മീറ്ററില്ലെങ്കിൽ ഓട്ടോകൾക്ക്​ പൂട്ട്​ വീഴും

കൊ​ല്ലം: കോ​ർ​പ​റേ​ഷ​ൻ പ​രി​ധി​യി​ൽ സ​ർ​വി​സ്​ ന​ട​ത്തു​ന്ന ഓ​ട്ടോ​ക​ളി​ൽ ഫെ​യ​ർ മീ​റ്റ​ർ പ്ര​വ​ർ​ത്തി​പ്പി​ച്ച്​ അ​ത്​ അ​ടി​സ്ഥാ​ന​മാ​ക്കി​യു​ള്ള നി​ര​ക്ക്​ ഈ​ടാ​ക്കാ​ത്ത​വ​ർ​ക്കെ​തി​രെ ന​ട​പ​ടി​വ​രു​ന്നു. മീ​റ്റ​ർ പ്ര​വ​ർ​ത്തി​പ്പി​ക്കാ​ത്ത​വ​രു​ടെ പെ​ർ​മി​റ്റ്​ ഉ​ൾ​പ്പെ​ടെ റ​ദ്ദാ​ക്കാ​നു​ള്ള തീ​രു​മാ​നം മോ​ട്ടോ​ർ വാ​ഹ​ന​വ​കു​പ്പ്​ വ്യാഴാഴ്ച മുതൽ ന​ട​പ്പാ​ക്കും.

കൊ​ല്ലം താ​ലൂ​ക്ക്​ ലീ​ഗ​ൽ സ​ർ​വി​സ്​ അ​തോ​റി​റ്റി​യി​ൽ വ​ന്ന പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ്​ ഓ​ട്ടോ​ക​ളെ ന​ല്ല ന​ട​പ്പി​ലേ​ക്ക്​ വ​രു​ത്താ​നു​ള്ള ന​ട​പ​ടി​യു​മാ​യി മോ​ട്ടോ​ർ വാ​ഹ​ന​വ​കു​പ്പ്​ രം​ഗ​ത്തി​റ​ങ്ങു​ന്ന​ത്. വി​ഷ​യ​ത്തി​ൽ ക​ർ​ശ​ന ന​ട​പ​ടി സ്വീ​ക​രി​ക്കാ​ൻ കൊ​ല്ലം റീ​ജ​ന​ൽ ട്രാ​ൻ​സ്പോ​ർ​ട്ട് ഓ​ഫി​സ​റേ​യും കോ​ർ​പ്പ​റേ​ഷ​ൻ പ​രി​ധി​യി​ലു​ള്ള എ​ല്ലാ പൊ​ലീ​സ് എ​സ്.​എ​ച്ച്.​ഒ​മാ​രേ​യും അ​തോ​റി​റ്റി ചു​മ​ത​ല​പ്പെ​ടു​ത്തി.

വ​ർ​ഷ​ങ്ങ​ൾ​ക്ക്​ മു​മ്പും മീ​റ്റ​ർ ക​ർ​ശ​ന​മാ​ക്കി പ​രി​ശോ​ധ​ന​ക​ൾ ഉ​ൾ​പ്പെ​ടെ ന​ട​ത്തി​യി​രു​ന്നെ​ങ്കി​ലും അ​ധി​ക​നാ​ൾ അ​ത്​ നീ​ണ്ടി​ല്ല. എ​ന്നാ​ൽ, ഇ​ത്ത​വ​ണ ക​ർ​ശ​ന ന​ട​പ​ടി​യു​ണ്ടാ​കു​മെ​ന്നാ​ണ്​ റീ​ജ​ന​ൽ ട്രാ​ൻ​സ്​​പോ​ർ​ട്ട്​ ഓ​ഫി​സ​ർ അ​റി​യി​ച്ചി​രി​ക്കു​ന്ന​ത്. മീ​റ്റ​ർ പ്ര​വ​ർ​ത്തി​പ്പി​ക്കാ​ത്ത ഓ​ട്ടോ​ക​ൾ​ക്കെ​തി​രെ പെ​ർ​മി​റ്റ്​ റ​ദ്ദാ​ക്കാ​നു​ള്ള ന​ട​പ​ടി​യു​ടെ ഭാ​ഗ​മാ​യി ഇ-​ച​ലാ​ൻ ത​യാ​റാ​ക്കി അ​യ​ക്കും. പി​ന്നാ​ലെ ഫി​റ്റ്​​ന​സ്​ ഉ​ൾ​പ്പെ​ടെ വാ​ഹ​ന സം​ബ​ന്ധ​മാ​യ സേ​വ​ന​ങ്ങ​ൾ ത​ട​യ​പ്പെ​ടു​ക​യും ചെ​യ്യും.

