തടയണ വരണ്ടു; ഇടപ്പാളയത്തുകാർ ജലക്ഷാമത്തിൽ

വെ​ള്ളം കെ​ട്ടിനി​ർ​ത്താ​ൻ ജ​ല​സേ​ച​ന വി​ഭാ​ഗ​മോ പ​ഞ്ചാ​യ​ത്തോ മു​ന്നൊ​രു​ക്കം സ്വീ​ക​രി​ച്ചി​ല്ല

പു​ന​ലൂ​ർ: കു​ടി​വെ​ള്ള​ക്ഷാ​മം പ​രി​ഹ​രി​ക്കാ​ൻ ഉ​ദ്ദേ​ശി​ച്ച് നി​ർ​മി​ച്ച ത​ട​യ​ണ വ​ര​ണ്ടു. ക​ഴു​തു​രു​ട്ടി, ഇ​ട​പ്പാ​ള​യം മേ​ഖ​ല​യി​ലു​ള്ള​വ​ർ ജ​ല​ക്ഷാ​മ​ത്തി​ൽ.

വേ​ന​ൽ ആ​രം​ഭ​ത്തോ​ടെ ജ​ല​ക്ഷാ​മം അ​നു​ഭ​വ​പ്പെ​ടു​ന്ന ഈ ​ഭാ​ഗ​ത്ത് ജ​ല​സ​മ്പു​ഷ്ട​മാ​ക്കാ​ൻ നി​ർ​മി​ച്ച ക​ഴു​തു​രു​ട്ടി ത​ട​യ​ണ​യി​ൽ ഇ​ത്ത​വ​ണ വെ​ള്ളം കെ​ട്ടി നി​ർ​ത്തു​ന്ന​തി​നു​ള്ള മു​ന്നൊ​രു​ക്കം ജ​ല​സേ​ച​ന വി​ഭാ​ഗ​മോ പ​ഞ്ചാ​യ​ത്തോ സ്വീ​ക​രി​ച്ചി​ല്ല. ഇ​തു​കാ​ര​ണം ആ​റ്റി​ലൂ​ടെ​യു​ള്ള വെ​ള്ളം ഡാ​മി​ലേ​ക്ക് ഒ​ഴു​കി മാ​റി​യ​തോ​ടെ ത​ട​യ​ണ​യി​ൽ വെ​ള്ള​മി​ല്ലാ​താ​യി. നാ​ലു​കോ​ടി രൂ​പ ചെ​ല​വി​ൽ 10 വ​ർ​ഷം മു​മ്പ് ജ​ല​വി​ഭ​വ വ​കു​പ്പ് ക​ഴു​തു​രു​ട്ടി ആ​റി​ന് കു​റു​കെ പാ​ല​വും ത​ട​യ​ണ​യും നി​ർ​മി​ച്ച​ത്. ഇ​ത് 2016 സെ​പ്റ്റം​ബ​റി​ലാ​ണ് ഉ​ദ്ഘാ​ട​നം ചെ​യ്ത​ത്. ആ​റ്റി​ന് അ​ക്ക​ര​യു​ള്ള​വ​രു​ടെ സ​ഞ്ചാ​ര​ത്തി​നും പ​രി​സ​ര​ത്തെ ജ​ല​ക്ഷാ​മ​വും പ​രി​ഹ​രി​ക്കാ​നാ​ണ് ഇ​ത് നി​ർ​മി​ച്ച​ത്.

