സഭകള്‍ ഒന്നിച്ചുനീങ്ങേണ്ടത് കാലഘട്ടത്തി​​െൻറ ആവശ്യം -ഇൻറര്‍ ചര്‍ച്ച് കൗണ്‍സില്‍

സഭകള്‍ ഒന്നിച്ചുനീങ്ങേണ്ടത് കാലഘട്ടത്തി​​ൻെറ ആവശ്യം -ഇൻറര്‍ ചര്‍ച്ച് കൗണ്‍സില്‍ ചങ്ങനാശ്ശേരി: ക്രിസ്തീയ സഭകളെല്ലാം ചേർന്നുനിന്ന്​ കാലഘട്ടത്തി​ൻെറ വെല്ലുവിളികൾ നേരിടണമെന്ന് സിറോ മലബാര്‍ സഭ അധ്യക്ഷന്‍ കർദിനാള്‍ മാര്‍ ജോര്‍ജ് ആലഞ്ചേരി. ക്രൈസ്തവ സഭകളുടെ കൂട്ടായ്മയായ ഇൻറര്‍ ചര്‍ച്ച് കൗണ്‍സിലിൽ യോഗത്തിൽ അധ്യക്ഷത വഹിക്കുകയായിരുന്നു അദ്ദേഹം. സഭകളുടെ ഐക്യം കാലഘട്ടത്തി​ൻെറ ആവശ്യമാണെന്നും ഒരുമിച്ചുനടക്കാനുള്ള വിളിയാണ് ഈ കാലഘട്ടം ആവശ്യ​പ്പെടുന്നതെന്നും​ മാര്‍ ജോസഫ് പെരുന്തോട്ടം പറഞ്ഞു. സിറോ മലബാര്‍, ലത്തീന്‍, മലങ്കര കത്തോലിക്ക, ഓര്‍ത്തഡോക്സ്, യക്കോബായ, മാര്‍ത്തോമ, സി.എസ്.ഐ, അസീറിയന്‍ ചര്‍ച്ച് ഓഫ് ദ ഈസ്​റ്റ്​, തൊഴിയൂര്‍ എന്നീ സഭകളെ പ്രതിനിധാനം ചെയ്​ത്​ 38 മെത്രാൻമാർ പങ്കെടുത്തു. ക്രിസ്ത്യന്‍ വിവാഹ രജിസ്ട്രേഷന്‍ ബില്ല് 2020 ഉയര്‍ത്തുന്ന ആശങ്കകള്‍ പരിഹരിക്കണമെന്ന്​ യോഗം ആവശ്യപ്പെട്ടു. 2008ലെ പൊതു രജിസ്ട്രേഷന്‍ ചട്ടങ്ങള്‍ എല്ലാവര്‍ക്കും ബാധകമായിരിക്കെ ക്രൈസ്തവര്‍ക്ക് മാത്രമായി നിയമം നിർമിക്കുന്ന സാഹചര്യം സംശയമുണര്‍ത്തുന്നതായും ബില്ല്​ നടപ്പാക്കരുതെന്നും യോഗം ആവശ്യപ്പെട്ടു. ഡോ. ജോര്‍ജ് തെക്കേക്കര പ്രബന്ധം അവതരിപ്പിച്ചു. കൗൺസിൽ ജോയൻറ്​ സെക്രട്ടറി ഡോ. ജോര്‍ജ് മഠത്തില്‍പറമ്പില്‍ നേതൃത്വം നല്‍കി. KTG CHR 2 INTERCHURCH COUNCIL ഇൻറര്‍ ചര്‍ച്ച് കൗണ്‍സിൽ യോഗത്തിൽ കർദിനാള്‍ മാര്‍ ജോര്‍ജ് ആലഞ്ചേരി സംസാരിക്കുന്നു