ഗാ​ന്ധി വ​ധ​ത്തി​ന്​ 75 ആ​ണ്ട്​

1925ൽ ഗാ​ന്ധി​ജി​യു​ടെ സ്വ​രം​ മു​ഴ​ങ്ങി​യ പീ​ര​ങ്കി മൈ​താ​നം

കൊ​ല്ലം: പീ​ര​ങ്കി മൈ​താ​ന​ത്തി​ന്‍റെ ച​രി​ത്ര സ്മ​ര​ണ​ക​ളി​ൽ ര​ണ്ട്​ ത​വ​ണ​യാ​ണ്​ ഗാ​ന്ധി​ജി​യു​ടെ സ്വ​രം നി​റ​ഞ്ഞു​നി​ൽ​ക്കു​ന്ന​ത്. കൊ​ല്ല​ത്തേ​ക്കു​ള്ള ആ​ദ്യ സ​ന്ദ​ർ​ശ​ന​ത്തി​ൽ, 1925 മാ​ർ​ച്ച്​ 12ന്​ ​ആ​ണ്​ ആ​ദ്യ​മാ​യി പീ​ര​ങ്കി മൈ​താ​നം നി​റ​ഞ്ഞെ​ത്തി​യ സ​ദ​സ്സി​നെ ഗാ​ന്ധി​ജി അ​ഭി​സം​ബോ​ധ​ന ചെ​യ്ത​ത്. വൈ​ക്കം സ​ത്യ​ഗ്ര​ഹ​ത്തി​ന്‍റെ ഭാ​ഗ​മാ​യ​തി​ന്​ ശേ​ഷം ആ​ല​പ്പു​ഴ​യി​ൽ നി​ന്ന്​ ബോ​ട്ട്​​മാ​ർ​ഗം കൊ​ല്ല​ത്ത്​ എ​ത്തു​ക​യാ​യി​രു​ന്നു. ​12ന്​ ​രാ​വി​ലെ കൊ​ല്ലം ബോ​ട്ടു​ജെ​ട്ടി​യി​ൽ നി​ന്ന്​ മു​നിസി​പ്പ​ൽ ചെ​യ​ർ​മാ​നും പൗ​ര​പ്ര​മു​ഖ​രും ചേ​ർ​ന്ന്​ അ​ദ്ദേ​ഹ​ത്തെ സ്വീ​ക​രി​ച്ചു. പീ​ര​ങ്കി മൈ​താ​ന​ത്തെ പൊ​തു​സ​മ്മേ​ള​ന​ത്തി​ൽ മു​നിസി​പ്പ​ൽ ചെ​യ​ർ​മാ​ൻ ബാ​രി​സ്റ്റ​ർ എം.​ആ​ർ. പ​ത്മനാ​ഭ​പി​ള്ള​യു​ടെ അ​ധ്യ​ക്ഷ​ത​യി​ലാ​ണ്​ യോ​ഗം ന​ട​ന്ന​ത്. കൊ​ല്ലം പൗ​രാ​വ​ലി​യു​ടെ മം​ഗ​ള​പ​ത്ര​വും ഗാ​ന്ധി​ജി​ക്ക്​ സ​മ​ർ​പ്പി​ച്ചു. വൈ​ക്കം സ​ത്യ​ഗ്ര​ഹ​ത്തെ പ​രാ​മ​ർ​ശി​ച്ച്, കേ​ര​ള​സ​മൂ​ഹ​ത്തെ ബാ​ധി​ച്ചി​രി​ക്കു​ന്ന ജാ​തിപ്പി​ശാ​ചി​നെ​തി​രെ നി​ശി​ത​മാ​യ നി​ല​പാ​ടാ​ണ്​ ഗാ​ന്ധി​ജി​യു​ടെ പ്ര​സം​ഗ​ത്തി​ൽ നി​റ​ഞ്ഞ​ത്. സ​ത്യ​ഗ്ര​ഹം എ​ന്ന സ​മ​ര​മാ​ർ​ഗ​ത്തെ ലോ​ക​ത്തെ ഒ​രു ശ​ക്തി​ക്കും ത​ക​ർ​ക്കാ​ൻ ക​ഴി​യി​ല്ലെ​ന്ന്​ പ​റ​ഞ്ഞ ഗാ​ന്ധി​ജി, കൊ​ല്ല​ത്തെ സ്ത്രീ​ക​ളു​ടെ ശു​ഭ്ര​വ​സ്ത്ര​ധാ​ര​ണ​ത്തെ​യും പ്ര​കീ​ർ​ത്തി​ച്ചു. എ​ന്നാ​ൽ, ആ ​ശു​ഭ്ര​വ​സ്ത്രം ഖാ​ദി അ​ല്ല എ​ന്ന​തി​ൽ നി​രാ​ശ​യും പ​ങ്കു​​െവ​ച്ചു.

