വെർച്വൽ അറസ്റ്റ് തട്ടിപ്പ്​; മൂന്നുപേരിൽനിന്ന്​ മൂന്ന്​ കോടിയോളം രൂപ തട്ടിയെടുത്തു

കൊ​ല്ലം: കൊ​ല്ലം സി​റ്റി പൊ​ലീ​സ്​ പ​രി​ധി​യി​ൽ സൈ​ബ​ർ ത​ട്ടി​പ്പി​ലൂ​ടെ മൂ​ന്ന് പേരിൽ നി​ന്ന്​ മൂ​ന്ന് കോ​ടി​യോ​ളം രൂ​പ ത​ട്ടി​യെ​ടു​ത്തു. കൊ​ട്ടി​യം, കൊ​ല്ലം വെ​സ്റ്റ്, അ​ഞ്ചാ​ലും​മൂ​ട് എ​ന്നി​വി​ട​ങ്ങ​ളി​ലാണ് ആൾക്കാരെ ക​ബ​ളി​പ്പി​ച്ച് പ​ണം ത​ട്ടി​യെ​ടു​ത്ത​ത്.

ത​നി​ച്ച് താ​മ​സി​ക്കു​ന്ന കൊ​ട്ടി​യം സ്വ​ദേ​ശി​യാ​യ 62 വ​യ​സ്സു​കാ​രി​യെ മും​ബൈ സൈ​ബ​ർ പൊ​ലീ​സി​ൽ​നി​ന്നെ​ന്ന പേ​രി​ൽ വാ​ട്സ്​​ആ​പ് കാ​ൾ ചെയ്തു. അ​വ​രു​ടെ പേ​രി​ൽ കി​ട്ടി​യ പാ​ർ​സ​ലി​ൽ മ​യ​ക്കു​മ​രു​ന്നാ​യ എം.​ഡി.​എം.​എ ഉ​ണ്ടെ​ന്നും കേ​സ്​ ര​ജി​സ്റ്റ​ർ ചെ​യ്തി​ട്ടു​ണ്ടെ​ന്നും അതിനാൽ വെ​ർ​ച്വ​ൽ അ​റ​സ്റ്റിലാണെന്ന് ​പ​റ​ഞ്ഞ് ഭീ​ഷ​ണി​പ്പെ​ടു​ത്തി.

ഇവരുടെ ബ​ന്ധുവാണ് ഇ​ക്കാ​ര്യം പൊ​ലീ​സി​ൽ അ​റി​യിച്ചത്. പൊ​ലീ​സ്​ എ​ത്തിയാണ് ഇ​വ​രെ ര​ക്ഷ​പ്പെ​ടു​ത്തിയത്. അ​പ്പോ​ഴേ​ക്കും 92 ല​ക്ഷ​ത്തോ​ളം രൂ​പ ന​ഷ്ട​മാ​യി​രു​ന്നു. സ​മാ​ന​മാ​യ അ​നു​ഭ​വ​മാ​ണ് കൊ​ല്ലം വെ​സ്റ്റ് സ്വ​ദേ​ശി​യാ​യ 72 വ​യ​സ്സു​ള്ള വ​യോ​ധി​ക​ന്‍റെ ഭാ​ര്യ​ക്കും സം​ഭ​വി​ച്ച​ത്.

വി​വി​ധ ബാ​ങ്ക് അ​ക്കൗ​ണ്ടു​ക​ളി​ൽ​നി​ന്ന്​ ഇ​വ​രു​ടെ ഒ​രു​കോ​ടി അ​ഞ്ചു​ല​ക്ഷ​ത്തോ​ളം രൂ​പ​യാ​ണ് ത​ട്ടി​യെ​ടു​ത്ത​ത്. ഓ​ൺ​ലൈ​ൻ ട്രേ​ഡി​ങ്ങി​ലൂ​ടെ വ​ൻ ലാ​ഭ​മു​ണ്ടാ​ക്കാ​മെ​ന്ന് വി​ശ്വ​സി​പ്പി​ച്ചാ​ണ് അ​ഞ്ചാ​ലും​മൂ​ട് സ്വ​ദേ​ശി​യി​ൽ​നി​ന്ന്​ സം​ഘം പ​ണം ത​ട്ടി​യെ​ടു​ത്ത​ത്. അദ്ദേ​ഹ​ത്തി​ന്‍റെ വി​വി​ധ ബാ​ങ്ക് അ​ക്കൗ​ണ്ടു​ക​ളി​ൽ നി​ന്ന്​ ഒ​രു​കോ​ടി​യോ​ളം രൂ​പ​യാ​ണ്​ ക​ബ​ളി​പ്പി​ച്ച​ത്.