നോയൽ സായിപ്പ് നട്ട ചെമ്പകമരം സംരക്ഷിച്ച് സ്കൂൾ

എരുമേലി: കനകപ്പലം എൻ.എം.എൽ.പി സ്കൂൾമുറ്റത്ത് തണലായി നിൽക്കുന്ന 107വർഷം പഴക്കമുള്ള ചെമ്പകമരത്തെ ഇന്നും സംരക്ഷിക്കുകയാണ് സ്കൂൾ അധികൃതർ. നോയൽ സായിപ്പ് 1916ൽ സ്കൂൾ സ്ഥാപിച്ചപ്പോൾ നട്ടതാണ് ചെമ്പകമരം. പരിസ്ഥിതി ദിനാഘോഷത്തി‍ൻെറ ഭാഗമായി സ്കൂൾ അധികൃതരും വിദ്യാർഥികളും ചേർന്ന് ചെമ്പകമുത്തശ്ശിയെ ആദരിച്ചു. പഞ്ചായത്ത് അംഗം പി.എ. സുനിമോൾ ഉദ്ഘാടനം ചെയ്തു. ഹെഡ് മാസ്റ്റർ സുനിൽ ജോർജ്, സി.എസ്. മാത്യു, സൂസൻ കെ.ജോസഫ്, എം. സിന്ധു, ജിജി കെ.ജോൺ, മിൻസി ബൈജു എന്നിവർ സംസാരിച്ചു. ചിത്രം: എൻ.എം.എൽ.പി സ്കൂളിൽ ചെമ്പകമുത്തശ്ശിയെ ആദരിച്ചപ്പോൾ