കരകൗശല ഉൽപന്ന വിപണനമേള

വൈക്കം: തലയോലപ്പറമ്പ് ജവഹർലാൽ മെമ്മോറിയൽ സോഷ്യൽ വെൽഫെയർ സൻെററും കേന്ദ്ര ടെക്​സ്​റ്റൈൽസ്​ മന്ത്രാലയവും ചേർന്ന് നടത്തിയ പരിശീലനപദ്ധതിയിൽ തഴപ്പായ നെയ്ത്ത്​ പ്രോത്സാഹിപ്പിക്കുന്നതി​ൻെറ ഭാഗമായി വൈക്കം താലൂക്കിലെ തെരഞ്ഞെടുത്ത വനിതകൾക്ക് പരിശീലനം നൽകി. വനിതകൾ നിർമിച്ച അതിവിപുലമായ ഉൽപന്നങ്ങളുടെയും കരകൗശല നിർമാണത്തൊഴിലാളികൾ ചിരട്ടയിലും നെല്ലോലയിലും തെങ്ങിൻതടിയിലും മറ്റും നിർമിച്ച വിവിധ ഉൽപന്നങ്ങളുടെയും മുപ്പതോളം സ്​റ്റാളുകൾ വൈക്കം സത്യഗ്രഹ മെമ്മോറിയൽ ഹാളിൽ ഒരുക്കി. മേള 30 വരെ തുടരും.