ഒ​ന്ന​ര​വ​ർ​ഷ​ത്തെ ഇ​ട​വേ​ള​ക്കു​ശേ​ഷം സ്​കൂളുകൾ ഒരുങ്ങുന്നു; വിദ്യാർഥികളെ വരവേൽക്കാൻ

കൊ​ല്ലം: ഒ​ന്ന​ര​വ​ർ​ഷ​ത്തെ ഇ​ട​വേ​ള​ക്കു​ശേ​ഷം പ്ര​വ​ർ​ത്ത​നം പു​ന​രാ​രം​ഭി​ക്കാ​നു​ള്ള നി​ർ​ദേ​ശം വ​ന്ന​തി​ന്​ പി​ന്നാ​ലെ ജി​ല്ല​യി​ൽ സ്​​കൂ​ളു​ക​ളി​ലെ ഒ​ര​ു​ക്കം ത​കൃ​തി. അ​ധ്യാ​പ​ക​രും അ​ന​ധ്യാ​പ​ക​രും കോ​വി​ഡ്​ വാ​ക്​​സി​ൻ സ്വീ​ക​രി​ച്ച്​ വി​ദ്യാ​ർ​ഥി​ക​ളെ വ​ര​വേ​ൽ​ക്കാ​നു​ള്ള ഒ​രു​ക്ക​ത്തി​ലാ​ണ്. സെ​പ്​​റ്റം​ബ​ർ 16ന​കം ജി​ല്ല​യി​ലെ സ്​​കൂ​ളു​ക​ളി​ലെ മു​ഴു​വ​ൻ ജീ​വ​ന​ക്കാ​രും ഒ​രു ഡോ​സ്​ വാ​ക്​​സി​നെ​ങ്കി​ലും സ്വീ​ക​രി​ക്ക​ണ​മെ​ന്ന നി​ർ​ദേ​ശ​മാ​ണ്​ ന​ൽ​കി​യി​രി​ക്കു​ന്ന​ത്.

കോ​വി​ഡ്​ ഡ്യൂ​ട്ടി​യി​ൽ നി​യോ​ഗി​ച്ചി​രു​ന്ന​തി​നാ​ൽ ഭൂ​രി​ഭാ​ഗം അ​ധ്യാ​പ​ക​ര​ും ഇ​തി​ന​കം വാ​ക്​​സി​നെ​ടു​ത്തു​ക​ഴി​ഞ്ഞു. അ​വ​ശേ​ഷി​ക്കു​ന്ന​വ​ർ ജി​ല്ല​യി​ൽ ഒ​രു​ക്കു​ന്ന വാ​ക്​​സി​ൻ സൗ​ക​ര്യം എ​ത്ര​യും വേ​ഗം പ്ര​യോ​ജ​ന​പ്പെ​ടു​ത്താ​നാ​ണ്​ നി​ർ​ദേ​ശം. അ​ൺ എ​യ്​​ഡ​ഡ്​ ഉ​ൾ​പ്പെ​ടെ എ​ൽ.​പി മു​ത​ൽ ഹൈ​സ്​​കൂ​ൾ വ​രെ​യു​ള്ള 951 സ്​​കൂ​ളു​ക​ളാ​ണ്​ ജി​ല്ല​യി​ലു​ള്ള​ത്. 250ഒാ​ളം ഹ​യ​ർ സെ​ക്ക​ൻ​ഡ​റി സ്​​കൂ​ളു​ക​ളും.

ഒ​ന്ന​ര​വ​ർ​ഷ​മാ​യി അ​ട​ച്ചി​ട്ടി​രു​ന്ന സ്​​കൂ​ളു​ക​ളി​ൽ ആ​വ​ശ്യ​മാ​യ ശു​ചീ​ക​ര​ണ​ത്തി​നും അ​റ്റ​കു​റ്റ​പ്പ​ണി​ക​ൾ​ക്കു​മാ​ണ്​ ഇ​പ്പോ​ൾ കൂ​ടു​ത​ൽ പ്ര​ധാ​ന്യം ന​ൽ​കു​ന്ന​ത്. ഫി​റ്റ്​​ന​സ്​ സ​ർ​ട്ടി​ഫി​ക്ക​റ്റ്​ എ​ല്ലാ സ്​​കൂ​ളു​ക​ളും ക​ഴി​ഞ്ഞ ജൂ​ണോ​ടെ ത​ന്നെ നേ​ടി​യി​രു​ന്നു. ​ക​ല​ക്​​ട​റു​ടെ നേ​തൃ​ത്വ​ത്തി​ൽ ഫി​റ്റ്​​ന​സ്​ സം​ബ​ന്ധി​ച്ച റി​വ്യൂ​വും നേ​ര​ത്തെ പൂ​ർ​ത്തി​യാ​ക്കി​യി​രു​ന്നു.

