കൂട്ടുകാർക്കൊപ്പം കളിക്കവെ കാൽവഴുതി ആറാം ക്ലാസുകാരൻ സ്കൂൾ കിണറ്റിൽ വീണു

കൊല്ലം: കുന്നത്തൂർ തുരുത്തിക്കരയിൽ സ്കൂളിന്റെ കിണറ്റിൽ വീണ് ആറാംക്ലാസ് വിദ്യാർഥിക്ക് പരിക്കേറ്റു. തുരുത്തിക്കര എം.ടി.യു.പി സ്കൂളിലെ ഫെബിൻ ആണ് കുട്ടുകാർക്കൊപ്പം കളിക്കവെ കാൽതെറ്റി കിണറ്റിലേക്ക് വീണത് എന്നാണ് കരുതുന്നത്.

വ്യാഴാഴ്ച രാവിലെ ഒമ്പതരയോടെയാണ് സംഭവം. തുടർന്ന് നാട്ടുകാരും അഗ്നിരക്ഷാസേനയും ചേർന്ന് കുട്ടിയെ കിണറ്റിൽ നിന്ന് പുറത്തെടുത്തു. തലക്കും നടുവിനും സാരമായി പരിക്കേറ്റ ഫെബിനെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു.

60 അടി താഴ്ചയുള്ള കിണറിൽ വെള്ളം കുറവായിരുന്നു.