അയല്‍വാസിയെ കുത്തിയ കേസിൽ യുവാവ് പിടിയിൽ

കുന്നിക്കോട്: അയൽവാസിയെ കുത്തിക്കൊല്ലാൻ ശ്രമിച്ച പ്രതിയെ കുന്നിക്കോട് പൊലീസ് അറസ്റ്റ് ചെയ്തു. തലവൂർ കുര ലക്ഷം വീട് ഏയ്ഞ്ചൽ നിവാസിൽ റോബിൻ എന്ന ജോയിമോൻ (37) ആണ് അറസ്റ്റിലായത്. കുര ലക്ഷം വീട്ടിൽ വിനോദ് ഭവനിൽ വിനോദിനെയാണ് ആക്രമിച്ചത്.

കഴിഞ്ഞദിവസം വൈകീട്ട് മൂന്നോടെയാണ് സംഭവം. വിനോദിന്‍റെ ഭാര്യയെ ജോയി അസഭ്യം പറഞ്ഞത് ചോദ്യം ചെയ്തതിലുള്ള വിരോധത്തിലായിരുന്നു ആക്രമണം. കുന്നിക്കോട് എസ്.എച്ച്.ഒ എം. അൻവർ, എസ്.ഐ ഫൈസൽ, എസ്.സി.പി.ഒ ബാബുരാജ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.