കുന്നിക്കോട്ട്​ ആരാധനാലയങ്ങളിൽ മോഷണം തുടര്‍ക്കഥ

കു​ന്നി​ക്കോ​ട്: മേ​ഖ​ല​യി​ലെ ആ​രാ​ധ​നാ​ല​യ​ങ്ങ​ൾ കേ​ന്ദ്രീ​ക​രി​ച്ച് മോ​ഷ​ണം പ​തി​വാ​കു​ന്നു. പ​രാ​തി​ക​ള്‍ തു​ട​ര്‍ച്ച​യാ​യി ഉ​യ​രു​മ്പോ​ഴും അ​ന്വേ​ഷ​ണം ന​ട​ത്താ​തെ പൊ​ലീ​സ്. ക​ഴി​ഞ്ഞ രാ​ത്രി ച​ക്കു​വ​ര​യ്ക്ക​ൽ ഇ​ണ്ടി​ള​യ​പ്പ​ൻ ക്ഷേ​ത്ര​ത്തി​ൽ മാ​ര​ക​യു​ധ​വു​മാ​യി മോ​ഷ്ടാ​വ് അ​ക​ത്തു ക​യ​റി​യ​താ​ണ് അ​വ​സാ​ന​ത്തെ സം​ഭ​വം. അ​ർ​ധ​രാ​ത്രി​യി​ൽ കൈ​യി​ൽ ക​മ്പി​വ​ടി​യു​മാ​യി മോ​ഷ്ടാ​വ് അ​ക​ത്തു ക​ട​ക്കു​ന്ന ദൃ​ശ്യ​ങ്ങ​ള്‍ സി.​സി ടി.​വി കാ​മ​റ​യി​ല്‍ നി​ന്നും ല​ഭി​ച്ചി​ട്ടു​ണ്ട്. മു​ഖം മൂ​ടി ധ​രി​ച്ചെ​ത്തി​യ മോ​ഷ്ടാ​വ് കാ​മ​റ​ക​ളു​ടെ ദി​ശ മാ​റ്റി​വ​ച്ച​തി​ന് ശേ​ഷം ഓ​ഫി​സി​ന്റെ പൂ​ട്ട് ത​ക​ർ​ത്തു. ക​ഴി​ഞ്ഞ ദി​വ​സം മാ​ക്ക​ന്നൂ​ർ ശ്രീ ​സു​ബ്ര​ഹ്മ​ണ്യ ഷേ​ത്ര​ത്തി​ലും, സ​മീ​പ​ത്തെ കു​രി​ശ​ടി​യി​ലും സ​മാ​ന​മാ​യ രീ​തി​യി​ല്‍ മോ​ഷ​ണം ശ്ര​മം ഉ​ണ്ടാ​യി. ഒ​രു മാ​സ​ത്തി​നി​ടെ കി​ഴ​ക്ക​ന്‍ മേ​ഖ​ല​യി​ല്‍ നി​ര​വ​ധി മോ​ഷ​ണ​ങ്ങ​ളും പ​ത്തോ​ളം മോ​ഷ​ണ​ശ്ര​മ​ങ്ങ​ളു​മാ​ണ് ന​ട​ന്നി​രി​ക്കു​ന്ന​ത്.

ഒ​ന്നി​ലും പ്ര​തി​ക​ളെ പി​ടി​കൂ​ടാ​ന്‍ പോ​ലീ​സി​ന് ക​ഴി​യാ​ത്ത​ത് പ്ര​ദേ​ശ​വാ​സി​ക​ളി​ല്‍ പ്ര​തി​ഷേ​ധ​ത്തി​ന് കാ​ര​ണ​മാ​കു​ന്നു​ണ്ട്. മോ​ഷ​ണ​മു​ള്‍പ്പെ​ടെ സാ​മൂ​ഹി​ക വി​രു​ദ്ധ പ്ര​വ​ര്‍ത്ത​ന​ങ്ങ​ള്‍ തു​ട​ര്‍ക്ക​ഥ​യാ​യി​ട്ടും പ​ട്രോ​ളി​ങ് ന​ട​ത്താ​ന്‍ പോ​ലും അ​ധി​കൃ​ത​ര്‍ ത​യാ​റാ​കാ​ത്ത​തും പ്ര​തി​ഷേ​ധ​ങ്ങ​ള്‍ക്ക് ഇ​ട​യാ​കു​ന്നു​ണ്ട്. പ​രി​ശോ​ധ​ന​ക​ള്‍ എ​ല്ലാം ഡോ​ഗ് സ്ക്വാ​ഡി​ന്റെ​യും വി​ര​ല​ട​യാ​ള വി​ദ​ഗ്ധ​രു​ടെ​യും തെ​ളി​വെ​ടു​പ്പോ​ടെ അ​വ​സാ​നി​ക്കു​ക​യാ​ണ് പ​തി​വ്.