മക​െൻറ അച്ഛൻ; അച്ഛ​െൻറ മകൻ

മക​ൻെറ അച്ഛൻ; അച്ഛ​ൻെറ മകൻ പാലാ: ​കോട്ടയം ജില്ലയുടെ കിഴക്കൻ അതിരിൽ, ശബരിമല വനത്തോടു ചേർന്ന കുഴിമാവ്​ ഗ്രാമത്തിൽ '90കളിൽ ഒരു കായികതാരമുണ്ടായിരുന്നു. സബ്​ജില്ല തലങ്ങളിൽ മിന്നും പ്രകടനം കാഴ്​ചവെച്ച അനിൽകുമാർ. 100, 200 മീറ്റർ മത്സരങ്ങളിൽ ഇടിമിന്നൽപോലെ പാഞ്ഞ അവ​ൻെറ കായികഭാവിക്ക്​ മിന്നൽപിണരി​ൻെറ ആയുസ്സേ ഉണ്ടായിരുന്നുള്ളൂ. സബ്​ജില്ലക്ക്​ അപ്പുറം ആ മിടുക്ക്​ പ്രകടിപ്പിക്കാൻ മലഅരയ സമുദായത്തിൽപെട്ട അവ​ൻെറ സാഹചര്യം അനുവദിച്ചില്ല. കാലം അദ്ദേഹത്തെ ടാപ്പിങ്​ തൊഴിലാളിയായി ഒതുക്കി. വർഷങ്ങൾക്കിപ്പുറം ജില്ല അമേച്വർ അത്​ലറ്റിക്​ മീറ്റ്​ നടക്കുന്ന പാലായിലെ സിന്തറ്റിക്​ ട്രാക്കിൽ പഴയ ആവേശ​ത്തോടെ സുനിൽ നിൽപുണ്ട്​. 2000 മീറ്ററിൽ ഒന്നാം സ്ഥാനം നേടിയ മകൻ വി.എസ്​. നിധി​ൻെറ സർട്ടിഫിക്കറ്റ്​ കണ്ടിട്ടും കണ്ടിട്ടും സുനിലിന്​ മതിയാകുന്നില്ല. കായികതാരം ആകണമെന്ന മോഹം മകനിലൂടെയെങ്കിലും പൂർത്തീകരിക്കണം. ''ഉള്ളതെല്ലാം നുള്ളിപ്പെറുക്കിയാണെങ്കിലും അവനെ ഞാൻ മത്സരങ്ങൾക്ക്​ കൊണ്ടുപോകും'' സുനിൽ പറഞ്ഞു. കുഴിമാവ്​ ഗവ. ഹൈസ്​കൂളാണ്​ ഇരുവരുടെയും വിദ്യാലയം. ബഹുഭൂരിപക്ഷവും പിന്നാക്ക സമുദായക്കാർ പഠിക്കുന്ന സ്​കൂളാണ്​. കായിക പരിശീലനത്തിൽ താൽപര്യമുള്ള രണ്ടുഡസനോളം കുട്ടികളുമുണ്ട്​. പക്ഷേ, പരിശീലനത്തിനുപോലും ഒരു ഗ്രൗണ്ട്​ അവിടെയില്ല. ഈ കുട്ടികളുടെ ആത്മാർഥത തൊട്ടറിഞ്ഞ സുധീഷ്​, ബിനു എന്നീ അധ്യാപകർ ആഴ്​ചയിൽ കുറച്ചുദിവസങ്ങളിൽ പരിശീലനം നൽകുന്നതാണ്​ ഏക ആശ്വാസം. നിധിൻ കഴിഞ്ഞവർഷം 600 മീറ്ററിൽ ജില്ലയിൽ ഒന്നാമതെത്തിയിരുന്നു. സംസ്ഥാന മത്സരത്തിൽ അഞ്ചാമതും. ഇക്കുറി 800 മീറ്റിലും മത്സരിക്കാനിരുന്നുവെങ്കിലും കാലിനേറ്റ പരിക്ക്​ വില്ലനായി. സ്ഥിരം പരിശീലകനെ കിട്ടിയാൽ മികവ്​ തെളിയിക്കാമെന്ന ആത്മവിശ്വാസം അച്ഛനും മകനുമുണ്ട്​. എന്നാൽ, എന്താണ്​ വഴിയെന്ന് ​മാത്രം അറിയില്ല. മികച്ച ഫുട്​ബാൾ കളിക്കാരൻ കൂടിയാണ്​ നിധിൻ. അച്ഛൻ കണ്ട സ്വപ്​നമോ അച്ഛൻ നേരിട്ട യാഥാർഥ്യമോ ഏതാണ്​ തന്നെ കാത്തിരിക്കുന്നത്​ എന്ന ആശങ്കയിലും നിധിൻ പരിശീലനം തുടരുകയാണ്​. ചിത്രം