വോ​െട്ടടുപ്പ്​ പൂര്‍ത്തിയായി; ഇനി കാത്തിരിപ്പിന്‍റെ നാളുകൾ

കൊ​ല്ലം: ലോ​ക്‌​സ​ഭ മ​ണ്ഡ​ല​ത്തി​ലെ വോ​ട്ടെ​ടു​പ്പ് ന​ട​പ​ടി​ക്ര​മ​ങ്ങ​ള്‍ പൂ​ര്‍ത്തി​യാ​യ​താ​യി വ​ര​ണാ​ധി​കാ​രി​യാ​യ ക​ല​ക്ട​ര്‍ എ​ന്‍. ദേ​വി​ദാ​സ് അ​റി​യി​ച്ചു. ഫ​ല​പ്ര​ഖ്യാ​പ​ന ദി​നം​വ​രെ വോ​ട്ട്​ രേ​ഖ​പ്പെ​ടു​ത്തി​യ യ​ന്ത്ര​ങ്ങ​ളെ​ല്ലാം സു​ര​ക്ഷി​ത​മാ​യി​രി​ക്കു​മെ​ന്നും വ്യ​ക്ത​മാ​ക്കി.

സെ​ന്റ് അ​ലോ​ഷ്യ​സ് സ്‌​കൂ​ളി​ല്‍ യ​ന്ത്ര​ങ്ങ​ളെ​ല്ലാം സ്‌​ട്രോ​ങ്​ റൂ​മു​ക​ളി​ലേ​ക്ക് മാ​റ്റി സീ​ല്‍ ചെ​യ്ത ശേ​ഷ​മാ​ണ് അ​റി​യി​പ്പ്. ഏ​ഴ്​ മ​ണ്ഡ​ല​ങ്ങ​ള്‍ക്കു​മാ​യി 29 സ്‌​ട്രോ​ങ്​ റൂ​മു​ക​ളാ​ണ്​ ക്ര​മീ​ക​രി​ച്ച​ത്.

ക​ഴി​ഞ്ഞ​ദി​വ​സം രാ​വി​ലെ 5.30ന് ​മോ​ക്‌​പോ​ളി​ങ്ങോ​ടെ തു​ട​ങ്ങി​യ വോ​ട്ടെ​ടു​പ്പ് പ്ര​വ​ര്‍ത്ത​ന​ങ്ങ​ള്‍ ശ​നി​യാ​ഴ്​​ച ഉ​ച്ച​ക്ക്​ ര​ണ്ടോ​ടെ സെ​ന്റ് അ​ലോ​ഷ്യ​സ് സ്‌​കൂ​ളി​ല്‍ ഒ​രു സ്വ​ത​ന്ത്ര സ്ഥാ​നാ​ര്‍ഥി​യു​ടെ​യും എ​ല്‍.​ഡി.​എ​ഫ്, യു.​ഡി.​എ​ഫ്, ബി.​ജെ.​പി സ്ഥാ​നാ​ര്‍ഥി​ക​ളു​ടെ പ്ര​തി​നി​ധി​ക​ളു​ടെ​യും സാ​ന്നി​ധ്യ​ത്തി​ല്‍ ക​ല​ക്ട​റു​ടെ​യും തെ​ര​ഞ്ഞെ​ടു​പ്പ് പൊ​തു നി​രീ​ക്ഷ​ക​ന്‍ അ​ര​വി​ന്ദ് പാ​ല്‍സി​ങ് സ​ന്ധു​വി​ന്റേ​യും അ​ധ്യ​ക്ഷ​ത​യി​ല്‍ ചേ​ര്‍ന്ന സ്‌​ക്രൂ​ട്ടി​നി​യോ​ടെ​യാ​ണ് പൂ​ര്‍ണ​മാ​യ​ത്. സു​ര​ക്ഷ ക്ര​മീ​ക​ര​ണ​ങ്ങ​ളെ​ല്ലാം പ​രി​ശോ​ധി​ച്ച് ഉ​റ​പ്പാ​ക്കി​യാ​ണ് യ​ന്ത്ര​ങ്ങ​ള്‍ വോ​ട്ടെ​ണ്ണ​ല്‍ കേ​ന്ദ്രം കൂ​ടി​യാ​യ സ്‌​കൂ​ളി​ല്‍ സൂ​ക്ഷി​ക്കു​ന്ന​ത്.

