പരിസ്ഥിതി ദിനാഘോഷം

കോട്ടയം: മലിനീകരണ നിയന്ത്രണ ബോർഡും സി.എം.എസ് കോളജ് എൻ.എസ്.എസും സംയുക്തമായി സംഘടിപ്പിച്ച ലോക പരിസ്ഥിതി ദിനാഘോഷവും പരിശീലന പരിപാടിയും കലക്ടർ ഡോ. പി.കെ. ജയശ്രീ ഉദ്ഘാടനം ചെയ്തു. പരിസ്ഥിതി സംരക്ഷണത്തിന് മികച്ച പ്രവർത്തനങ്ങൾ കാഴ്ചവെച്ച സി.എം.എസ് കോളജിനെയും സി.എം.എസ് കോളജ് ഹൈസ്‌കൂളിനെയും മലിനീകരണ നിയന്ത്രണ ബോർഡ് അവാർഡുകൾ നൽകി ആദരിച്ചു. പരിസ്ഥിതി ദിനവുമായി ബന്ധപ്പെട്ട ക്വിസ് മത്സര വിജയികൾക്കും സമ്മാനങ്ങൾ നൽകി. സി.എം.എസ്​ കോളജ് പ്രിൻസിപ്പൽ ഡോ. വർഗീസ് സി.ജോഷ്വ അധ്യക്ഷതവഹിച്ചു. ഹരിതകേരള മിഷൻ ജില്ല കോഓഡിനേറ്റർ പി. രമേഷ്, ശുചിത്വ മിഷൻ ജില്ല കോഓഡിനേറ്റർ ബെവിൻ ജോൺ വർഗീസ് എന്നിവർ ക്ലാസെടുത്തു. ഫോട്ടോ: KTL pollution control board മലിനീകരണ നിയന്ത്രണ ബോർഡും സി.എം.എസ് കോളജ് എൻ.എസ്.എസും സംയുക്തമായി സംഘടിപ്പിച്ച കലക്ടർ ഡോ. പി.കെ. ജയശ്രീ ഉദ്ഘാടനം ചെയ്യുന്നു