കുന്നത്തൂർ നെടിയവിള ജങ്ഷനിൽ ഓടയുണ്ട്​; മൂടിയില്ല

ഒരാളുടെ ജീവൻ പൊലിഞ്ഞിട്ടും അധികൃതർക്ക് നിസ്സംഗത

ശാ​സ്താം​കോ​ട്ട: കു​ന്ന​ത്തൂ​ർ നെ​ടി​യ​വി​ള ക്ഷേ​ത്രം ജ​ങ്ഷ​നി​ൽ​നി​ന്നും പു​ത്ത​ന​മ്പ​ലം-​ക​ട​മ്പ​നാ​ട് ഭാ​ഗ​ത്തേ​ക്കു​ള്ള റോ​ഡി​ന്റ തു​ട​ക്ക​ഭാ​ഗ​ത്തെ ഓ​ട അ​പ​ക​ട ഭീ​ഷ​ണി​യാ​കു​ന്നു.

ഓ​ട​ക്ക്​ മൂ​ടി ഇ​ല്ലാ​ത്ത​താ​ണ് പ്ര​ശ്നം. പ​ഞ്ചാ​യ​ത്ത് ഓ​ഫി​സ്, വി​ല്ലേ​ജ് ഓ​ഫി​സ്, ഹോ​മി​യോ ആ​ശു​പ​ത്രി ഉ​ൾ​പ്പെ​ടെ നി​ര​വ​ധി സ​ർ​ക്കാ​ർ സ്ഥാ​പ​ന​ങ്ങ​ൾ പ്ര​വ​ർ​ത്തി​ക്കു​ന്ന തി​ര​ക്കേ​റി​യ ജ​ങ്​​ഷ​നാ​ണി​ത്.

പു​ത്ത​ന​മ്പ​ലം ഭാ​ഗ​ത്തേ​ക്ക് യാ​ത്ര​ക്കാ​ർ ബ​സ് കാ​ത്തു നി​ൽ​ക്കു​ന്ന​തും ഈ ​ഓ​ട​ക്ക്​ പി​ന്നി​ലാ​യാ​ണ്. ഗ​താ​ഗ​ത സൗ​ക​ര്യം കു​റ​വാ​യ ഇ​വി​ടേ​ക്ക് പ​ല സ​മ​യ​ങ്ങ​ളി​ലാ​യി സ്ത്രീ​ക​ളും വി​ദ്യാ​ർ​ഥി​ക​ളും ഉ​ൾ​പ്പെ​ടെ നൂ​റു​ക​ണ​ക്കി​ന് യാ​ത്ര​ക്കാ​രാ​ണ് ബ​സ് കാ​ത്തു​നി​ൽ​ക്കു​ന്ന​ത്. ബ​സ് എ​ത്തു​മ്പോ​ൾ ക​യ​റാ​നാ​യി എ​ത്തു​ന്ന യാ​ത്ര​ക്കാ​ർ ഓ​ട​യി​ൽ വീ​ണ് പ​രി​ക്കേ​ൽ​ക്കു​ന്ന​ത് പ​തി​വാ​ണ്.

കാ​ൽ ഒ​ടി​യു​ന്ന​ത​ട​ക്കം ഗു​രു​ത​ര പ​രി​ക്കു​ക​ൾ സം​ഭ​വി​ച്ച​വ​രും നി​ര​വ​ധി​യാ​ണ്. ഓ​ട​ക്ക്​ സ​മീ​പ​മു​ള്ള ക​ട​ക​ളി​ലേ​ക്ക് ക​യ​റാ​ൻ അ​വ​ർ​ത​ന്നെ സ്ലാ​ബു​ക​ൾ സ്ഥാ​പി​ച്ചി​ട്ടു​ണ്ടെ​ങ്കി​ലും ഇ​തും ഫ​ല​പ്ര​ദ​മ​ല്ല. ഇ​രു​ച​ക്ര-​സൈ​ക്കി​ൾ യാ​ത്ര​ക്കാ​രും അ​പ​ക​ട​ത്തി​ൽ​പ്പെ​ടു​ന്നു. മ​ഴ​ക്കാ​ല​ത്ത് ഓ​ട നി​റ​ഞ്ഞൊ​ഴു​കു​ന്ന​തി​നാ​ൽ പാ​ത​യോ​ര​ത്ത് നി​ൽ​ക്കാ​നും ക​ഴി​യി​ല്ല.

