ലഹരിയോട്​ പറയാം ‘നോ’

കൊ​ല്ലം: ജി​ല്ല​യി​ലെ സ്‌​കൂ​ളു​ക​ള്‍ കേ​ന്ദ്രീ​ക​രി​ച്ച് ല​ഹ​രി​മ​രു​ന്ന് പ​രി​ശോ​ധ​ന ക​ര്‍ശ​ന​മാ​ക്കാ​ൻ തീ​രു​മാ​നം. സ്‌​കൂ​ള്‍ തു​റ​ക്കു​ന്ന​തി​ന് മു​ന്നോ​ടി​യാ​യി വി​ളി​ച്ചു​ചേ​ര്‍ത്ത ഉ​ദ്യോ​ഗ​സ്ഥ​രു​ടെ യോ​ഗ​ത്തി​ൽ ക​ല​ക്ട​ര്‍ അ​ഫ്സാ​ന പ​ര്‍വീ​നാ​ണ്​ നി​ര്‍ദേ​ശം ന​ൽ​കി​യ​ത്. സ്‌​കൂ​ളു​ക​ളു​ടെ പ​രി​സ​ര​ത്ത്​ പൊ​ലീ​സ്, എ​ക്സൈ​സ് നി​രീ​ക്ഷ​ണം ശ​ക്​​ത​മാ​ക്കും.

ല​ഹ​രി ഉ​പ​യോ​ഗ​ത്തി​ല്‍ കൂ​ടു​ത​ല്‍ കേ​സു​ക​ള്‍ വ​രു​ന്ന സ്ഥ​ല​ങ്ങ​ളി​ല്‍ സ​ജീ​വ ശ്ര​ദ്ധ ന​ല്‍കും. ജൂ​ണ്‍ ആ​ദ്യ​വാ​രം ത​ന്നെ പ​രി​ശോ​ധ​ന​ക​ളു​ടെ വി​ശ​ദ​മാ​യ റി​പ്പോ​ര്‍ട്ട് ന​ല്‍കാ​നും ക​ല​ക്ട​ര്‍ അ​വ​ശ്യ​പ്പെ​ട്ടു. ജി​ല്ല​യി​ലെ പു​സ്ത​ക​വി​ത​ര​ണ​ത്തി​ന്റെ 90 ശ​ത​മാ​ന​വും പൂ​ര്‍ത്തി​യാ​യ​താ​യി യോ​ഗം വി​ല​യി​രു​ത്തി.

ബാ​ക്കി​യു​ള്ള​വ ര​ണ്ട് ദി​വ​സ​ത്തി​ന​കം പൂ​ര്‍ത്തി​യാ​ക്കും. യൂ​നി​ഫോം വി​ത​ര​ണ​വും പൂ​ര്‍ത്തി​യാ​യി​ട്ടു​ണ്ട്. കെ​ട്ടി​ട​ങ്ങ​ളു​ടെ ഫി​റ്റ്‌​ന​സ് പ​രി​ശോ​ധ​ന പു​രോ​ഗ​മി​ക്കു​ന്നു. അ​പ​ക​ട​ക​ര​മാ​യ കെ​ട്ടി​ട​ങ്ങ​ള്‍ക്ക് ഫി​റ്റ്‌​ന​സ് ന​ല്‍കി​ല്ല. സ്‌​കൂ​ള്‍ വാ​ഹ​ന​ങ്ങ​ളു​ടെ ഫി​റ്റ്‌​ന​സ് പ​രി​ശോ​ധ​ന, ഡ്രൈ​വ​ര്‍മാ​ര്‍ക്കു​ള്ള ബോ​ധ​വ​ത്ക്ക​ര​ണം എ​ന്നി​വ സ​മ​യ​ബ​ന്ധി​ത​മാ​യി പൂ​ര്‍ത്തി​യാ​ക്ക​ണം.

