ഡാമുകളുടെ സംഭരണശേഷിയിൽ വൻ കുറവ്​; കല്ലാര്‍കുട്ടിയിൽനിന്ന്​ ഉടൻ മ​ണൽ വാരും

കോ​ട്ട​യം: മഴയിൽ ഡാമുകൾ അതിവേഗം നിറയുന്ന സാഹചര്യത്തിൽ പരീക്ഷണാടിസ്ഥാനത്തിൽ ക​ല്ലാ​ർ​കു​ട്ടിയിൽനിന്ന് മണൽ വാരാൻ തീരുമാനം. ഡാ​മു​ക​ള​ു​ടെ നിലവിലെ സം​ഭ​ര​ണ​ശേ​ഷി ക​ണ്ടെ​ത്താ​ൻ കെ.​എ​സ്.​ഇ.​ബി നി​യോ​ഗി​ച്ച ഏജൻസിയുടെ കണക്കെടുപ്പിൽ കല്ലാർകുട്ടിയിൽ വലിയതോതിൽ കുറവ്​ കണ്ടെത്തി. അടിത്തട്ടിൽ ചളിയും മണലും നിറഞ്ഞതിനാൽ വെള്ളം സംഭരിക്കാനുള്ള ശേഷിയിൽ 43 ശതമാനം കുറവുണ്ടായെന്നാണ്​ പഠനറിപ്പോർട്ട്​. ഇതോടെയാണ്​ ഇവിടെനിന്ന്​ പരീക്ഷണാടിസ്ഥാനത്തിൽ മണൽ വാരാനുള്ള തീരുമാനം. 2018ലെ മഹാപ്രളയത്തിലടക്കം സംഭരണികളിലേക്ക് വലിയതോതിൽ മണൽ ഒഴുകിയെത്തിയിരുന്നു. മണൽ നീക്കുമെന്ന്​ പ്രഖ്യാപനമുണ്ടായിരുന്നെങ്കിലും നടപടികൾ ഇഴഞ്ഞുനീങ്ങി. അടുത്തിടെയുണ്ടായ തുടർമഴയിൽ അടിത്തട്ടിൽ മണലും ചളിയും അടിഞ്ഞുകൂടിയതിനാൽ അതിവേഗം ഡാമുകൾ നിറഞ്ഞു. ഇതോടെയാണ്​ പദ്ധതി വേഗത്തിലാക്കാൻ കെ.എസ്​.ഇ.ബി തീരുമാനിച്ചത്​. കല്ലാർകുട്ടി ഡാമി​ൻെറ അടിത്തട്ടിലുള്ള മണലി​ൻെറ അളവ്​, ഗുണനിലവാരം​ എന്നിവ കണ്ടെത്താൻ നടപടി തുടങ്ങി. ഇതിനായി തിരുവനന്തപുരം എൻജിനീയറിങ്​ കോളജ്​, എൻ.ഐ.ടി കോഴിക്കോട്​, ഐ.ഐ.ടി പാലക്കാട്​ അടക്കമുള്ളവയുടെ പട്ടിക തയാറാക്കിയിട്ടുണ്ട്​. ഇതിൽനിന്ന്​ താൽപര്യമുള്ളവരെ കണ്ടെത്തി ഉടൻ കരാർ നൽകും. ഇവർ ഡാമിൽനിന്ന്​ സാമ്പിൾ ശേഖരിച്ച്​ മണലി​ൻെറ മൊത്തം അളവ്​ കണ്ടെത്തും. തുടർന്ന്​ വില നിർണയിക്കാനാണ്​ ധാരണ. ഇതടക്കമുള്ള വിവരങ്ങൾ ഉൾപ്പെടുത്തി കെ.എസ്​.ഇ.ബിയുടെ കീഴിലുള്ള ഡാം സേഫ്റ്റി ഓര്‍ഗനൈസേഷൻ സർക്കാറിന്​ വിശദ പ്രോജക്ട്​​ റി​േപ്പാർട്ട്​ നൽകും. വൈദ്യുതി ഉൽപാദനത്തെ ബാധിക്കാത്ത തരത്തിൽ മണൽ വാരാൻ കരാർ നൽകും. നി​ർ​മാ​ണ​ഘ​ട്ട​ത്തി​ലെ സം​ഭ​ര​ണ​ശേ​ഷി​യും നിലവിൽ ശേഖരിക്കാവുന്ന ജലത്തി​ൻെറ അളവും തമ്മിൽ വലിയ അന്തരമുണ്ടെന്ന്​ കെ.​എ​സ്.​ഇ.​ബി ക​ണ്ടെ​ത്തി​യി​രു​ന്നു. ഇതിൽ വ്യ​ക്ത​ത വ​രു​ത്താ​ൻ ലക്ഷ്യമിട്ട്​ ​മാസങ്ങൾ മുമ്പ്​ ചെ​റു​ഡാ​മു​ക​ളുടെ സംഭരണശേഷി കണ്ടെത്താൻ ​ജി​യോ മ​റൈ​ൻ സൊ​ല്യൂ​ഷ​ൻ​സ്​ പ്രൈ​വ​റ്റ്​ ലി​മി​റ്റ​ഡിനെ ചുമതലപ്പെടുത്തി. മാ​ട്ടു​പ്പെ​ട്ടി, ആ​ന​യി​റ​ങ്ക​ൽ, പൊ​ൻ​മു​ടി, ചെ​ങ്ങ​ളം, ക​ല്ലാ​ർ​കു​ട്ടി എ​ന്നീ ഡാ​മു​ക​ളിലായിരുന്നു പഠനം.​ ഇതിൽ സംഭരണശേഷിയിൽ ഏറ്റവും കുറവ്​ കല്ലാർകുട്ടി ഡാമിലാണെന്ന്​ കണ്ടെത്തി. മറ്റ്​ ഡാമുകളിൽ 15 ശതമാനംവരെയാണ്​ കുറവ്​. കല്ലാർകുട്ടിയിലേത്​ വിജയമായാൽ അടുത്ത ഘട്ടത്തിൽ കൂടുതൽ ഡാമുകളുടെ യഥാർഥ സംഭരണശേഷി കണ്ടെത്താൻ പഠനം നടത്തിയശേഷം വലിയതോതിൽ കുറവ്​ ക​െണ്ടത്തുന്ന ഡാമുകളിൽനിന്ന്​ മണൽ വാരാനാണ്​ ധാരണ. അതിനിടെ, ഇടുക്കി അടക്കം രാജ്യത്തെ വലിയ അണക്കെട്ടുകളു​െട സംഭരണശേഷി ക​െണ്ടത്താൻ കേന്ദ്ര ജലകമീഷനും പഠനം നടത്താൻ തീരുമാനിച്ചിട്ടുണ്ട്​. എബി തോമസ്​