ലൈംഗികാതിക്രമം: തമിഴ്നാട് സ്വദേശി പിടിയിൽ

കൊല്ലം: പ്രായപൂർത്തിയാകാത്ത പെൺകുട്ടിയോട് ലൈംഗികാതിക്രമം നടത്തിയെന്ന പരാതിയിൽ കന്യാകുമാരി സ്വദേശി കൊല്ലം വെസ്റ്റ് പൊലീസിന്‍റെ പിടിയിൽ. കന്യാകുമാരി കൽക്കുളം റീത്താപുരം ലിയോൺ നഗർ 59ൽ വിനോദ് (32) ആണ് പിടിയിലായത്.

വ്യാഴാഴ്ച വൈകീട്ട് ആറോടെയാണ് കേസിനാസ്പദമായ സംഭവം. പെൺകുട്ടി ട്യൂഷൻ ക്ലാസിലേക്ക് പോകുംവഴിയാണ് അതിക്രമം കാട്ടിയത്. കൊല്ലം വെസ്റ്റ് ഇൻസ്പെക്ടർ ബി. ഷെഫീക്കിന്‍റെ നേതൃത്വത്തിൽ എസ്.ഐമാരായ അനീഷ്, എം.ജി. അനിൽ, സി.പി.ഒ പ്രമോദ് എന്നിവരടങ്ങിയ സംഘമാണ് ഇയാളെ പിടികൂടിയത്.