മുഖ്യമന്ത്രിയുടെ വരവിൽ റോഡിന്​ ശാപമോക്ഷം

ശാ​സ്താം​കോ​ട്ട: മു​ഖ്യ​മ​ന്ത്രി വ​രു​ന്ന​ത് പ്ര​മാ​ണി​ച്ച്​ റോ​ഡ് ടാ​റി​ങ്​ ചെ​യ്ത് ശ​രി​യാ​ക്കി അ​ധി​കൃ​ത​ർ. ശാ​സ്താം​കോ​ട്ട ജം​ഗ്ഷ​നി​ൽ വ​ർ​ഷ​ങ്ങ​ളാ​യി ത​ക​ർ​ന്ന് കി​ട​ക്കു​ക​യാ​യി​രു​ന്ന ട്രാ​ഫി​ക് ഐ​ല​ന്‍റ്​ മു​ത​ൽ ക്ഷേ​ത്ര അ​ല​ങ്കാ​ര ഗോ​പു​രം വ​രെ​യു​ള്ള 200 മീ​റ്റ​ർ ഭാ​ഗം ആ​ണ്​ ടാ​ർ ചെ​യ്ത​ത്. ശാ​സ്താം​കോ​ട്ട ക്ഷേ​ത്രം, താ​ലൂ​ക്ക് ആ​ശു​പ​ത്രി, ഗ​വ. ഹ​യ​ർ സെ​ക്ക​ണ്ട​റി സ്കൂ​ൾ ഉ​ൾ​പ്പെ​ടെ നി​ര​വ​ധി സ്ഥ​ല​ത്തേ​ക്ക് പോ​കേ​ണ്ട ഈ ​ഭാ​ഗം ന​ന്നാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് നി​ര​വ​ധി സം​ഘ​ട​ന​ക​ൾ പ്ര​തി​ഷേ​ധം ഉ​യ​ർ​ത്തി​യെ​ങ്കി​ലും ന​ട​പ​ടി മാ​ത്രം ഉ​ണ്ടാ​യി​രു​ന്നി​ല്ല.

ചൊ​വ്വാ​ഴ്ച ശാ​സ്താം​കോ​ട്ട ദേ​വ​സ്വം ബോ​ർ​ഡ് കോ​ള​ജി​ന്‍റെ വ​ജ്ര​ജൂ​ബി​ലി ആ​ഘോ​ഷ​ങ്ങ​ൾ ഉ​ദ്ഘാ​ട​നം ചെ​യ്യാ​ൻ മു​ഖ്യ​മ​ന്ത്രി എ​ത്തു​ന്ന​തി​ന് മു​ന്നോ​ടി​യാ​യി ഈ ​ഭാ​ഗം ടാ​ർ ചെ​യ്ത് ഗ​താ​ഗ​ത​യോ​ഗ്യ​മാ​ക്കു​ക​യാ​യി​രു​ന്നു. മു​ഖ്യ​മ​ന്ത്രി വ​രു​ന്ന​തി​ന്‍റെ ഭാ​ഗ​മാ​യി​ട്ടാ​ണ​ങ്കി​ലും ത​ക​ർ​ന്ന് കി​ട​ന്ന ഭാ​ഗം ശ​രി​യാ​ക്കി കി​ട്ടി​യ​തി​ന്‍റെ ആ​ശ്വാ​സ​ത്തി​ലാ​ണ് വ്യാ​പാ​രി വ്യ​വ​സാ​യി​ക​ളും ഓ​ട്ടോ​റി​ക്ഷാ തൊ​ഴി​ലാ​ളി​ക​ളും യാ​ത്ര​ക്കാ​രും.