1934 ജ​നു​വ​രി 20ന്​ ​പ​ന്മ​ന ആ​ശ്ര​മ​ത്തി​ലെ സ​ന്ദ​ർ​ശ​നം ക​ഴി​ഞ്ഞ്​ കൊ​ല്ല​ത്ത്​ എ​ത്തി​യ​പ്പോ​ഴും പീ​ര​ങ്കി മൈ​താ​ന​ത്തെ സ​മ്മേ​ള​ന​വേ​ദി​യി​ലാ​ണ്​ തി​ങ്ങി​ക്കൂ​ടി​യ ജ​ന​ക്കൂ​ട്ടം ഗാ​ന്ധി​ജി​യെ​കേ​ട്ട​ത്. വ​ള​രെ ചെ​റി​യ പ്ര​സം​ഗ​ത്തി​ൽ ഹി​ന്ദു​മ​ത​ത്തി​ലെ അ​നാ​ചാ​ര​ങ്ങ​ളെ​ക്കു​റി​ച്ചാ​യി​രു​ന്നു അ​ദ്ദേഹം സം​സാ​രി​ച്ച​ത്.

1934ൽ ഗാ​ന്ധി​ജി​യു​ടെ പാ​ദ​സ്പ​ർ​ശ​മേ​റ്റ പ​ന്മ​ന

ച​വ​റ: മ​ഹാ​ത്മ​ജി​ക്ക് ആ​തി​ഥ്യ​മ​രു​ളി​യ ച​ട്ട​മ്പി​സ്വാ​മി​യുടെ സ​മാ​ധി മ​ന്ദി​ര​മാ​യ പ​ന്മ​ന ആ​ശ്ര​മം സ്നേ​ഹ സ്മാ​ര​ക​മാ​യി ഇ​ന്നും ത​ല ഉ​യ​ർ​ത്തി നി​ല്‍ക്കു​ക​യാ​ണ്. 1934 ജ​നു​വ​രി 19 ന് ​ആ​ണ് പ​ന്മ​ന ആ​ശ്ര​മ​ത്തി​ൽ അ​ദ്ദേ​ഹം എ​ത്തു​ന്ന​ത്. സ​മൂ​ഹ​ത്തി​ൽ അ​ക്കാ​ല​ത്ത് നി​ല​നി​ന്നി​രു​ന്ന അ​സ​മ​ത്വ​ങ്ങ​ൾ​ക്കെ​തി​രെ ഹ​രി​ജ​ൻ ഫ​ണ്ട് ശേ​ഖ​ര​ണ​ത്തി​നാ​യി പ​ന്മ​ന ആ​ശ്ര​മ സ്ഥാ​പ​ക​ൻ കു​മ്പ​ള​ത്ത് ശ​ങ്കു​പ്പി​ള്ള​യു​ടെ അ​പേ​ക്ഷ മാ​നി​ച്ചാ​ണ് ഗാ​ന്ധി​ജി പ​ന്മ​ന​യി​ൽ എ​ത്തി​യ​ത്. ദേ​ശീ​യ​പാ​ത​യി​ല്‍ ഇ​ട​പ്പ​ള്ളി​ക്കോ​ട്ട മു​ത​ൽ പ​ന്മ​ന വ​രെ റോ​ഡി​ന്‍റെ ഇ​രു​വ​ശ​ങ്ങ​ളി​ലും അ​ല​ങ്കാ​ര വി​ള​ക്കു​ക​ളു​ടെ അ​ക​മ്പ​ടി​യോ​ടെ​യാ​ണ് ജ​ന​ങ്ങ​ൾ മ​ഹാ​ത്മ​ജി​യെ വ​ര​വേ​റ്റ​ത്.

