സ്കൂൾ ബസിലെ തീപിടിത്തം; അത്യാഹിതമൊഴിഞ്ഞത്​ ഡ്രൈവറുടെ ഇടപെടലിൽ

കൊ​ല്ലം: കു​ണ്ട​റ നാ​ന്തി​രി​യ്ക്ക​ൽ ട്രി​നി​റ്റി ലൈ​സി​യം ഹ​യ​ർ സെ​ക്ക​ൻ​ഡ​റി സ്കൂ​ൾ ബ​സ്​ ക​ത്തി​ച്ചാ​മ്പ​ലാ​യ സം​ഭ​വ​ത്തി​ൽ വ​ലി​യ​ദു​ര​ന്തം ഒ​ഴി​വാ​യ​ത് ഡ്രൈ​വ​ർ സു​നി​ലി​ന്‍റെ സ​മ​യോ​ചി​ത​മാ​യ നീ​ക്കം​കൊ​ണ്ട്. ന​ല്ലി​ല, നെ​ടു​മ്പ​ന ഭാ​ഗ​ങ്ങ​ളി​ൽ കു​ട്ടി​ക​ളെ ഇ​റ​ക്കി​യ ശേ​ഷം പാ​ല​മു​ക്ക് തി​രി​ഞ്ഞ് ക​ണ്ണ​ന​ല്ലൂ​ർ ഭാ​ഗ​ത്തേ​ക്ക് പോ​കു​ക​യാ​യി​രു​ന്നു സ്കൂ​ൾ ബ​സ്. ക​ണ്ണ​ന​ല്ലൂ​രി​ലും കൊ​ട്ടി​യ​ത്തും ഇ​റ​ങ്ങാ​നു​ള്ള ര​ണ്ട് വി​ദ്യാ​ർ​ഥി​ക​ളാ​യി​രു​ന്നു വാ​ഹ​ന​ത്തി​ലു​ണ്ടാ​യി​രു​ന്ന​ത്. ന​ല്ലി​ല റോ​ഡി​ൽ നി​ന്നും പാ​ല​മു​ക്കി​ലെ​ത്തി​യ വാ​ഹ​നം ക​ണ്ണ​ന​ല്ലൂ​ർ ഭാ​ഗ​ത്തേ​ക്ക് തി​രി​ഞ്ഞ​പ്പോ​ഴാ​ണ് വാ​ഹ​ന​ത്തി​ന്‍റെ അ​ടി​യി​ൽ നി​ന്നും പു​ക ഉ​യ​രു​ന്ന​ത് ശ്ര​ദ്ധ​യി​ൽ​പ്പെ​ടു​ന്ന​ത്.

ഉ​ട​ൻ​ത​ന്നെ സു​നി​ൽ വാ​ഹ​നം റോ​ഡ​രി​കി​ലേ​ക്ക് ഒ​തു​ക്കി നി​ർ​ത്തി കു​ട്ടി​ക​ളെ പു​റ​ത്തി​റ​ക്കി. ആ​യ​യും ര​ണ്ട് കു​ട്ടി​ക​ളും ഇ​റ​ങ്ങി മാ​റി​യ ഉ​ട​ൻ തീ​പി​ടി​ച്ച് വാ​ഹ​നം തീ​ഗോ​ള​മാ​യി മാ​റി. സം​ഭ​വ സ്ഥ​ല​ത്തി​ന് ഏ​റെ അ​ക​ലെ​യ​ല്ലാ​തെ ഒ​രു പെ​ട്രോ​ൾ പ​മ്പു​മു​ണ്ട്. സം​ഭ​വം ക​ണ്ട നാ​ട്ടു​കാ​ർ ഉ​ട​ൻ അ​ഗ്നി​ര​ക്ഷാ​സേ​ന​യെ വി​വ​രം അ​റി​യി​ച്ചു. വാ​ഹ​ന​ത്തി​ൽ ആ​രു​മി​ല്ലെ​ന്ന​റി​ഞ്ഞ​തോ​ടെ​യാ​ണ് നാ​ട്ടു​കാ​ർ​ക്ക്​ ശ്വാ​സം വീ​ണ​ത്.

ഡ്രൈ​വ​റു​ടെ മ​ന​സാ​ന്നി​ധ്യ​വും വാ​ഹ​ന​ത്തി​ന്‍റെ വേ​ഗ​ത​ക്കു​റ​വു​മാ​ണ് വ​ലി​യ ദു​ര​ന്തം ഒ​ഴി​വാ​ക്കി​യ​ത്. അ​പ​ക​ട​സ​മ​യ​ത്ത്​ കൂ​ടു​ത​ൽ കു​ട്ടി​ക​ൾ ബ​സി​ൽ ഇ​ല്ലാ​തി​രു​ന്ന​തും ര​ക്ഷ​യാ​യി.

സ്കൂ​ൾ​വാ​നി​ന് തീ​പി​ടി​ച്ചെ​ന്ന വാ​ർ​ത്ത പ​ര​ന്ന​തോ​ടെ കൊ​ട്ടി​യം-​കു​ണ്ട​റ റോ​ഡി​ൽ പാ​ല​മു​ക്ക് ഭാ​ഗം ജ​ന​ങ്ങ​ളെ കൊ​ണ്ട് നി​റ​ഞ്ഞു. ഷോ​ർ​ട്ട് സ​ർ​ക്യൂ​ട്ടാ​കാം അ​പ​ക​ട കാ​ര​ണ​മെ​ന്നാ​ണ് ക​രു​തു​ന്ന​ത്.