കൊല്ലത്ത് യുവതിയുടെ ദേഹത്ത്​ തിളച്ച എണ്ണ ഒഴിച്ച തട്ടുകടയുടമ റിമാൻഡിൽ

കൊ​ല്ലം: കു​ട്ടി​ക​ൾ ത​മ്മി​ലു​ള്ള പ്ര​ശ്നം ച​ർ​ച്ച ചെ​യ്യാ​നെ​ത്തി​യ യു​വ​തി​യു​ടെ ശ​രീ​ര​ത്തി​ലേ​ക്ക്​ തി​ള​ച്ച എ​ണ്ണ​ കോ​രി ഒ​ഴി​ച്ച സം​ഭ​വ​ത്തി​ൽ ത​ട്ടു​ക​ട​യു​ട​മ റി​മാ​ൻ​ഡി​ൽ. തൃ​ക്കോ​വി​ൽ​വ​ട്ടം ഡീ​സ​ന്‍റു​മു​ക്ക്​ രാ​ജ​ൻ ഭ​വ​നി​ൽ ഡേ​വി​ഡ് (51) ആ​ണ്​ റി​മാ​ൻ​ഡി​ലാ​യ​ത്.

കൊ​ല്ലം ബീ​ച്ച്​ ന​ഗ​ർ മാ​ർ​ത്താ​ണ്ഡ​പു​രം പു​ര​യി​ട​ത്തി​ൽ സ​ജി​ത (35) മു​ഖ​ത്തും കൈ​യി​ലും ഗു​രു​ത​ര പൊ​ള്ള​ലേ​റ്റ്​ ജി​ല്ല ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. കൊ​ച്ചു​ഡീ​സ​ന്‍റ്​ ജ​ങ്​​ഷ​ന്​ സ​മീ​പ​മു​ള്ള ത​ട്ടു​ക​ട​യി​ൽ ക​ഴി​ഞ്ഞ​ദി​വ​സ​മാ​ണ് സം​ഭ​വം. ഒ​രേ സ്കൂ​ളി​ൽ പ​ഠി​ക്കു​ന്ന ഇ​വ​രു​ടെ കു​ട്ടി​ക​ൾ ത​മ്മി​ലു​ണ്ടാ​യ പ്ര​ശ്നം സം​ബ​ന്ധി​ച്ച്​ ചോ​ദി​ക്കാ​ൻ ബ​ന്ധു​ക്ക​ൾ​ക്കൊ​പ്പ​മാ​ണ്​ സ​ജി​ത എ​ത്തി​യ​ത്.

സം​സാ​രി​ക്കു​ന്ന​തി​നി​ട​യി​ൽ വാ​ക്കു​ത​ർ​ക്ക​മു​ണ്ടാ​കു​ക​യും പ​ല​ഹാ​രം ഉ​ണ്ടാ​ക്കി​ക്കൊ​ണ്ടി​രു​ന്ന തി​ള​ച്ച എ​ണ്ണ ഡേ​വി​ഡ്​ ശ​രീ​ര​ത്തി​ലേ​ക്ക്​ ഒ​ഴി​ക്കു​ക​യു​മാ​യി​രു​ന്നെ​ന്ന്​ യു​വ​തി പൊ​ലീ​സി​ന്​ ന​ൽ​കി​യ പ​രാ​തി​യി​ൽ പ​റ​യു​ന്നു. ഒ​പ്പ​മു​ണ്ടാ​യി​രു​ന്ന ബ​ന്ധു സു​ജി​ത​യെ​യും മ​ർ​ദി​ച്ച​താ​യി ആ​രോ​പ​ണ​മു​ണ്ട്. പ​രാ​തി​യു​ടെ അ​ടി​സ്ഥാ​ന​ത്തി​ൽ കി​ളി​കൊ​ല്ലൂ​ർ പൊ​ലീ​സാ​ണ്​ പ്ര​തി​യെ അ​റ​സ്റ്റ്​ ചെ​യ്ത്​ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ്​ ചെ​യ്ത​ത്.