ഗാ​ന്ധി​ജി​ക്ക് താ​മ​സി​ക്കാ​നും വാ​യി​ക്കാ​നു​മാ​യി ആ​ശ്ര​മ​ത്തോ​ട് ചേ​ർ​ന്ന് ഓ​ല​പ്പുര നി​ർ​മി​ച്ചു. ര​ണ്ടു ദി​വ​സം ആ​ശ്ര​മ​ത്തി​ലെ ഓ​ല​പ്പു​ര​യി​ല്‍ താ​മ​സി​ച്ച ഗാ​ന്ധി​ജി പ്രാ​ർ​ഥന ന​ട​ത്തു​ക​യും ആ​ശ്ര​മ​ത്തി​ന് സ​മീ​പം സം​ഘ​ടി​പ്പി​ച്ച പൊ​തു​സ​മ്മേ​ള​ന​ത്തി​ൽ സം​സാ​രി​ക്കു​ക​യും ചെ​യ്തു. ത​ടി​ച്ചു​കൂ​ടി​യ വ​ൻ ജ​നാ​വ​ലി​യെ അ​ര​മ​ണി​ക്കൂ​റോ​ളം അ​ഭി​സം​ബോ​ധ​ന ചെ​യ്ത് സം​സാ​രി​ച്ച ഗാ​ന്ധി​ജി, അ​നാ​വ​ശ്യ ചെ​ല​വു​ക​ൾ ഒ​ഴി​വാ​ക്കി സ​മൂ​ഹ​ത്തി​ൽ അ​സ​മ​ത്വം അ​നു​ഭ​വി​ക്കു​ന്ന​വ​രെ മു​ഖ്യ​ധാ​ര​യി​ലെ​ത്തി​ക്ക​ണ​മെ​ന്നും രാ​ജ്യ​ത്തി​ന്‍റെ മോ​ച​ന​ത്തി​നാ​യി ആ​ത്മ​ധൈ​ര്യ​ത്തോ​ടെ പ്ര​വ​ർ​ത്തി​ക്കാ​നും ആ​ഹ്വാ​നം ചെ​യ്​​തു.

തി​രു​വി​താം​കൂ​റി​ൽ അ​യി​ത്തോ​ച്ചാ​ട​ന സ​മ​ര​ത്തി​ന് വേ​ദി​യാ​യ സ​മാ​ധി മ​ന്ദി​ര​ത്തി​ന് മു​ൻ​വ​ശ​ത്തെ പ്ലാ​ക്കാ​ട്ടു​കു​ള​ത്തോ​ടി​നോ​ട് ചേ​ർ​ന്നു​ള്ള പാ​ത​യി​ലൂ​ടെ​യാ​ണ് അ​ന്ന് ഗാ​ന്ധി​ജി ക​ട​ന്നുപോ​യ​ത്. പാ​ത​ക്ക്​ പി​ന്നീ​ട് മ​ഹാ​ത്മാ​ഗാ​ന്ധി റോ​ഡ് എ​ന്ന് പേ​രി​ട്ടു. ഗാ​ന്ധി​ജി​യു​ടെ സ​ന്ദ​ർ​ശ​ന​ത്തി​ന്‍റെ സ്മ​ര​ണ​ക്കാ​യി മീ​ര ബെ​ൻ ന​ട്ട വേ​പ്പി​ൻ മ​ര​വും ഗാ​ന്ധി​ജി താ​മ​സി​ച്ച സ്ഥ​ല​വും സ്മാ​ര​ക​മാ​യി ഇ​ന്നും സം​ര​ക്ഷി​ച്ചുവ​രു​ന്നു.

ഉ​ളി​യ​ക്കോ​വി​ൽ റൈ​റ്റ​റു​ടെ വീ​ടും ഗാ​ന്ധി കി​ണ​റും

1934 ജ​നു​വ​രി 20ന് ​പ​ന്മ​ന ആ​ശ്ര​മ സ​ന്ദ​ർ​ശ​ന​ത്തി​നു​ശേ​ഷം കൊ​ല്ലം ന​ഗ​ര​ത്തി​ലെ​ത്തി​യ ഗാ​ന്ധി​ജി വി​ശ്ര​മി​ച്ച​ത്​ ഉ​ളി​യ​ക്കോ​വി​ലി​ൽ റൈ​റ്റ​ർ പ​ത്മ​നാ​ഭ​പ​ണി​ക്ക​രു​ടെ വ​സ​തി​യി​ലാ​ണ്. ഇ​വി​ടെ പൊ​തു​യോ​ഗ​ത്തി​ൽ സം​സാ​രി​ക്കു​ക​യും ചെ​യ്തു. ആ ​യോ​ഗ​മാ​ണ്​ ഉ​ളി​യ​ക്കോ​വി​ലി​ൽ ഹ​രി​ജ​ന​ങ്ങ​ളു​ടെ കോ​ള​നി​യി​ൽ കി​ണ​ർ കു​ഴി​ക്കു​ന്ന​തി​ലേ​ക്ക്​ ന​യി​ച്ച​ത്.

