പ്രായത്തിൽ മുന്നിൽ; കോന്നി സോമൻ ഗിന്നസ് റെ​േക്കാഡിലേക്ക്

കോന്നി: വനംവകുപ്പി​​ൻെറ ആനയായ കോന്നി സോമൻ ഏഷ്യയിലെ ഏറ്റവും പ്രായം കൂടിയ നാട്ടാന എന്ന പദവിയുമായി ഗിന്നസ് റെ​േക്കാഡിലേക്ക്. ഏഷ്യൻ - ആഫ്രിക്കൻ രാജ്യങ്ങളിലെ ഏറ്റവും പ്രായം കൂടിയ ഗജവീരൻ ലി വാങ് എന്ന ആനയായിരുന്നു. ഇത് വർഷങ്ങൾക്ക് മു​േമ്പ ​െചരിഞ്ഞു. പിന്നീട് ഏഷ്യയിൽ പ്രായം കൂടിയത് ദേവസ്വം ബോർഡി​ൻെറ ദാക്ഷായണിയായിരുന്നു. ഇതിനെ ഗിന്നസ് റെ​േക്കാഡിലേക്ക് എത്തിക്കാൻ ബോർഡ് തയാറായില്ല. അടുത്ത കാലത്താണ് ദാക്ഷായണി ​െചരിഞ്ഞത്. 78 വയസുള്ള സോമനെ ഗിന്നസ് റെ​േക്കാഡിലേക്ക് എത്തിക്കാൻ വനവികസന ഏജൻസിക്ക്​​ ചീഫ് വൈൽഡ് ലൈഫ് വാർഡൻ അനുമതി നൽകിയിരുന്നു. ഇതിനായി എഴുപത്തി അയ്യായിരം രൂപ ​െചലവ് വരും. ഗിന്നസിൽ ഇടം പിടിക്കുന്നതോടെ ഗസറ്റ് വിജ്ഞാപനത്തിലൂടെ സോമ​ൻെറ പേര് സോമനാഥൻ എന്നാക്കി മാറ്റാനും വനം വകുപ്പ് തീരുമാനിച്ചിട്ടുണ്ട്. തുടർന്ന് ആനയുടെ പരിപാലനത്തിന് പ്രത്യേക ഫണ്ടും രൂപവത്​കരിക്കും. അങ്ങനെ സോമൻ ഗിന്നസ് സോമനാഥനായി മാറും. 1968ൽ റാന്നി വനം ഡിവിഷനിലെ തേക്കുതോട് കെപ്രാമല ഭാഗത്തുനിന്നുമാണ് ആനയെ വനം വകുപ്പിന് ലഭിച്ചത്. കോന്നി ആനത്താവളത്തിൽ എത്തിച്ച് പരിശീലിപ്പിച്ച് മികച്ച താപ്പാനയാക്കി മാറ്റി. ആന പിടിത്തം നിർത്തലാക്കിയ എഴുപത്തിയേഴുവരെ നിരവധി കാട്ടാനകളെ കോന്നി ആനത്താവളത്തിൽ എത്തിച്ച് ചട്ടം പഠിപ്പിച്ച ഗജവീരനാണ് സോമൻ. ആന പിടിത്തം നിരോധിച്ചതോടെ സർക്കാർ വകയായ സോമൻ വനം വകുപ്പി​ൻെറ കോന്നി ആര്യങ്കാവ് തുടങ്ങിയ കൂപ്പുകളിൽ ജോലി ചെയ്ത് അറുപത്തിയഞ്ചാം വയസ്സിൽ ഒൗദ്യോഗിക മേഖലയിൽനിന്ന്​ വിരമിച്ചു. പിന്നീട് കോന്നിയിലും ഇപ്പോൾ കോട്ടൂരിലും വിശ്രമജീവിതം നയിക്കുകയാണ്. തലയെടുപ്പും, വലിയ കൊമ്പുകളും, ഒത്ത ഉയരവുമുള്ള കരിവീരനായ സോമൻ ഏറെക്കാലം കോട്ടൂർ ആനത്താവളത്തിലായിരുന്നതിനാൽ കോട്ടൂർ സോമൻ എന്നും അറിയപ്പെടുന്നുണ്ട്​.