കോ​ർ​പ​റേ​ഷ​നി​ൽ സ്റ്റാ​ൻ​ഡ്​’​വേ​ണ്ട

ഓ​ട്ടോ സ്റ്റാ​ൻ​ഡു​ക​ളു​ടെ ‘അ​പ്ര​മാ​ദി​ത്വം’​അ​വ​സാ​നി​പ്പി​ക്കാ​നും ന​ട​പ​ടി​യു​ണ്ട്. കോ​ർ​പ​റേ​ഷ​ൻ പ​രി​ധി​യി​ൽ ഓ​ട്ടോ സ്റ്റാ​ൻ​ഡു​ക​ളി​ൽ മ​റ്റ്​ സ്റ്റാ​ൻ​ഡു​ക​ളി​ലെ ഓ​ട്ടോ​ക​ളെ സ​വാ​രി എ​ടു​ക്കാ​ൻ അ​നു​വ​ദി​ക്കാ​ത്ത സ്ഥി​തി​ക്ക്​ അ​വ​സാ​ന​മു​ണ്ടാ​ക്കാ​നാ​ണ്​ ഈ ​തീ​രു​മാ​നം.

നി​ല​വി​ൽ കൊ​ല്ലം കോ​ർ​പ​റേ​ഷ​ൻ പെ​ർ​മി​റ്റു​ള്ള 5000 ഓ​ട്ടോ​ക​ളാ​ണ്​ ന​ഗ​ര​ത്തി​ലു​ള്ള​ത്. ഇ​വ​ക്ക്​ സ്റ്റാ​ൻ​ഡ്​ പ​രി​മി​തി ഇ​ല്ലാ​തെ കോ​ർ​പ​റേ​ഷ​ൻ മേ​ഖ​ല​യി​ൽ സ​ർ​വി​സ്​ ന​ട​ത്താ​നാ​ണ്​ വ​ഴി​യൊ​രു​ങ്ങു​ന്ന​ത്.

കൊ​ല്ലം കോ​ർപ​റേ​ഷ​ൻ പ​രി​ധി​യി​ൽ സ​ർ​വി​സ് ന​ട​ത്താ​ൻ പെ​ർ​മി​റ്റ് ന​ൽ​കി​യി​ട്ടു​ള്ള ഓ​ട്ടോ​ക​ൾ പ്ര​ത്യേ​ക സ്റ്റാ​ൻ​ഡി​ൽ പാ​ർ​ക്ക് ചെ​യ്യ​ണ​മെ​ന്ന് നി​യ​മ​ത്തി​ലെ​വി​ടെ​യും നി​ഷ്ക​ർ​ഷി​ച്ചി​ട്ടി​ല്ല. അ​തി​നാ​ൽ ഇ​ത്ത​രം വാ​ഹ​ന​ങ്ങ​ൾ സ​വാ​രി അ​വ​സാ​നി​പ്പി​ക്കു​ന്ന​തി​ന് സ​മീ​പ​മു​ള്ള ഓ​ട്ടോ​സ്റ്റാ​ൻ​ഡി​ൽ പാ​ർ​ക്ക് ചെ​യ്ത് ഊ​ഴ​മ​നു​സ​രി​ച്ച് അ​വി​ടെ​നി​ന്ന്​ സ​വാ​രി പോ​കാം.

കോ​ർ​പറേ​ഷ​ൻ പെ​ർ​മി​റ്റ് ഇ​ല്ലാ​ത്ത മ​റ്റ്​ സ്ഥ​ല​ങ്ങ​ളി​ലെ ഓ​ട്ടോ​റി​ക്ഷ​ക​ളെ കോ​ർ​പ​റേ​ഷ​ൻ പ​രി​ധി​ക്കു​ള്ളി​ൽ​നി​ന്ന്​ യാ​ത്ര​ക്കാ​രെ ക​യ​റ്റി സ​വാ​രി ന​ട​ത്തു​ന്ന​തി​ന് അ​നു​വ​ദി​ക്കി​ല്ല. എ​ന്നാ​ൽ, കോ​ർ​പറേ​ഷ​ൻ പ​രി​ധി​ക്ക് പു​റ​ത്തു​ള്ള സ്ഥ​ല​ങ്ങ​ളി​ൽ നി​ന്നും യാ​ത്ര​ക്കാ​രെ കൊ​ണ്ടുവ​രു​ന്ന​ത് അ​നു​വ​ദി​ക്കും.