സ്‌​കൂ​ള്‍ പാ​ച​ക തൊ​ഴി​ലാ​ളി​ക​ള്‍ ഹെ​ല്‍ത്ത് കാ​ര്‍ഡ് നി​ര്‍ബ​ന്ധ​മാ​യി എ​ടു​ക്ക​ണം. ഇ​തി​നു​ള്ള സൗ​ക​ര്യം സ്‌​കൂ​ള്‍ നി​ല്‍ക്കു​ന്ന പ്രാ​ഥ​മി​ക സാ​മൂ​ഹി​ക ആ​രോ​ഗ്യ കേ​ന്ദ്ര​ങ്ങ​ളി​ല്‍ ഒ​രു​ക്കി​യി​ട്ടു​ണ്ട്.

സ്‌​കൂ​ളു​ക​ള്‍ക്ക് സ​മീ​പ​മു​ള്ള റോ​ഡു​ക​ളി​ല്‍ സു​ര​ക്ഷാ സി​ഗ്ന​ലു​ക​ള്‍, അ​ട​യാ​ള​ങ്ങ​ള്‍ എ​ന്നി​വ സ്ഥാ​പി​ക്കും. എ​ല്ലാ സ്‌​കൂ​ളു​ക​ളി​ലും ശു​ചീ​ക​ര​ണം പൂ​ര്‍ത്തി​യാ​ക്ക​ണം. സ്‌​കൂ​ള്‍ പ​രി​സ​ര​ത്തു​ള്ള വൈ​ദ്യു​ത ലൈ​നു​ക​ള്‍, ട്രാ​ന്‍സ്‌​ഫോ​മ​റു​ക​ള്‍ എ​ന്നി​വ​യു​ടെ പ​രി​ശോ​ധ​ന പൂ​ര്‍ത്തി​യാ​യി. അ​സം​ബ്ലി​ക​ളി​ല്‍ കെ.​എ​സ്.​ഇ.​ബി​യു​ടെ സു​ര​ക്ഷാ ബോ​ധ​വ​ത്ക്ക​ര​ണ ക്ലാ​സ്സി​നും സൗ​ക​ര്യ​മൊ​രു​ക്കും.

വി​ദ്യാ​ര്‍ഥി​ക​ളു​ടെ ശാ​രീ​രി​ക മാ​ന​സി​ക സു​ര​ക്ഷ​യെ ബാ​ധി​ക്കു​ന്ന ഒ​ന്നി​ലും വി​ട്ടു​വീ​ഴ്ച ഉ​ണ്ടാ​ക​രു​തെ​ന്നും യോ​ഗം നി​ര്‍ദേ​ശം ന​ല്‍കി. ച​വ​റ ഗ​വ. ബോ​യ്‌​സ് ഹ​യ​ര്‍ സെ​ക്ക​ൻ​റി സ്‌​കൂ​ളി​ലാ​ണ് ഇ​ക്കു​റി ജി​ല്ല​യി​ലെ പ്ര​വേ​ശ​നോ​ത്സ​വ ഉ​ദ്ഘാ​ട​നം സം​ഘ​ടി​പ്പി​ക്കു​ക.

കു​ട്ടി​ക​ളു​ടെ ആ​രോ​ഗ്യ​ത്തി​ൽ ക​രു​ത​ൽ വേ​ണം

കൊ​ല്ലം: വേ​ന​ല​വ​ധി​ക്കു ശേ​ഷം സ്‌​കൂ​ളു​ക​ള്‍ തു​റ​ക്കു​ന്ന​തി​ന് മു​ന്നോ​ടി​യാ​യി സ്‌​കൂ​ളി​ലെ​ത്തു​ന്ന കു​ട്ടി​ക​ളു​ടെ ആ​രോ​ഗ്യ സു​ര​ക്ഷ ഉ​റ​പ്പാ​ക്കു​ന്ന​തി​നു​ള്ള ന​ട​പ​ടി​ക​ള്‍ സ്വീ​ക​രി​ക്ക​ണ​മെ​ന്ന് ജി​ല്ല മെ​ഡി​ക്ക​ല്‍ ഓ​ഫി​സ​ര്‍ ഡോ. ​കെ.​എ​സ്. ഷി​നു അ​റി​യി​ച്ചു.

