ബസിനടിയിലേക്ക് ബൈക്ക് ഇടിച്ചുകയറി; വിദ്യാർഥി രക്ഷപ്പെട്ടത് അത്ഭുതകരമായി
text_fieldsകുന്നത്തൂർ ആറ്റുകടവ്
ജംങ്ഷന് സമീപം സ്വകാര്യ ബസിനടിയിലേക്ക് ബൈക്ക് ഇടിച്ചുകയറിയ നിലയിൽ
ശാസ്താംകോട്ട: കുന്നത്തൂർ ആറ്റുകടവ് ജങ്ഷന് സമീപം ഗേൾസ് ഹോസ്റ്റലിനോട് ചേർന്നുള്ള കൊടുംവളവിൽ സ്വകാര്യ ബസിനടിയിലേക്ക് നിയന്ത്രണം വിട്ട ബൈക്ക് ഇടിച്ചു കയറി. ബൈക്ക് ഓടിച്ച എൻജിനീയറിങ് വിദ്യാർഥി രക്ഷപ്പെട്ടത് അത്ഭുതകരമായി. കൊട്ടാരക്കര പ്രധാനപാതയിൽ കഴിഞ്ഞ ദിവസം രാവിലെയാണ് അപകടം നടന്നത്.
ശാസ്താംകോട്ടയിൽ നിന്നു കൊട്ടാരക്കരയിലേക്ക് പോവുകയായിരുന്ന പയനീയർ എന്ന ബസിന്റെ അടിയിലേക്ക് നിയന്ത്രണം വിട്ട ബൈക്ക് ഇടിച്ചുകയറുകയായിരുന്നെന്ന് ദൃക്സാക്ഷികൾ പറഞ്ഞു. ബൈക്ക് ബസിന്റെ മുൻഭാഗത്തു കൂടി അടിയിലേക്ക് കയറുമ്പോൾ വിദ്യാർഥി മറ്റൊരിടത്തേക്ക് തെറിച്ചു വീഴുകയായിരുന്നു.
ഇതിനാലാണ് മറ്റ് അനിഷ്ട സംഭവങ്ങൾ ഒഴിവായത്. കൊട്ടാരക്കര സ്വദേശിയായ വിദ്യാർഥി ഭരണിക്കാവ് പുന്നമൂട്ടിലെ കോളജിലേക്ക് പോകുംവഴിയാണ് അപകടം. അപകടത്തിൽ ബൈക്ക് പൂർണമായും തകർന്നു. അപകടത്തെ തുടർന്ന് ഭരണിക്കാവ് - പ്രധാനപാതയിൽ അരമണിക്കൂറോളം ഗതാഗതം തടസ്സപ്പെട്ടു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.