പൊലീസിന് മർദനമെന്ന്​; ആറുപേർ റിമാൻഡിൽ

എരുമേലി: പാലത്തിലൂടെ വാഹനങ്ങള്‍ കടത്തിവിടുന്നതിനെ ചൊല്ലിയുള്ള തര്‍ക്കം അന്വേഷിക്കാനെത്തിയ പൊലീസിന് മർദനം. സംഭവവുമായി ബന്ധപ്പെട്ട് ആറുപേരെ പൊലീസ് അറസ്​റ്റ്​ ചെയ്തു. ചേനപ്പാടി സ്വദേശികളായ അനന്തു എസ്. നായർ, ജോസുകുട്ടി, പ്രദീപ്, രാഹുൽ, ജിനേഷ്, അനന്തു എന്നിവരാണ്​ അറസ്​റ്റിലായത്​. കോടതി റിമാൻഡ്​ ചെയ്തു. പ്രളയത്തിൽ തകർന്ന ചേനപ്പാടി കടവനാല്‍ കടവ് പാലത്തിലൂടെ വാഹനങ്ങള്‍ കടത്തിവിടുന്നതിനെ ചൊല്ലി തര്‍ക്കം ഉണ്ടായപ്പോള്‍ എസ്.ഐ അനീഷി​ൻെറ നേതൃത്വത്തിൽ പൊലീസ്​ എത്തി. ഇതിനിടെ ആറംഗസംഘം കൃത്യനിർവഹണത്തിന് തടസ്സം നിൽക്കുകയും മർദിച്ചെന്നും പൊലീസ് പറഞ്ഞു.