എസ്​.​െഎ പരീക്ഷ തട്ടിപ്പ്​: വിടുതൽ ഹരജി കോടതി തള്ളി

െകാല്ലം: പി.എസ്​.സിയുടെ എസ്​.​െഎ പരീക്ഷയിലെ തട്ടിപ്പുമായി ബന്ധപ്പെട്ട കേസിൽ അഭിഭാഷക​െൻറ വിടുതൽ ഹരജി കോടതി തള്ളി. 2010 ഒക്​ടോബർ 12ന്​ നടന്ന പി.എസ്​.സി പരീക്ഷയുമായി ബന്ധപ്പെട്ട കേസിൽ ഒമ്പതാംപ്രതിയായ അഡ്വ. വെളിയം കെ.എസ്​. രാജീവ്​ സമർപ്പിച്ച ഹരജിയാണ്​ കൊല്ലം ജുഡീഷ്യൽ ഒന്നാം ക്ലാസ്​ മജിസ്​ട്രേറ്റ്​ പി. അരുൺകുമാർ തള്ളിയത്​.

കേസിലെ ഒന്നാംപ്രതിയായ പ്രകാശ്​ ലാലുമായി ബന്ധപ്പെടുകയും പരീക്ഷ സമയത്ത്​ ഇയാൾക്ക്​ നിയമ ചോദ്യങ്ങളുടെ ഉത്തരങ്ങൾ അഭിഭാഷകൻ പറഞ്ഞുകൊടുക്കുകയും ചെയ്​​െതന്നും ഏഴാംപ്രതി ഷാജു മൊബൈൽ ഫോൺ ശരീരത്തിൽ ഘടിപ്പിച്ച്​ ഇൗ ഉത്തരങ്ങൾ ശേഖരിച്ചു എന്നുമാണ്​ കേസ്​​​. പ്രതിക്കെതിരെ ശക്തമായ തെളിവുകൾ ഉണ്ടെന്നുള്ള ​വാദം കോടതി സ്വീകരിച്ചു.

16 പ്രതികളാണ്​ കേസിലുള്ളത്​. പ്രോസിക്യൂഷന്​ വേണ്ടി സ്​പെഷൽ പ്രോസിക്യൂട്ടർ പാരിപ്പള്ളി ആർ. രവീന്ദ്ര​ൻ, അഡ്വ. സുബാപിള്ള, അഡ്വ. ആർ.എസ്​. നിത്യ എന്നിവർ ഹാജരായി.