പീരങ്കി മൈതാനത്തെ നിലനിർത്താൻ ഒറ്റക്കെട്ടായി...

കൊ​ല്ലം: നൂ​റ്റാ​ണ്ട് പ​ഴ​ക്ക​മു​ള്ള ച​രി​ത്ര​ത്തി​ന്‍റെ ശേ​ഷി​പ്പാ​യ കൊ​ല്ലം പീ​ര​ങ്കി മൈ​താ​ന​ത്തി​ന്‍റെ നി​ല​നി​ൽ​പ്പി​ന് രാ​ഷ്ട്രീ​യ ഭേ​ദ​മ​ന്യേ നേ​താ​ക്ക​ളും പ്ര​വ​ർ​ത്ത​ക​രും രം​ഗ​ത്ത്. ച​രി​ത്ര പോ​രാ​ട്ട​ങ്ങ​ളു​ടെ​യും ന​വോ​ത്ഥാ​ന മു​ന്നേ​റ്റ​ങ്ങ​ളു​ടെ​യും കേ​ന്ദ്ര​മാ​യി​രു​ന്ന മൈ​താ​ന​ത്തെ കോ​ൺ​ക്രീ​റ്റ് കൂ​ടാ​ര​മാ​ക്കു​ന്ന​തി​നെ​തി​രെ സി.​പി.​എ​മ്മും സി.​പി.​ഐ​യും രം​ഗ​ത്തെ​ത്തി​യ​തി​നു​പി​ന്നാ​ലെ കോ​ൺ​ഗ്ര​സ്, ആ​ർ.​എ​സ്.​പി അ​ട​ക്കം പ്ര​തി​പ​ക്ഷ പാ​ർ​ട്ടി​ക​ളി​ലെ നേ​താ​ക്ക​ളും രം​ഗ​ത്തെ​ത്തി.

മൈ​താ​ന​ത്ത് ക​ല​ക്ട​റേ​റ്റ് അ​ന​ക്സ് നി​ർ​മി​ക്കാ​നു​ള്ള തീ​രു​മാ​നം രാ​ഷ്ട്രീ​യ നേ​തൃ​ത്വ​ത്തി​ന്‍റെ അ​റി​വോ​ടെ​യ​ല്ലെ​ന്ന് ഇ​ട​തു നേ​താ​ക്ക​ൾ വ്യ​ക്ത​മാ​ക്കി​യി​രു​ന്നു. മു​മ്പ് ത​ത്വ​ത്തി​ൽ ന​ൽ​കി​യ അ​നു​മ​തി റ​ദ്ദാ​ക്ക​ണ​മെ​ന്നാ​ണ് എ​ൽ.​ഡി.​എ​ഫി​ൽ ആ​വ​ശ്യം. പീ​ര​ങ്കി മൈ​താ​ന​ത്തി​ന്‍റെ പൈ​തൃ​കം കാ​ത്തു​സൂ​ക്ഷി​ക്ക​ണ​മെ​ന്നാ​ണ് ജി​ല്ല കോ​ൺ​ഗ്ര​സ് അ​ധ്യ​ക്ഷ​ൻ ആ​വ​ശ്യ​പ്പെ​ടു​ന്ന​ത്. നി​ർ​മാ​ണ പ്ര​വ​ർ​ത്ത​നം തു​ട​ങ്ങി​യാ​ൽ ജ​ന​കീ​യ സ​മ​ര​വു​മാ​യി മു​ന്നി​ട്ട​റ​ങ്ങു​മെ​ന്ന് ആ​ർ.​വൈ.​എ​ഫ് അ​ട​ക്കം യു​വ​ജ​ന​സം​ഘ​ട​ന​ക​ളും മു​ന്ന​റി​യി​പ്പ് ന​ൽ​കി.