ഹ​രി​ജ​ന​ങ്ങ​ൾ നേ​രി​ടു​ന്ന കു​ടി​വെ​ള്ള​പ്ര​ശ്​​നം ശ്ര​ദ്ധ​യി​ൽ​പെ​ട്ട ഗാ​ന്ധി​ജി കി​ണ​ർ കു​ഴി​ക്കാ​ൻ നേ​തൃ​ത്വം ന​ൽ​കു​ക​യാ​യി​രു​ന്നു. ഗാ​ന്ധി​ജി​യു​ടെ കൈ കൊ​ണ്ട് പി​റ​വി​യെ​ടു​ത്ത ആ ​കി​ണ​ർ ഗാ​ന്ധി​കി​ണ​ർ എ​ന്നാ​ണ്​ അ​റി​യ​പ്പെ​ടു​ന്ന​ത്.

ച​രി​ത്ര​ത്തി​ന്‍റെ ഉ​ജ്ജ്വ​ല​മാ​യ ഓ​ർ​മ​പ്പെ​ടു​ത്ത​ലാ​യി ഉ​ളി​യ​ക്കോ​വി​ൽ അ​മ്പ​ല​ത്തി​ന്​ സ​മീ​പ​ത്താ​യി ഇ​ന്നും ആ ​കി​ണ​റു​ണ്ട്. പ​ഴ​യ ക​ൽ​ക്കെ​ട്ട്​ കി​ണ​ർ സം​ര​ക്ഷ​ണ​മി​ല്ലാ​തെ ന​ശി​ച്ച​പ്പോ​ൾ പ്ര​തി​ഷേ​ധ​മു​യ​ർ​ന്ന​തി​നെ തു​ട​ർ​ന്ന്​ അ​റ്റ​കു​റ്റ​പ്പണി ന​ട​ത്തി പു​തി​യ ‘കോ​ൺ​ക്രീ​റ്റ്​ ഉ​റ​ക്കി​ണ​ർ’ ആ​ക്കി​യാ​ണെ​ങ്കി​ലും കോ​ർ​പ​റേ​ഷ​ൻ സം​ര​ക്ഷി​ക്കു​ന്നു​ണ്ട്.

1937ൽ ന​വോ​ത്ഥാ​ന​ത്തി​ന്റെ സു​വ​ർ​ണ ഏ​ടാ​യി തൃ​ക്ക​ണ്ണ​മം​ഗ​ൽ ക്ഷേ​ത്ര ദ​ർ​ശ​നം

കൊ​ട്ടാ​ര​ക്ക​ര: തൃ​ക്ക​ണ്ണ​മം​ഗ​ലി​ൽ 1937 ജ​നു​വ​രി 21 രാ​വി​ലെ​യാ​യി​രു​ന്നു ഗാ​ന്ധി​ജി​യു​ടെ നേ​തൃ​ത്വ​ത്തി​ൽ ന​ട​ന്ന ച​രി​ത്ര പ്ര​സി​ദ്ധ​മാ​യ ക്ഷേ​ത്ര പ്ര​വേ​ശ​നം. തി​രു​വി​താം​കൂ​റി​ൽ ശ്രീ​ചി​ത്തി​ര തി​രു​നാ​ൾ ബാ​ല​രാ​മ​വ​ർ​മ മ​ഹാ​രാ​ജാ​വ് 1936 ൽ ​അ​വ​ർ​ണ​ർ​ക്കാ​യി ക്ഷേ​ത്ര പ്ര​വേ​ശ​ന വി​ളം​ബ​രം പ്ര​ഖ്യാ​പി​ച്ചു. ന​ട തു​റ​ക്ക​ലി​ന്റെ ഉ​ദ്ഘാ​ട​നം താ​ൻ ത​ന്നെ നി​ർ​വ​ഹി​ക്കാ​മെ​ന്ന് മ​ഹാ​ത്മ​ജി സ​മ്മ​തി​ച്ചു.

