മൊബൈൽ ടവറിനുസമീപം തീപിടിത്തം

മല്ലപ്പള്ളി: ചുങ്കപ്പാറ തടത്തേൽ മലയിൽ ഓലിക്കമുറിയിൽ സ്ഥാപിച്ചിരിക്കുന്ന വോഡഫോൺ ടവറിനുസമീപം തീപിടിച്ചു. ശനിയാഴ്ച ഉച്ചയോടെയാണ് സംഭവം. രാവിലെ മുതൽ വൈദ്യുതി ഇല്ലാതിരുന്നതിനാൽ ജനറേറ്റർ ഉപയോഗിച്ചാണ് പ്രവർത്തിപ്പിച്ചിരുന്നത്. ജനറേറ്ററിൽനിന്ന്​ ഷോർട്ട് സർക്യൂട്ടുമൂലം വൈദ്യുതി പ്രവഹിച്ചതാകാം തീപിടിത്തത്തിന്​ കാരണമെന്ന് പറയപ്പെടുന്നു. ജീവനക്കാർ ഉടൻ ടവറി‍ൻെറ പ്രവർത്തനം നിർത്തിയതോടെ ദുരന്തം ഒഴിവായതായി പ്രദേശവാസികൾ പറയുന്നു. നാട്ടുകാരും റാന്നിയിൽനിന്ന്​ എത്തിയ അഗ്​നിരക്ഷാസേനയും ​ചേർന്ന്​ തീ അണച്ചു.