കാറിടിച്ച് പരിക്കേറ്റു

പൊൻകുന്നം: പി.പി ​റോഡ്​ പ്രശാന്ത്‌നഗറിൽ വേബ്രിഡ്ജിന് സമീപം കാറിടിച്ച് വയോധികന് പരിക്കേറ്റു. തീക്കോയി കളപ്പുരയ്ക്കപ്പറമ്പിൽ ജോസഫിനാണ്​ (78) പരിക്കേറ്റത്. ശനിയാഴ്ച രാത്രിയായിരുന്നു അപകടം. വേബ്രിഡ്ജിൽ റബർത്തടിയുടെ തൂക്കംനോക്കാനെത്തിയ ജോസഫ്​, റോഡരികിലേക്ക് ഇറങ്ങിയപ്പോൾ കാറിടിച്ചുവീഴ്ത്തുകയായിരുന്നു. കാർ നിർത്താതെപോയി. വേ ബ്രിഡ്ജിൽ തടി കയറ്റിയിറക്കാനെത്തിയവർ പിക്​അപ് വാനിൽ ജോസഫിനെ ആദ്യം കാഞ്ഞിരപ്പള്ളി ജനറൽ ആശുപത്രിയിൽ എത്തിച്ചു. പിന്നീട്​ കോട്ടയം മെഡിക്കൽ കോളജ്​ ആശുപത്രിയിലേക്ക്​ മാറ്റി