നാ​ല​ടി​യോ​ളം ഉ​യ​ര​ത്തി​ൽ വെ​ള്ളം​കെ​ട്ടി നി​ർ​ത്താ​വു​ന്ന ത​ട​യ​ണ ക​ഴി​ഞ്ഞ പ്ര​ള​യ സ​മ​യ​ത്ത് മ​ണ്ണും ത​ടി​ക​ളും അ​ടി​ഞ്ഞ് നി​ക​ന്നി​രു​ന്നു. ഈ ​മ​ണ്ണ് പൂ​ർ​ണ​മാ​യി നീ​ക്കാ​ത്തതി​നാ​ൽ ഉ​ദ്ദേ​ശി​ച്ച രീ​തി​യി​ൽ ത​ട​യ​ണ​യി​ൽ വെ​ള്ളം കെ​ട്ടി​നി​ൽ​ക്കു​ന്നി​ല്ല. മ​ണ്ണ് നീ​ക്കം ചെ​യ്തു ത​ട​ണ​യു​ടെ ആ​റു ഷ​ട്ട​റു​ക​ൾ നേ​ര​ത്തേ അ​ട​ച്ച് വെ​ള്ളം സം​ര​ക്ഷി​ക്ക​ണ​മാ​യി​രു​ന്നു. എ​ന്നാ​ൽ, ഷ​ട്ട​റു​ക​ളു​ടെ പ​ല​ക​ക​ൾ ഇ​തി​ന​കം ന​ഷ്ട​പ്പെ​ട്ടു.

പ​ക​രം ത​യാ​റാ​ക്കി ത​ട​യ​ണ അ​ട​ക്കാ​ൻ അ​ധി​കൃ​ത​ർ ത​യാ​റാ​യ​തു​മി​ല്ല. ത​ട​യ​ണ​യി​ൽ മ​ണ്ണും ത​ടി​യും അ​ട​ഞ്ഞ് നി​ന്നി​ട്ടു​ണ്ട്. ത​ട​യ​ണ​ക്ക് ചു​റ്റും കോ​ള​നി​യി​ല​ട​ക്കം നി​ര​വ​ധി കു​ടും​ബ​ങ്ങ​ളു​ണ്ട്. മി​ക്ക വീ​ടു​ക​ളി​ലും കി​ണി​റി​ല്ല. ഉ​ള്ള കി​ണ​റു​ക​ളി​ൽ വെ​ള്ളം താ​ഴ്ന്നു. ത​ട​യ​ണ​യി​ൽ ആ​വ​ശ്യ​ത്തി​ന് വെ​ള്ളം ഉ​ണ്ടാ​യി​രു​ന്നെ​ങ്കി​ൽ കി​ണ​റു​ക​ളി​ലെ ജ​ല​നി​ര​പ്പ് താ​ഴു​ക​യി​ല്ലാ​യി​രു​ന്നു.

കൂ​ടാ​തെ, ആ​ളു​ക​ൾ തു​ണി​യ​ല​ക്കാ​നും കു​ളി​ക്കാ​നും ആ​ശ്ര​യി​ക്കു​ന്ന​തും ത​ട​യ​ണ​യെ​യാ​ണ്. ത​ട​യ​ണ​യു​ടെ സം​ര​ക്ഷ​ണ​വും പ​രി​പാ​ല​ന​വും പ​ഞ്ചാ​യ​ത്തി​നാ​ണെ​ന്നാ​ണ് ജ​വി​ഭ​വ വ​കു​പ്പ് അ​ധി​കൃ​ത​ർ പ​റ​യു​ന്ന​ത്.

പ​ഞ്ചാ​യ​ത്ത​ക​ട്ടെ ഇ​ത്ത​വ​ണ ഒ​രു ന​ട​പ​ടി​യും സ്വീ​ക​രി​ച്ചി​ല്ല. ഇ​നി​യെ​ങ്കി​ലും മ​ണ്ണ് നീ​ക്കം ചെ​യ്ത് വെ​ള്ളം കെ​ട്ടി​നി​ർ​ത്താ​ൻ അ​ധി​കൃ​ത​ർ ത​യാ​റാ​യി​ല്ലെ​ങ്കി​ൽ വ​ര​ൾ​ച്ച നീ​ളു​ന്ന​തോ​ടെ ജ​ന​ങ്ങ​ൾ ക​ടു​ത്ത ബു​ദ്ധി​മു​ട്ടി​ലാ​കും.