പ്ര​ധാ​ന നി​ർ​ദേ​ശ​ങ്ങ​ൾ:

കു​ട്ടി​ക​ള്‍ക്ക് അ​പ​ക​ടം ഉ​ണ്ടാ​ക്കു​ന്ന ഡെ​സ്‌​ക്, ബെ​ഞ്ച്, സ്‌​ക്രീ​നു​ക​ള്‍ എ​ന്നി​വ നീ​ക്കം ചെ​യ്യ​ണം

• ശു​ചി​മു​റി​ക​ളു​ടെ അ​റ്റ​കു​റ്റ​പ​ണി വൈ​ക​രു​ത്.
• അ​ട​ഞ്ഞു​കി​ട​ന്ന സ്‌​കൂ​ളും പ​രി​സ​ര​വും വൃ​ത്തി​യാ​ക്ക​ണം
• കോ​മ്പൗ​ണ്ടി​നു​ള്ളി​ല്‍ പാ​ഴ്‌​വ​സ്തു​ക്ക​ള്‍ കൂ​ട്ടി​യി​ട​രു​ത്
• സ്‌​കൂ​ളി​ല്‍ ഇ​ഴ​ജ​ന്തു​ക്ക​ളു​ടെ സാ​ന്നി​ധ്യ​മി​ല്ല എ​ന്ന് ഉ​റ​പ്പ് വ​രു​ത്ത​ണം
• പാ​ച​ക​ത്തൊ​ഴി​ലാ​ളി​ക​ൾ​ക്ക് ഹെ​ൽ​ത്ത്​ കാ​ർ​ഡ്​ ഉ​റ​പ്പാ​ക്ക​ണം
• കു​ടി​വെ​ള്ള സ്രോ​ത​സു​ക​ള്‍ ക്ലോ​റി​നേ​ഷ​ന്‍ ന​ട​ത്ത​ണം
• ഉ​പ​യോ​ഗ​ശൂ​ന്യ​മാ​യ കി​ണ​റു​ക​ള്‍ കൊ​തു​കു ക​ട​ക്കാ​ത്ത വി​ധം നെ​റ്റ് ഉ​പ​യോ​ഗി​ച്ച് മൂ​ട​ണം
• കു​ടി​വെ​ള്ള​ത്തി​ന്റെ ശു​ദ്ധി പ​രി​ശോ​ധി​ച്ച് സ​ര്‍ട്ടി​ഫി​ക്ക​റ്റ് സൂ​ക്ഷി​ക്ക​ണം.
• സ്‌​കൂ​ളു​ക​ളി​ല്‍ ത​യ്യാ​റാ​ക്കു​ന്ന ഭ​ക്ഷ​ണം അ​ട​ച്ചു സൂ​ക്ഷി​ക്ക​ണം
• കു​ട്ടി​ക​ള്‍ക്ക് കു​ടി​ക്കാ​ന്‍ തി​ള​പ്പി​ച്ചാ​റി​യ വെ​ള്ളം മാ​ത്രം ന​ല്‍കു​ന്നു​വെ​ന്ന്​ ഉ​റ​പ്പാ​ക്ക​ണം
• കൊ​തു​കു നി​ർ​മാ​ർ​ജ​ന​ത്തി​ന് എ​ല്ലാ വെ​ള്ളി​യാ​ഴ്ച​യും സ്‌​കൂ​ളി​ലും സ്ഥാ​പ​ന​ങ്ങ​ളി​ലും ഉ​റ​വി​ട​ന​ശീ​ക​ര​ണ പ്ര​വ​ര്‍ത്ത​നം ന​ട​ത്ത​ണം.