ജവാൻ അനീഷിന്​ കണ്ണീരില്‍ കുതിര്‍ന്ന വിട

ചെറുതോണി (ഇടുക്കി): കശ്മീരിലെ ബാരമുല്ലയില്‍ ഡ്യൂട്ടിക്കിടെ ഉണ്ടായ അപകടത്തില്‍ വീരമൃത്യു വരിച്ച ബി.എസ്.എഫ് ജവാൻ ഇടുക്കി ചെമ്പകപ്പാറ കൊച്ചുകാമാക്ഷി സ്വദേശി വടുതലക്കുന്നേൽ അനീഷ് ജോസഫിന് (44) കണ്ണീരിൽ കുതിർന്ന വിട. മൃതദേഹം ബുധനാഴ്​ച വൈകീട്ട്​ അഞ്ചിന്​ ഔദ്യോഗിക ബഹുമതികളോടെ കൊച്ചുകാമാക്ഷി സ്‌നേഹഗിരി സൻെറ്​ സെബാസ്​റ്റ്യന്‍സ് പള്ളി സെമിത്തേരിയില്‍ സംസ്‌കരിച്ചു. ഡൽഹിയിൽനിന്ന്​ നെടുമ്പാശ്ശേരി വിമാനത്താവളത്തിലെത്തിച്ച മൃതദേഹം മന്ത്രി റോഷി അഗസ്​റ്റിൻ ഏറ്റുവാങ്ങി. ഇടുക്കി ഡിവൈ.എസ്.പി ഇമ്മാനുവൽ പോൾ, പീരുമേട് ഡിവൈ.എസ്.പി സി.ജി. സനിൽകുമാർ എന്നിവരുടെ നേതൃത്വത്തിൽ സൈനിക വാഹനത്തിൽ ഉച്ചക്ക് 2.30ന് വീട്ടിലെത്തിച്ചു. വൈകീട്ട്​നാലോടെ വൻജനാവലിയുടെ അകമ്പടിയോടെ വിലാപയാത്രയായി പള്ളിയിലെത്തിച്ച് അന്ത്യകർമങ്ങൾ ആരംഭിച്ചു. ഇടുക്കി രൂപത മെത്രാൻ മാർ ജോൺ നെല്ലിക്കുന്നേൽ മുഖ്യകാർമിത്വം വഹിച്ചു. 88 ബറ്റാലിയന്‍ തൃശൂര്‍ ഇന്‍സ്‌പെക്ടര്‍ അബാനി മാലിക് ദേശീയ പതാക ജവാ​ൻെറ ഭാര്യക്ക് കൈമാറി. മന്ത്രി റോഷി അഗസ്​റ്റിന്​ പുറമെ‍ എം.എം. മണി എം.എൽ.എ, ജില്ല പഞ്ചായത്ത് പ്രസിഡൻറ്​ ജിജി കെ. ഫിലിപ്പ്, കലക്ടര്‍ ഷീബ ജോര്‍ജ്, ബി.എസ്.എഫ് ജമ്മു ഇന്‍സ്‌പെക്ടര്‍ കിഷന്‍ കുമാര്‍ തുടങ്ങിയവര്‍ പങ്കെടുത്തു. വടുതലക്കുന്നേല്‍ പരേതനായ ജോസഫ് ഈപ്പ​ൻെറയും അമ്മിണിയുടെയും ഇളയമകനാണ് അനീഷ്. ബി.എസ്.എഫ് 63 ബറ്റാലിയന്‍ അംഗമായ അനീഷ് കരസേനയോടൊപ്പം അതിര്‍ത്തിയിലെ സംയുക്ത നിരീക്ഷണ ഡ്യൂട്ടിക്കായാണ് ബാരമുല്ലയിൽ എത്തിയത്. 20 വര്‍ഷത്തെ സൈനിക സേവനത്തിനുശേഷം ഈ മാസം അവസാനം വിരമിക്കാനിരിക്കുകയായിരുന്നു. 15 അടി ഉയരത്തില്‍ സ്ഥാപിച്ച ഒറ്റയാള്‍ ടൻെറില്‍ ഡ്യൂട്ടി ചെയ്യുന്നതിനിടെയാണ് അപകടം. ഭാര്യ സീന ഗുജറാത്തില്‍ സി.ആർ.പി.എഫ്​ ഗാന്ധിനഗര്‍ റെജിമൻെറിലാണ്. ബംഗളൂരുവില്‍ പ്ലസ് വണ്‍ വിദ്യാര്‍ഥിനിയായ എലന മരിയ, ആറാം ക്ലാസ് വിദ്യാര്‍ഥിനി അലോണ മരിയ എന്നിവരാണ് മക്കള്‍. TDG100 jawan aneesh ജവാൻ അനീഷി​ൻെറ മൃതദേഹത്തിനരികിൽ കുടുംബാംഗങ്ങളും മന്ത്രി റോഷി അഗസ്​റ്റിനും