സ്ലാബുകൾ പൂർവസ്ഥിതിയിലാക്കിയില്ല; ‘അപകടയാത്ര’യൊരുക്കി വേങ്ങ കരാൽ ജങ്​ഷൻ റെയിൽവേ ഗേറ്റ്

ശാ​സ്താം​കോ​ട്ട: വേ​ങ്ങ ക​രാ​ൽ ജ​ങ്​​ഷ​ൻ റെ​യി​ൽ​വേ ഗേ​റ്റി​ൽ കൂ​ടി​യു​ള്ള യാ​ത്ര ദു​ഷ്ക​രം. പാ​ളം ന​വീ​ക​ര​ണ​ത്തി​ന്റെ ഭാ​ഗ​മാ​യി ഈ ​ഭാ​ഗ​ത്തു​ണ്ടാ​യി​രു​ന്ന സ്ലാ​ബു​ക​ൾ ഇ​ള​ക്കി മാ​റ്റി​യ​ത് പൂ​ർ​വ​സ്ഥി​തി​യി​ലാ​ക്കാ​ത്ത​താ​ണ് കാ​ര​ണം. ക​ഴി​ഞ്ഞ ഡി​സം​ബ​റി​ൽ പാ​ള​ങ്ങ​ൾ​ക്കി​ട​യി​ൽ മെ​റ്റ​ലി​ങ്ങി​നാ​ണ് സ്ലാ​ബ് ഇ​ള​ക്കി മാ​റ്റി​യ​ത്. പ്ര​വൃ​ത്തി ക​ഴി​ഞ്ഞ​തോ​ടെ സ്ലാ​ബു​ക​ൾ ഇ​ട്ടെ​ങ്കി​ലും ടാ​ർ മി​ശ്രി​തം ഇ​ട്ട് സ്ലാ​ബു​ക​ൾ​ക്കി​ട​യി​ലു​ള്ള വി​ട​വ് അ​ട​ച്ചി​ല്ല. പാ​ള​വും ഉ​യ​ർ​ന്ന് നി​ൽ​ക്കു​ന്ന​താ​ണ് വാ​ഹ​ന യാ​ത്ര ദു​ഷ്ക​ര​മാ​ക്കു​ന്ന​ത്. ഇ​രു​ച​ക്ര​വാ​ഹ​ന യാ​ത്ര​ക്കാ​രാ​ണ് ഏ​റെ ബു​ദ്ധി​മു​ട്ടു​ന്ന​ത്. ഏ​ത് സ​മ​യ​വും വാ​ഹ​നം മ​റി​ഞ്ഞു​വീ​ഴാ​വു​ന്ന അ​വ​സ്ഥ​യി​ലാ​ണ് ഇ​വി​ടെ ഇ​രു​ച​ക്ര​വാ​ഹ​ന യാ​ത്ര. മ​റ്റ് വാ​ഹ​ന​ങ്ങ​ൾ​ക്ക​ടി​യി​ലേ​ക്ക് വീ​ണാ​ൽ വ​ലി​യ ദു​ര​ന്ത​മു​ണ്ടാ​കും.

റെ​യി​ൽ​വേ സ്റ്റേ​ഷ​നി​ലേ​ക്കു​ള്ള യാ​ത്ര​ക്കാ​ർ, വേ​ങ്ങ​തെ​ക്ക് ഭാ​ഗ​ത്തു​ള്ള​വ​ർ, ച​വ​റ, പ​ന്മ​ന തേ​വ​ല​ക്ക​ര ഭാ​ഗ​ത്തേ​ക്കും തി​രി​ച്ച് ശാ​സ്താം​കോ​ട്ട ഭാ​ഗ​ത്തേ​ക്കും പൈ​പ്പ് റോ​ഡ് വ​ഴി സ​ഞ്ച​രി​ക്കു​ന്ന​വ​ര​ട​ക്കം നൂ​റു​ക​ണ​ക്കി​ന് ആ​ളു​ക​ളും വാ​ഹ​ന​ങ്ങ​ളും ക​ട​ന്നു​പോ​കു​ന്ന ഗേ​റ്റാ​ണി​ത്. അ​ടി​യ​ന്ത​ര​മാ​യി ഗേ​റ്റ് യാ​ത്രാ​യോ​ഗ്യ​മാ​ക്ക​ണ​മെ​ന്നാ​ണ് യാ​ത്ര​ക്കാ​രു​ടെ​യും പ്ര​ദേ​ശ​വാ​സി​ക​ളു​ടെ​യും ആ​വ​ശ്യം.