പുതിയ മദ്യശാലകള്‍ തുറക്കരുത് -എം.എസ്.എസ്

കോട്ടയം: കൂടുതൽ മദ്യശാലകള്‍ തുറക്കണമെന്ന് ഹൈകോടതി ആവശ്യപ്പെട്ടിട്ടില്ലെന്ന് വ്യക്തമാക്കിയ സാഹചര്യത്തില്‍ പുതിയ 175 മദ്യശാലകള്‍ തുറക്കാനുള്ള നീക്കത്തില്‍നിന്ന് സര്‍ക്കാര്‍ പിന്തിരിയണമെന്ന് മുസ്​ലിം സര്‍വിസ് സൊസൈറ്റി ജില്ല കമ്മിറ്റി ആവശ്യപ്പെട്ടു. മദ്യവര്‍ജന പ്രവര്‍ത്തനങ്ങള്‍ സര്‍ക്കാര്‍ ആത്മാർഥമായി നടപ്പാക്കണമെന്നും യോഗം ആവശ്യപ്പെട്ടു. പ്രസിഡൻറ് കെ.എം.എ. സലീം അധ്യക്ഷത വഹിച്ചു. സെക്രട്ടറി എന്‍. ഹബീബ്, ഹലീല്‍ റഹ്​മാന്‍, വി.ഐ. അബ്​ദുല്‍ കരീം, എസ്. എ. ഷംസുദ്ദീന്‍, നാസര്‍ കങ്ങഴ, അഡ്വ. സദറുല്‍ അനാം, കെ.എം. രാജ എന്നിവര്‍ സംസാരിച്ചു.