ്ചാ​യ​ത്ത് വൈ​ദ്യു​തി ക​ണ​ക്​​ഷ​ൻ ല​ഭി​ക്കു​ന്ന​തി​ന് ജി​ല്ല പ​ഞ്ചാ​യ​ത്ത് വ​ഴി അ​പേ​ക്ഷ സ​മ​ർ​പ്പി​ക്കു​ക​യും ചെ​യ്തു. എ​ന്നാ​ൽ, ന​ട​പ​ടി​ക​ളി​ലെ കാ​ല​താ​മ​സം തി​രി​ച്ച​ടി​യാ​യി. വാ​ട്ട​ർ ക​ണ​ക്​​ഷ​നും ല​ഭി​ച്ചി​ട്ടി​ല്ല. റോ​ഡ് മു​റി​ച്ച് ക​ണ​ക്​​ഷ​ൻ എ​ടു​ക്കേ​ണ്ട​തി​നാ​ൽ ഇ​തി​നു​വേ​ണ്ടി പി.​ഡ​ബ്ല്യു.​ഡി​ക്ക്​ അ​പേ​ക്ഷ സ​മ​ർ​പ്പി​ച്ച​ങ്കി​ലും ന​ട​പ​ടി​യു​ണ്ടാ​യി​ല്ല.

അ​ഞ്ച് ശു​ചി​മു​റി​ക​ളും കാ​ൻ​റീ​ൻ ന​ട​ത്താ​നു​ള്ള സൗ​ക​ര്യ​ങ്ങ​ളു​മ​ട​ക്കം നി​ർ​മി​ച്ച വ​ഴി​യോ​ര വി​ശ്ര​മ​കേ​ന്ദ്രം തു​റ​ക്കു​ന്ന​ത് ന​ട​പ​ടി​ക​ളി​ലെ നൂ​ലാ​മാ​ല​ക​ൾ മൂ​ലം വൈ​കു​ക​യാ​ണ്.