തെ​ര​ഞ്ഞെ​ടു​പ്പ് പ്ര​വ​ര്‍ത്ത​ന​ങ്ങ​ള്‍ കു​റ്റ​മ​റ്റ രീ​തി​യി​ലാ​ണ് ന​ട​ത്തി​യ​തെ​ന്ന് പൊ​തു നി​രീ​ക്ഷ​ക​ന്‍ വി​ല​യി​രു​ത്തി. അ​വ​സാ​ന​വ​ട്ട ക്ര​മീ​ക​ര​ണ​ങ്ങ​ളി​ലും പ​രി​ശോ​ധ​ന യോ​ഗ​ത്തി​ലും ഏ​ഴ്​ നി​യ​മ​സ​ഭ മ​ണ്ഡ​ല​ങ്ങ​ളി​ലേ​യും അ​സി. റി​ട്ടേ​ണി​ങ്​ ഓ​ഫി​സ​ര്‍മാ​ര്‍, സി​റ്റി പൊ​ലീ​സ് ക​മീ​ഷ​ണ​ര്‍ വി​വേ​ക് കു​മാ​ര്‍, തെ​ര​ഞ്ഞെ​ടു​പ്പ് ഡെ​പ്യൂ​ട്ടി ക​ല​ക്ട​ര്‍ ജേ​ക്ക​ബ് സ​ഞ്ജ​യ് ജോ​ണ്‍, എ.​ഡി.​എം സി.​എ​സ്. അ​നി​ല്‍ എ​ന്നി​വ​ര്‍ പ​ങ്കെ​ടു​ത്തു.

കൊ​ല്ലത്ത്​ 68.15 ശ​ത​മാ​നം പോ​ളി​ങ്

കൊ​ല്ലം: കൊ​ല്ലം ലോ​ക്സ​ഭ മ​ണ്ഡ​ല​ത്തി​ലേ​ക്കു​ള്ള തെ​ര​ഞ്ഞെ​ടു​പ്പി​ലെ ല​ഭ്യ​മാ​യ അ​ന്തി​മ ക​ണ​ക്കു​ക​ള്‍ പ്ര​കാ​രം 68.15 ശ​ത​മാ​നം (904047) പേ​ര്‍ വോ​ട്ടി​ട്ടു. 479906 സ്ത്രീ​ക​ളും 424134 പു​രു​ഷ​ന്മാ​രും എ​ഴ്​ മ​റ്റു​ള്ള​വ​ര്‍ എ​ന്നി​ങ്ങ​നെ​യാ​ണ് സ​മ്മ​തി​ദാ​നാ​വ​കാ​ശം വി​നി​യോ​ഗി​ച്ച​വ​രു​ടെ ക​ണ​ക്കു​ക​ൾ. ഏ​ഴ്​ നി​യ​മ​സ​ഭ മ​ണ്ഡ​ല​ങ്ങ​ളാ​യ ച​വ​റ -125584, പു​ന​ലൂ​ര്‍ -134724, ച​ട​യ​മം​ഗ​ലം -139432, കു​ണ്ട​റ -144062, കൊ​ല്ലം -119308, ഇ​ര​വി​പു​രം -117571, ചാ​ത്ത​ന്നൂ​ര്‍ -123366 എ​ന്നി​ങ്ങ​നെ​യാ​ണ് വോ​ട്ട്​ ചെ​യ്ത​വ​രു​ടെ എ​ണ്ണം. ഏ​റ്റ​വു​മ​ധി​കം പോ​ളി​ങ്​ കു​ണ്ട​റ അ​സം​ബ്ലി മ​ണ്ഡ​ല​ത്തി​ലാ​ണ്.

കു​റ​വ് ഇ​ര​വി​പു​ര​വും. സ്ത്രീ​ക​ള്‍ ഏ​റ്റ​വു​മ​ധി​കം വോ​ട്ട്​ ചെ​യ്ത​ത് ച​ട​യ​മം​ഗ​ലം നി​യോ​ജ​ക മ​ണ്ഡ​ല​ത്തി​ലും (76175) പു​രു​ഷ​ന്മാ​ര്‍ ഏ​റ്റ​വു​മ​ധി​കം വോ​ട്ട്​ ചെ​യ്ത​ത് കു​ണ്ട​റ നി​യോ​ജ​ക മ​ണ്ഡ​ല​ത്തി​ലു​മാ​ണ് (67964). ആ​ല​പ്പു​ഴ മ​ണ്ഡ​ല​ത്തി​ല്‍ ഉ​ള്‍പ്പെ​ടു​ന്ന ക​രു​നാ​ഗ​പ്പ​ള്ളി -156695, മാ​വേ​ലി​ക്ക​ര മ​ണ്ഡ​ല​ത്തി​ല്‍ ഉ​ള്‍പ്പെ​ടു​ന്ന പ​ത്ത​നാ​പു​രം -120271, കൊ​ട്ടാ​ര​ക്ക​ര -135432 , കു​ന്ന​ത്തൂ​ര്‍ -145461 എ​ന്നി​ങ്ങ​നെ വോ​ട്ട്​ രേ​ഖ​പ്പെ​ടു​ത്തി.