പു​തി​യ കെ​ട്ടി​ട​ങ്ങ​ളും മ​റ്റും നി​ർ​മി​ക്കു​ന്ന സ്ഥ​ല​ങ്ങ​ളി​ൽ പ​ക​രം സം​വി​ധാ​ന​ങ്ങ​ൾ ഒ​രു​ക്കും. അ​ട​ച്ചി​ട​ൽ കാ​ല​യ​ള​വി​ൽ ന​ശി​ച്ചു​പോ​യ പൂ​ന്തോ​ട്ട​ങ്ങ​ൾ, പ​ച്ച​ക്ക​റി​ത്തോ​ട്ട​ങ്ങ​ൾ എ​ന്നി​വ വൃ​ത്തി​യാ​ക്കി എ​ടു​ക്കാ​നു​മു​ള്ള പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ന്നു​ണ്ട്. നി​കു​തി​യും ഇ​ൻ​ഷു​റ​ൻ​സു​മെ​ല്ലാം മു​ട​ങ്ങി​ക്കി​ട​ക്കു​ന്ന സ്​​കൂ​ൾ ബ​സു​ക​ൾ​ക്ക്​ വേ​ണ്ട കാ​ര്യ​ങ്ങ​ൾ ​ശ​രി​യാ​ക്കാ​നും വാ​ഹ​ന​ങ്ങ​ൾ അ​റ്റ​കു​റ്റ​പ്പ​ണി ന​ട​ത്താ​നും സ്​​കൂ​ൾ ത​ല​ത്തി​ൽ ന​ട​പ​ടി​ക​ൾ സ്വീ​ക​രി​ക്കാ​നും നി​ർ​ദേ​ശം ന​ൽ​കി​യി​ട്ടു​ണ്ട്. വി​ദ്യാ​ർ​ഥി​ക​ൾ​ക്കു​ള്ള ഭ​ക്ഷ്യ​ക്കി​റ്റ്​ ബു​ധ​നാ​ഴ്​​ച​യോ​ടെ എ​ത്തു​മെ​ന്നാ​ണ്​ പ്ര​തീ​ക്ഷി​ക്കു​ന്ന​ത്.

പി.​എ​സ്.​സി നി​യ​മ​ന​ത്തി​ൽ ത​ർ​ക്കം നി​ല​നി​ൽ​ക്കു​ന്ന ത​സ്​​തി​ക​ക​ളി​ൽ നി​യ​മ​നം ന​ട​ക്കാ​ത്ത​തി​നാ​ൽ ചി​ല​യി​ട​ങ്ങ​ളി​ൽ അ​ധ്യാ​പ​ക​ർ ഇ​ല്ലാ​ത്ത പ്ര​ശ്​​ന​മു​ണ്ട്. ബാ​ക്കി നി​യ​മ​ന ഉ​ത്ത​ര​വ്​ ല​ഭി​ച്ച അ​ധ്യാ​പ​ക​ർ ജോ​ലി​യി​ൽ പ്ര​വേ​ശി​ച്ചി​ട്ടു​ണ്ട്. സ്ഥാ​ന​ക്ക​യ​റ്റ​ത്തി​െൻറ കാ​ര്യ​ത്തി​ൽ ത​ർ​ക്ക​വും കേ​സും നി​ല​നി​ൽ​ക്കു​ന്ന​തി​നാ​ൽ ഹൈ​സ്​​കൂ​ളു​ക​ളി​ൽ ചി​ല​യി​ട​ങ്ങ​ളി​ൽ പ്ര​ഥ​മാ​ധ്യാ​പ​ക​രു​ടെ നി​യ​മ​നം ഇ​നി​യും ന​ട​ന്നി​ട്ടി​ല്ല. ഇ​വി​ട​ങ്ങ​ളി​ൽ പ​ക​രം ചു​മ​ത​ല​യു​ള്ള അ​ധ്യാ​പ​ക​രാ​ണ്​ സ്​​കൂ​ളു​ക​ളെ ന​യി​ക്കു​ന്ന​ത്.

സ​ർ​ക്കാ​ർ തീ​രു​മാ​നം വ​രു​ന്ന​ത​നു​സ​രി​ച്ച്​ സ്​​കൂ​ളു​ക​ൾ തു​റ​ക്കാ​ൻ ജി​ല്ല സ​ജ്ജ​മാ​ണെ​ന്ന്​ കൊ​ല്ലം ഡി.​ഡി.​ഇ സു​ബി​ൻ പോ​ൾ പ​റ​ഞ്ഞു.