ക​ട​ലാ​മ​ന​ക്ക​ൽ മൂ​ർ​ത്തി നാ​രാ​യ​ണ​ൻ ന​മ്പൂ​തി​രി​പ്പാ​ടി​ന്റെ 18 ക്ഷേ​ത്ര​ങ്ങ​ളി​ൽ മു​ഖ്യ​മാ​യ തൃ​ക്ക​ണ്ണ​മം​ഗ​ൽ ശ്രീ​കൃ​ഷ്ണ​സ്വാ​മി ക്ഷേ​ത്ര​മാ​ണ് തെ​ര​ഞ്ഞെ​ടു​ക്ക​പ്പെ​ട്ട​ത്. സ​ന്ദ​ർ​ശ​ന ദി​വ​സം രാ​വി​ലെ എട്ടിന് ​ഗാ​ന്ധി​ജി വ​ന്ന ട്രെ​യി​ൻ കൊ​ട്ടാ​ര​ക്ക​ര റെ​യി​ൽ​വേ സ്റ്റേ​ഷ​നി​ൽ എ​ത്തി​ച്ചേ​ർ​ന്നു. മ​ഹാ​ത്മാ ഗാ​ന്ധി​ കീ ​ജ​യ് മു​ദ്രാ​വാ​ക്യ​മു​യ​ർ​ത്തി നാ​ട്​ അ​ദ്ദേഹ​ത്തെ സ്വീ​ക​രി​ച്ചു. കാ​റി​ൽ ഗാ​ന്ധി​ജി ടി.​ബി​യി​ലേ​ക്ക് (െഗ​സ്റ്റ് ഹൗ​സ്) യാ​ത്ര​യാ​യി. പ്ര​ഭാ​ത ഭ​ക്ഷ​ണ​വും വി​ശ്ര​മ​വും ക​ഴി​ഞ്ഞ് ടി.​ബി ജ​ങ്ഷ​നി​ൽനി​ന്ന് ഒ​രു കി​ലോ​മീ​റ്റ​ർ കാ​ൽ​ന​ട​യാ​യാ​ണ് ഗാ​ന്ധി​ജി ക്ഷേ​ത്ര സ​ന്നി​ധി​യി​ലെ​ത്തി​ച്ചേ​ർ​ന്ന​ത്. ക്ഷേ​ത്രം അ​വ​ർ​ണ​ർ​ക്കാ​യി തു​റ​ന്ന് ഉ​ദ്ഘാ​ട​നം ന​ട​ത്തി. ശേ​ഷം ക്ഷേ​ത്ര​മു​റ്റ​ത്ത് തെ​ക്ക് -കി​ഴ​ക്കേ കോ​ണി​ൽ സ​ജ്ജീ​ക​രി​ച്ചി​രു​ന്ന വേ​ദി​യി​ൽ മ​ഹാ​ത്മാ ഗാ​ന്ധി ക​യ​റി. ഇം​ഗ്ലീ​ഷ് പ്ര​സം​ഗം ദ്വി​ഭാ​ഷി മ​ല​യാ​ള ഭാ​ഷ​യി​ലേ​ക്ക് വി​വ​ർ​ത്ത​നം ചെ​യ്തു. അ​വ​ർ​ണർ​ക്കാ​യി ത​ന്റെ ക്ഷേ​ത്ര​ങ്ങ​ളെ​ല്ലാം തു​റ​ന്നുകൊ​ടു​ക്കാ​ൻ ധീ​ര​ത കാ​ട്ടി​യ ന​മ്പൂ​തി​രി​പ്പാ​ടി​നേ​യും ക്ഷേ​ത്ര പ്ര​വേ​ശ​ന വി​ളം​ബ​ര​ത്തി​ന്​ തു​ല്യം ചാ​ർ​ത്തി​യ മ​ഹാ​രാ​ജാ​വി​നേ​യും ഗാ​ന്ധി​ജി പ്ര​സം​ഗ​ത്തി​ലു​ട​നീ​ളം പ്ര​ശം​സി​ച്ചു.

യോ​ഗ​ത്തി​നു​ശേ​ഷം ടി.​ബി​യി​ലേ​ക്ക് മ​ട​ങ്ങി വി​ശ്ര​മി​ച്ചു. വൈ​കീട്ട് കൊ​ട്ടാ​ര​ക്ക​ര ഗ​വ. ഇം​ഗ്ലീ​ഷ്​ ഹൈ​സ്കൂ​ൾ കോ​മ്പൗ​ണ്ടി​ൽ ചേ​ർ​ന്ന പൗ​ര മ​ഹായോ​ഗ​ത്തി​ലും ഗാ​ന്ധി​ജി പ്ര​സം​ഗി​ച്ചു. മ​ട​ക്ക യാ​ത്ര​യി​ൽ രാ​ജ​കു​ടും​ബ​ത്തെ സ​ന്ദ​ർ​ശി​ച്ച ശേ​ഷ​മാ​ണ്​ ഗാ​ന്ധി​ജി തി​രു​വി​താം​കൂ​ർ വി​ട്ട​ത്. തൃ​ക്ക​ണ്ണ​മം​ഗ​ൽ ക്ഷേ​ത്ര പ​രി​സ​ര​ത്തുനി​ന്ന് 500 മീ​റ്റ​ർ അ​ക​ലെ ഗ​ന്ധി​ജി എ​ത്തി​യ ജ​ങ്​​ഷ​ൻ ഇ​ന്ന്​ ഗാ​ന്ധി മു​ക്ക്​ എ​ന്നാ​ണ്​ അ​റി​യ​പ്പെ​ടു​ന്ന​ത്.