ക​ല​ക്ട​റേ​റ്റ് അ​ന​ക്സ് നി​ർ​മാ​ണം പീ​ര​ങ്കി മൈ​താ​നം നി​ർ​ദേ​ശി​ച്ച​ത് ആ​രാ​ണെ​ന്ന കാ​ര്യ​ത്തി​ൽ വ്യ​ക്ത​യി​ല്ല. 2016-17 ലെ ​ബ​ജ​റ്റി​ൽ കൊ​ല്ല​ത്ത് റ​വ​ന്യൂ ട​വ​ർ അ​നു​വ​ദി​ച്ചി​രു​ന്നു. ര​ണ്ട് വ​ർ​ഷം മു​മ്പാ​ണ് പീ​ര​ങ്കി മൈ​താ​ന​ത്ത് ട​വ​ർ സ്ഥാ​പി​ക്ക​ണ​മെ​ന്ന നി​ർ​ദേ​ശം ക​ല​ക്ട​റേ​റ്റി​ൽ നി​ന്ന് പോ​യ​ത്. അ​തി​ന്‍റെ അ​ടി​സ്ഥാ​ന​ത്തി​ൽ പ​ദ്ധ​തി​ക്ക് ത​ത്വ​ത്തി​ൽ ഭ​ര​ണാ​നു​മ​തി ന​ൽ​കി​യി​രു​ന്നു. അ​ടു​ത്തി​ടെ പ​ദ്ധ​തി​ക്ക് ഭ​ര​ണാ​നു​മ​തി ല​ഭി​ക്കാ​നു​ള്ള ന​ട​പ​ടി​ക​ൾ​ക്കാ​യി എ​സ്റ്റി​മേ​റ്റും രൂ​പ​രേ​ഖ​യും ത​യാ​റാ​ക്കാ​നാ​യി ഹൗ​സി​ങ് ബോ​ർ​ഡു​മാ​യി കൂ​ടി​യാ​ലോ​ച​ന ന​ട​ത്തി​യ​പ്പോ​ഴാ​ണ് നി​ർ​മാ​ണ​വി​വ​രം പു​റ​ത്താ​യ​ത്.

പീ​ര​ങ്കി മൈ​താ​ന​ത്തി​ന്‍റെ പൈ​തൃ​കം കാ​ത്തു​സൂ​ക്ഷി​ക്ക​ണം –പി. ​രാ​ജേ​ന്ദ്ര​പ്ര​സാ​ദ്

കൊ​ല്ലം: പീ​ര​ങ്കി മൈ​താ​ന​ത്ത് റ​വ​ന്യൂ കോം​പ്ല​ക്സ്​ സ്​​ഥാ​പി​ക്കാ​നു​ള്ള തീ​രു​മാ​നം പി​ൻ​വ​ലി​ക്ക​ണ​മെ​ന്ന് ഡി.​സി.​സി പ്ര​സി​ഡ​ന്‍റ് പി. ​രാ​ജേ​ന്ദ്ര​പ്ര​സാ​ദ് ആ​വ​ശ്യ​പ്പെ​ട്ടു. സാ​മൂ​ഹി​ക, സാം​സ്​​കാ​രി​ക, വ്യാ​പാ​ര, കാ​ർ​ഷി​ക പ്ര​ദ​ർ​ശ​ന​ങ്ങ​ൾ ന​ട​ത്തു​വാ​നും പൊ​തു​ജ​ന​ങ്ങ​ൾ​ക്ക് ഒ​ത്തു​ചേ​രാ​നും പ​ട്ട​ണ​ത്തി​ൽ ഉ​പ​യോ​ഗ​പ്പെ​ടു​ത്തേ​ണ്ടു​ന്ന സ്​​ഥ​ലം കോ​ൺ​ക്രീ​റ്റ് കെ​ട്ടി​ട​ങ്ങ​ൾ കൊ​ണ്ട് നി​റ​യ്ക്കു​ന്ന​ത് ശ​രി​യ​ല്ലെ​ന്നും ഒ​ട്ട​ന​വ​ധി സ​മ​ര മു​ഹൂ​ർ​ത്ത​ങ്ങ​ൾ​ക്ക് സാ​ക്ഷി​യാ​യ മൈ​താ​ന​ത്തി​ന്‍റെ പൈ​തൃ​കം നി​ല​നി​ർ​ത്താ​ൻ എ​ല്ലാ​വ​രും ഒ​രു​മി​ക്ക​ണ​മെ​ന്നും അ​ദ്ദേ​ഹം പ​റ​ഞ്ഞു.