രാ​ത്രി​യാ​യാ​ൽ ജ​ങ്​​ഷ​നി​ലെ ഹൈ​മാ​സ്റ്റ് ലൈ​റ്റ് ക​ത്താ​ത്ത​തും ഓ​ട​യി​ൽ ആ​ളു​ക​ൾ വീ​ഴാ​ൻ കാ​ര​ണ​മാ​കു​ന്നു. ഏ​താ​നും ആ​ഴ്ച​ക​ൾ​ക്ക് മു​മ്പ് കു​ന്ന​ത്തൂ​ർ സ്വ​ദേ​ശി​യാ​യ അ​നി​ൽ​കു​മാ​ർ (49) ഓ​ട​യി​ൽ വീ​ണ് മ​രി​ച്ചി​രു​ന്നു. രാ​ത്രി​യി​ൽ ഓ​ട​ക്ക്​ സ​മീ​പ​മി​രു​ന്ന സ്കൂ​ട്ട​റി​ൽ ക​യ​റ​വേ കാ​ൽ തെ​റ്റി ഓ​ട​യി​ലേ​ക്ക് വീ​ഴു​ക​യാ​യി​രു​ന്നു.

ഓ​ട​യി​ൽ കു​ടു​ങ്ങി​യ അ​നി​ൽ കു​മാ​റി​നെ പു​റ​ത്തെ​ടു​ത്ത് ആ​ശു​പ​ത്രി​യി​ലെ​ത്തി​ക്കാ​ൻ നാ​ട്ടു​കാ​ർ ഏ​റെ പ്ര​യാ​സ​പ്പെ​ട്ടി​രു​ന്നു. ഓ​ട​യി​ൽ വീ​ണ് ഒ​രാ​ളു​ടെ ജീ​വ​ൻ പൊ​ലി​ഞ്ഞി​ട്ടും കോ​ൺ​ക്രീ​റ്റ് സ്ലാ​ബു​ക​ൾ സ്ഥാ​പി​ക്കാ​ൻ പൊ​തു​മ​രാ​മ​ത്ത് വ​കു​പ്പ് അ​ധി​കൃ​ത​ർ ത​യാ​റാ​യി​ട്ടി​ല്ല.

കൊ​ട്ടാ​ര​ക്ക​ര-​ശാ​സ്താം​കോ​ട്ട, പു​ത്ത​ന​മ്പ​ലം-​ക​ട​മ്പ​നാ​ട് റോ​ഡു​ക​ളി​ലാ​യാ​ണ് ഓ​ട ക​ട​ന്നു​പോ​കു​ന്ന​ത്. ഇ​രു പാ​ത​ക​ളും പൊ​തു​മ​രാ​മ​ത്ത് വ​കു​പ്പി​ന്റെ നി​യ​ന്ത്ര​ണ​ത്തി​ലു​ള്ള​താ​ണ്. വ​ർ​ഷ​ങ്ങ​ളാ​യി കോ​വൂ​ർ കു​ഞ്ഞു​മോ​ൻ എം.​എ​ൽ.​എ​ക്ക്​ നി​വേ​ദ​നം ന​ൽ​കി​യി​ട്ടും നേ​രി​ട്ട് ബോ​ധ്യ​പ്പെ​ടു​ത്തി​യി​ട്ടും അ​ദ്ദേ​ഹം നി​സ്സം​ഗ​ത തു​ട​രു​ക​യാ​ണെ​ന്ന് നാ​ട്ടു​കാ​ർ പ​രാ​തി​പ്പെ​ടു​ന്നു. പ​ഞ്ചാ​യ​ത്ത് ഓ​ഫി​സി​ന്റെ തൊ​ട്ടു മു​ന്നി​ലാ​ണി​ത്.

എ​ന്നി​ട്ടും അ​വ​രും ന​ട​പ​ടി​യെ​ടു​ക്കാ​ൻ ത​യാ​റാ​കു​ന്നി​ല്ല. അ​ടി​യ​ന്ത​ര​മാ​യി ഓ​ട​ക്ക്​ മൂ​ടി സ്ഥാ​പി​ക്കാ​ൻ അ​ധി​കൃ​ത​ർ ന​ട​പ​ടി സ്വീ​ക​രി​ക്ക​ണ​മെ​ന്നും ഇ​നി​യൊ​രു ജീ​വ​ൻ പോ​ലും പൊ​ലി​യാ​ൻ ഇ​ട​വ​രു​ത്ത​രു​തെ​ന്നും യൂ​ത്ത് കോ​ൺ​ഗ്ര​സ് കു​ന്ന​ത്തൂ​ർ മ​ണ്ഡ​ലം ക​മ്മി​റ്റി ആ​വ​ശ്യ​പ്പെ​ട്ടു.