മാണി സി.കാപ്പന്​ കോവിഡ്​

പാലാ: കോവിഡ് സ്ഥിരീകരിച്ചതിനെത്തുടർന്ന് മാണി സി.കാപ്പൻ എം.എൽ.എയുടെ പൊതുപരിപാടികൾ 14 ദിവസത്തേക്ക്​ റദ്ദാക്കി. സന്ദർശകർക്കും വിലക്കേർപ്പെടുത്തി. എം.എൽ.എയുമായി ബന്ധപ്പെടേണ്ട കാര്യങ്ങൾക്കായി പാലായിൽ പ്രവർത്തിക്കുന്ന എം.എൽ.എ ഓഫിസിൽ സൗകര്യം ഏർപ്പെടുത്തിയിട്ടുണ്ടെന്ന്​ അദ്ദേഹം അറിയിച്ചു 100 കേന്ദ്രങ്ങളിൽ ഐ.എൻ.ടി.യു.സി ധർണ കോട്ടയം: ഇന്ധന വിലവർധനക്കെതിരെ ജില്ലയിലെ 100 വില്ലേജ് ഓഫിസുകൾക്ക്​ മുന്നിൽ ഐ.എൻ.ടി.യു.സി ധർണ നടത്തി. ജില്ലതല ഉദ്ഘാടനം കോട്ടയത്ത്​ ജില്ല പ്രസിഡൻറ്​ ഫിലിപ് ജോസഫ് നിർവഹിച്ചു. പെട്രോളിയം ഉൽപന്നങ്ങളെ ജി.എസ്.ടിയിൽ ഉൾപ്പെടുത്തി വിലനിയന്ത്രിക്കാൻ കേന്ദ്രസർക്കാർ തയാറാകണമെന്ന്​ അദ്ദേഹം ആവശ്യപ്പെട്ടു. മുഹമ്മദ് ബഷീർ അധ്യക്ഷതവഹിച്ചു. കോൺഗ്രസ് നേതാക്കളായ നന്ദിയോട് ബഷീർ, ടി.സി. റോയി, ബൈജു പി.ജോർജ്, ടോണി തോമസ്, എസ്. അബ്​ദുൽ റസാഖ്, വി.ജി. സന്തോഷ്, മൈക്കിൾ കഞ്ഞിക്കുഴി, ടി. പ്രേംകുമാർ, എൻ.സി. രാജു തുടങ്ങിയവർ സംസാരിച്ചു.