പീ​ര​ങ്കി മൈ​താ​നം ത​നി​മ നി​ല​നി​ർ​ത്തി സം​ര​ക്ഷി​ക്ക​ണം –ആ​ർ.​എ​സ്.​പി

കൊ​ല്ലം: സ്വാ​ത​ന്ത്ര​സ​മ​ര​വു​മാ​യി ബ​ന്ധ​പ്പെ​ട്ട്​ കൊ​ല്ല​ത്ത് അ​വ​ശേ​ഷി​ക്കു​ന്ന പീ​ര​ങ്കി മൈ​താ​ന​ത്ത് റ​വ​ന്യൂ ട​വ​ർ പ​ണി​യാ​ൻ ശ്ര​മി​ക്കു​ന്ന​ത് ഗു​രു​ത​ര​മാ​യ വീ​ഴ്ച​യാ​ണെ​ന്ന് ആ​ർ.​എ​സ്.​പി ജി​ല്ല സെ​ക്ര​ട്ട​റി കെ.​എ​സ്. വേ​ണു​ഗോ​പാ​ൽ. ജി​ല്ല ക​മ്മി​റ്റി​യു​ടെ അ​ഭി​മു​ഖ്യ​ത്തി​ൽ പ്ര​ത്യ​ക്ഷ സ​മ​രം ആ​രം​ഭി​ക്കു​ന്ന​തി​ന് തി​രു​മാ​നി​ച്ചി​ട്ടു​ണ്ട്. റ​വ​ന്യൂ വ​കു​പ്പും മ​ന്ത്രി​യും തി​രു​മാ​ന​ത്തി​ൽ​നി​ന്ന് പി​ന്മാ​റ​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

ച​രി​ത്ര​ത്തി​ന് മു​ക​ളി​ൽ കോ​ൺ​ക്രീ​റ്റ് നി​ർ​മി​തി​ക​ൾ ഉ​യ​ർ​ത്ത​രു​ത് –ആ​ർ.​വൈ.​എ​ഫ്

കൊ​ല്ലം: ച​രി​ത്ര പ്രാ​ധാ​ന്യ​മു​ള്ള പീ​ര​ങ്കി മൈ​താ​ന​ത്ത് കോ​ൺ​ക്രീ​റ്റ് കെ​ട്ടി​ട​ങ്ങ​ൾ നി​ർ​മി​ക്കു​വാ​നു​ള്ള ശ്ര​മം ഉ​പേ​ക്ഷി​ക്ക​ണ​മെ​ന്ന് ആ​ർ.​വൈ.​എ​ഫ്. കൊ​ല്ല​ത്തി​ന്‍റെ ച​രി​ത്ര പാ​ര​മ്പ​ര്യ​ത്തെ സം​ര​ക്ഷി​ക്കാ​ൻ നി​ർ​മാ​ണ പ്ര​വൃ​ത്തി​ക​ള്‍ ഒ​ഴി​വാ​ക്കി പീ​ര​ങ്കി മൈ​താ​നം ച​രി​ത്ര പ്രാ​ധാ​ന്യ​ത്തോ​ടെ കൂ​ടി ത​ന്നെ വി​നോ​ദ​ത്തി​നും കാ​യി​ക പ്ര​വ​ർ​ത്ത​ന​ങ്ങ​ൾ​ക്കും വേ​ണ്ടി സം​ര​ക്ഷി​ക്ക​ണ​മെ​ന്നും ജി​ല്ല പ്ര​സി​ഡ​ന്‍റ് എ​സ്. ലാ​ലു​വും സെ​ക്ര​ട്ട​റി സു​ഭാ​ഷ് എ​സ്. ക​ല്ല​ട​യും ആ​വ​ശ്യ​പ്പെ​ട്ടു.

ഏ​കാം​ഗ ഉ​പ​വാ​സം ന​ട​ത്തി

കൊ​ല്ലം: പീ​ര​ങ്കി മൈ​താ​നം സം​ര​ക്ഷി​ക്ക​ണ​മെ​ന്നാ​വ​ശ്യ​പ്പെ​ട്ട്‌ പ്രൊ​ട്ട​ക്ഷ​ൻ കൗ​ൺ​സി​ൽ ഓ​ഫ് കേ​ര​ള​യു​ടെ ആ​ഭി​മു​ഖ്യ​ത്തി​ൽ ചി​ന്താ​ദി​ന​ത്തി​ൽ ഉ​പ​വാ​സം ന​ട​ത്തി. മൈ​താ​ന​ത്ത് സം​സ്ഥാ​ന പ്ര​സി​ഡ​ന്‍റ് കെ.​പി. ഹ​രി​കൃ​ഷ്ണ​ൻ ഉ​പ​വാ​സം അ​നു​ഷ്ഠി​ച്ചു.

ഡി.​സി.​സി പ്ര​സി​ഡ​ന്‍റ് പി. ​രാ​ജേ​ന്ദ്ര​പ്ര​സാ​ദ്, എ​ൽ.​ജെ.​ഡി വ​ർ​ക്കി​ങ് പ്ര​സ​ഡ​ന്‍റ് തൊ​ടി​യി​ൽ ലു​ക്മാ​ൻ, വീ​നീ​ത് കു​മാ​ർ, സു​നി​ൽ വ​ർ​ക്ക​ല, ശി​ൽ​പി ഗു​രു പ്ര​സാ​ദ്, വി​നോ​ദ് കൊ​ല്ലം, അ​ർ. ര​ഞ്ജി​ത്ത്, മ​ണ്ണ​യം നൗ​ഷാ​ദ്, വി​പി​ന​ച​ന്ദ്ര​ൻ എ​ന്നി​വ​ർ നേ​തൃ​ത്വം ന​ൽ​കി.

പോ​രാ​ട്ട​ക​ഥ​ക​ൾ പ​റ​യു​ന്ന മൈ​താ​നം സം​ര​ക്ഷി​ക്ക​പ്പെ​ട​ണം

കൊ​ല്ലം: പോ​രാ​ട്ട ക​ഥ​ക​ളു​ടെ ഇ​ര​മ്പം ഉ​ണ​ർ​ത്തു​ന്ന പീ​ര​ങ്കി മൈ​താ​നം സം​ര​ക്ഷി​ക്ക​പ്പെ​ടേ​ണ്ട​ത് ച​രി​ത്ര​ബോ​ധ​മു​ള്ള മ​ല​യാ​ളി​ക​ളു​ടെ ആ​വ​ശ്യ​മാ​ണെ​ന്ന് യു​വ​ക​ലാ​സാ​ഹി​തി. സ്വാ​ത​ന്ത്ര്യ​സ​മ​രം ജ്വ​ലി​ച്ചു​നി​ന്ന​പ്പോ​ൾ ബ്രി​ട്ടീ​ഷ് പ​ട്ടാ​ളം വെ​ടി​വെ​ച്ചി​ട്ട ധീ​ര​ദേ​ശാ​ഭി​മാ​നി​ക​ളാ​യ ര​ക്ത​സാ​ക്ഷി​ക​ളു​ടെ മ​ണ്ണാ​ണ് പീ​ര​ങ്കി മൈ​താ​നം.

ക​ല്ലു​മാ​ല പൊ​ട്ടി​ച്ചെ​റി​ഞ്ഞ് ദ​ലി​ത് സ്ത്രീ​ക​ൾ സാ​മൂ​ഹ്യ​മു​ന്നേ​റ്റ​ത്തി​ന്‍റെ പാ​ത​യി​ലേ​യ്ക്ക് കു​തി​ച്ചു​ക​യ​റി​യ മ​ണ്ണ് കൊ​ല്ലം പ​ട്ട​ണ​ത്തി​ൽ അ​വ​ശേ​ഷി​ക്കു​ന്ന പൊ​തു​ഇ​ടം കൂ​ടി​യാ​ണ്. വി​ക​സ​ന​ത്തി​ന്‍റെ പേ​രി​ൽ ച​രി​ത്ര​സ​ത്യ​ത്തെ​യും പ​രി​സ്ഥി​തി സ​ന്തു​ലി​താ​വ​സ്ഥ​യെ​യും ത​ക​ർ​ത്തു​കൊ​ണ്ട് കോ​ൺ​ക്രീ​റ്റ് കൂ​ടാ​രം നി​ർ​മി​ക്കു​ന്ന​ത് വ​രും​ത​ല​മു​റ​യോ​ടു​ള്ള വെ​ല്ലു​വി​ളി​യാ​ണെ​ന്നും തീ​രു​മാ​ന​ത്തി​ൽ​നി​ന്ന് അ​ധി​കാ​രി​ക​ൾ പി​ന്മാ​റ​ണ​മെ​ന്നും ജി​ല്ല പ്ര​സി​ഡ​ന്‍റ് പ്ര​ഫ.​എ​സ്. അ​ജ​യ​നും സെ​ക്ര​ട്ട​റി ബാ​ബു പാ​ക്ക​നാ​രും ആ​വ​ശ്യ​പ്പെ​ട്ടു.